Bičepangre 6:10 - O Debleskro Lab 2024 (Sinte-Manouche)

¹⁰ O Debleskro Dourho das les gosvepen, te nay rakras kek lendar leske pale.

O Debleskro Drom 2021 (Sinte)

¹⁰ O Debleskro Ducho das les goswepen, te nai rakras kek lendar leske pale.

Bičepangre 6:10 ပူးပေါင်းရင်းမြစ်များ

Hiob 32:18

Man hi boud laba te penell. Me nay rikrau gar mire laba pale, hoy an mande hi oun vin kamenn.

Hiob 32:8

Hi čačo, kova, hoy krell i menshes gosevo, hi o dourho o zorelo Deblestar, koles yob an i mensheste dren čivas.

2. Mose 4:12

Oun kanna dja pash lende! Me kamau tiro mouy te vell, oun kamau touke lauter sikrell, hoy tou lenge te peness!”

Jesaja 54:17

Kek rharo, hoy kerdo vas, te dell lo tout moulo, nay doukrell tout. Oun hako kopo, kay yek čomone ap toute pre anell, nay sikreh tou, kay yob rhorhras. Kova krau kolenge, kay mange boudrenn. Oun me sikrau, te hi yon an o čačepen, penell o baro Devel.

Jeremia 15:20

Me krau tout kal menshenge har i zoreli massouri. Ninna te djan le ap toute, nay vitsrenn le tout gar trouyel. Me, o baro Devel, hom pash toute, te vap ap tiri rig, oun te lap tout vin dran lengre vasta, –

Ezekiel 3:27

Ap ko tsiro kay rakrau pale touha, krau me tiro mouy pre. Oun tou peness palle ap lende: Kava penell o baro Devel, maro ray … Koon kamell te shounell, kova shounell ap toute. Koon kamell gar te shounell, kova shounell gar ap toute. Yon hi menshe, kay moukenn pen či te penell.

Micha 3:8

Man hi i bari zoor. O baro Devel čivas peskro dourho an mande. oun kras miro dji pherdi zoor, te rakrap o čačepen vin, te penap o Yakobeskre čavenge pengri doosh, ava, te sikrap i Israelenge kay le o Debleskro dromestar tele djan.

Louka 1:17

Oun yob hi pherdo Debleskri zoor yaake har o Eliya, oun yob krell i drom pre o Debleske. Oun yob krella, te lenn i dada pale i dji pengre čavenge. Oun kolla, kay shounan gar ap o Debleste, kolen anell yob pale ap o čačo drom. Oun yaake krell lo, te hi i menshen djia, kay pre hi lengro Debleske.”

Louka 21:15

Me dau t'men ko gosvepen, oun penau t'menge, hoy t'mer hounte penenn. Oun palle djinenn le bouder gar, hoy te penenn le.

Johanni 7:46

“Har kava morsh rakras, shounam mer maro tselo djipen gar!” penan i kliste ap lende.

Bičepangre 5:39

Te hi ko koova o Deblestar, palle nay phagenn les gar. Denn yak, te čingrenn t'mer gar ap o Debleste.” Oun yon shounan ap o Gamaliel.

Bičepangre 6:11

Palle anan le morshen ap lengri rig. Oun kolla anan rhorhepen ap o Stefaneste pre. Yon penan: “Mer shounam, kay penas yob djoungele laba pral o Moseste oun pral o Debleste.”

Bičepangre 6:9

Kote van bibolde pash leste. Kolla van dran boud biboldengre kangria. Yon his Libertarya, morsha dran i forya Kirene oun Alexandria, oun dran i themma Cilicia oun Asia. Oun yon rakran o Stefaneha oun čingran pen leha.

Bičepangre 7:51

Oun o Stefano penas doureder ap lende: “T'mer kamenn či te hayvell. T'maro dji hi har bar. T'mare kandentsa shounenn či, oun kamenn gar ap o Debleskro Dourho te shounell. Yaake kran t'mare phoure. Yaake krenn ninna t'mer.

1. Korintarja 2:4

Me rakrom t'mentsa gar zorele oun goseve labentsa, te anap t'men ap o Debleskro drom. Na-a, o Debleskro Dourho rakras zoreles ap t'mende,