Čačepangre 1:29 - O Debleskro Lab 2024 (Sinte-Manouche)

²⁹ Ninna i morsha dran o kheer Efrayim tradan i Kanaanitaryen gar krik, kay djivenn an o foro Geser. Oun yaake ačan i Kanaanitarya oun djivan mashkral lende an o foro Geser.

O Debleskro Drom 2021 (Sinte)

²⁹ Ninna i mursha dran o kheer Efrajim tradan i Kanaanitarjen gar krik, kai djiwenn an o foro Geser. Un jaake atchan i Kanaanitarja un djiwan mashkral lende an o foro Geser.

Čačepangre 1:29 ပူးပေါင်းရင်းမြစ်များ

1. Rajengro liil 9:15

Kova hi o lab, hoy činlo hi pral i boudi, hoy hounte kran i boudepangre o baro rayeske Salomo. Lentsa kras yob o baro Debleskro kheer oun peskro kheer, oun ko turmo Millo, oun koy massouri troul Yerusalem, oun kol forya Hazor oun Megiddo oun Geser.

1. Rajengro liil 9:16

[O Farao, ko baro ray pral Egiptia, kouras pes o foreha Geser, las les dren oun rhačras les tele. Oun i Kanaanitaryen, kolla, kay djivan an o foro, moukas lo te marell. Oun yob das ko tselo foro peskri čate, koya his o Salomeskri romni.]

Josua 10:33

An kava tsiro djas o baro ray pral o foro Geser, o Horam pre, te vell lo ap i rig kolendar, kay djivenn an o foro Lakish. Ninna les oun leskre lourden maras o Yosua yaake, te nay ačas kek lendar.

Josua 16:10

Oun yon tradan i Kanaanitarya gar vin, hoy an o foro Geser djivan. Oun i Kanaanitarya djivenn mashkral i Efrayimarya bis ap kava dives. Oun yon hounte boudran lenge.

Čačepangre 1:28

Oun har i Israelitarya zoreles van, kran le, te van i Kanaanitarya lengre boudepangre, kay lenge phares hounte boudran, – vin tradan le len gar.

Čačepangre 1:30

Ninna i morsha dran o kheer Zabulon tradan gar kol menshen krik, kay an i forya Kitron oun Nahalal djivenn. Oun yaake ačan i Kanaanitarya kote oun djivan mashkral lende. Oun yon kran lendar boudepangre, hoy lenge phares hounte boudran.