Čačepangre 1:33 - O Debleskro Lab 2024 (Sinte-Manouche)

³³ I menshe dran o kheer Naftali tradan kol menshen gar krik, kay an i forya Bet-Shemesh oun Bet-Anat djivenn. Na-a, yon djivan mashkral kol Kanaanitarya, kay kote khere his. Oun kolla van lengre boudepangre oun hounte boudran lenge phares.

O Debleskro Drom 2021 (Sinte)

³³ I menshe dran o kheer Naftali tradan kol menshen gar krik, kai an i forja Bet-Shemesh un Bet-Anat djiwenn. Na-a, jon djiwan mashkral kol Kanaanitarja, kai kote khere his. Un kolla wan lengre budepangre un hunte budran lenge phares.

Čačepangre 1:33 ပူးပေါင်းရင်းမြစ်များ

Debleskri gili 18:24

Yaake te hatsell lo či ap mande, kay nay čingrell lo mantsa, oun dau yak, te vell kek doosh ap mande.

Josua 15:10

Oun foun o foro Baala djas o drom pash i berge Seir, hoy kote čiddo hi, kay o kham tele djal. Foun kotar djas doureder ap i nordetikri rig koy bergatar Yearim – lakro vavar lab hi Kesalon – oun palle tele pash o foro Bet-Shemesh oun doureder an o foro Timna;

Čačepangre 1:30

Ninna i morsha dran o kheer Zabulon tradan gar kol menshen krik, kay an i forya Kitron oun Nahalal djivenn. Oun yaake ačan i Kanaanitarya kote oun djivan mashkral lende. Oun yon kran lendar boudepangre, hoy lenge phares hounte boudran.

Čačepangre 1:32

Doleske djivan i menshe dran o kheer Asser mashkral i Kanaanitarya, kay kote khere his. Vi tradan le len gar.

Čačepangre 1:34

Oun i Amorarya tradan i menshen dran o kheer Dan pale an i berge, oun moukan len gar tele te vell an o telstouno them.

Čačepangre 1:35

Oun i Amorarya ačan ap i berge, hoy kharenna Heres, oun moukan pen gar krik te tradell, oun ačan yaake an i forya Ayalon oun Shaalbim. Pal i tsiro vas o kheer Yosef zorleder har yon. Oun yon van lengre boudepangre, oun hounte boudran lenge phares.