Bičepangre 21:27 - O Debleskro Lab 2024 (Sinte-Manouche)

²⁷ Har his kolla efta divessa trouyel, dikan i bibolde dran o them Asia o Paules an o Debleskro baro kheer. Oun yon kran, te van boud menshe rhoyedo ap leste. Oun yon tapran les,

O Debleskro Drom 2021 (Sinte)

²⁷ Har his kolla efta diwessa trujel, dikan i bibolde dran o them Asia o Paules an o Debleskro baro kheer. Un jon kran, te wan bud menshe chojedo ap leste. Un jon tapran les,

Bičepangre 21:27 ပူးပေါင်းရင်းမြစ်များ

1. Rajengro liil 21:25

Čačepah, kek his koy har o Ahab, kay bikras pes, te krell lo o čilačepen glan i yaka o baro Deblestar. Oun leskri romni, i Isebel, his koya, kay anas les ap kava čilačo drom.

4. Mose 19:11

Koon i moulo menshes an-tapella, kova hi efta divessa pale-čiddo.

4. Mose 6:13

Kova hi ko lab, hoy penell koleske, kay hi i tsireske o Debleske koy, hoy te krell lo: Te hi ko tsiro trouyel, kay das yob pes sovel, hounte vell lo pash o voudar glan o Debleskro plarhteno kheer anlo.

4. Mose 6:9

Te his yob pashel, har meras yek ap yek kopo, venn leskre balla pale-čiddo shob divessa. Ap o eftato dives hounte činell yob peskro bal ap o shero, oun yob vell pale erligo.

Louka 21:12

Glan ko tsiro, kay kova lauter vella, lenn yon t'men palla, oun taprenn t'men. Yon anenn t'men glan i čačepangre an i biboldengre kangria oun vitsrenn t'men an o stilepen. T'mer patsenn ap mande. Doleske anenn le t'men glan i bare rayende oun glan i pralstunende, te rakrenn yon i phagi vin pral t'mende.

Bičepangre 13:50

Koy djan i pralstoune bibolde pash kol bravele djouvyende, kay lan i biboldengro patsepen an, ninna pash kol pralstunende an ko foro, rakran lentsa oun kran, te van le rhoyedo ap o Pauleste oun ap o Barnabeste. Oun khetne lentsa lan le len palla oun tradan len dran ko foro vin.

Bičepangre 14:19

Koy van bibolde dran i forya Antiochia oun Ikonion an kava foro. Kolla lan boud menshen ap pengri rig, lan barra, vitsran i barrentsa ap o Pauleste, tserdan les dran o foro vin, oun dikan ap leste, oun penan: “Kova hi moulo.”

Bičepangre 14:2

Kol bibolde, kay van gar patslo, penan, te vals kova gar čačo, hoy o Paulo penas, oun kran, te van kolla, kay kek bibolde hi, rhoyedo ap i patslende.

Bičepangre 14:5

Kova djas yaake dour, kay čivan pen i bibolde khetne kolentsa, kay kek bibolde hi. Oun khetne lengre pralstunentsa kaman le ap kol douyende pre te djal, te denn le len i barrentsa moulo.

Bičepangre 16:6

O Paulo oun o Silas djan doureder. Oun har o Debleskro Dourho gar kamas, te penan le o Debleskro lab an o them Asia, djan le an i themma Frigia oun Galatia.

Bičepangre 17:13

Har shounan kol bibolde an o foro Tessalonika, te penas o Paulo ninna i menshenge an o foro Berea o Debleskro lab, van le kote oun kran čingepen. Yon kaman, te venn i menshe rhoyedo ap lende.

Bičepangre 18:12

An ko tsiro, har his o Gallio o pralstouno oun čačepaskro ray pral o them Akaya, čivan pen kol bibolde khetne, oun anan o Paules glan leste,

Bičepangre 2:9

Mer vah dran i themma Partia, Media, Elam, Mesopotamia, Youdea, Kappadocia, Pontus, Asia, Frigia, Pamfilia, Egiptia, dran o foro Kirene, kay hi an o them Libia, oun ninna dran o foro Rom.

Bičepangre 20:19

Me krom man gar bareder har me hom. Me hom o ray Yezouseske koy. His mange yek, te djal mange djoungeles. I bibolde lan man palla, oun boud kope his mange ropaske.

Bičepangre 24:11

Hi gar boudeder har deesh-te-douy divessa, kay vom an o foro Yerusalem, te mangap o Debles an. I vavar nay penenn touke, kay kova čačo hi.

Bičepangre 24:18

Har homs an o Debleskro baro kheer oun thovom man pal o biboldengro čačepen, his gar boud menshe pash mande, vitar kek, kay his rhoyedo oun divyo.

Bičepangre 26:21

Doleske tapran man kol bibolde an o Debleskro baro kheer, oun kaman man te marell.

Bičepangre 4:3

Doleske tapran le len oun čivran len i rati an o stilepen.

Bičepangre 5:18

oun tapran len, oun vitsran len an o stilepen.

Bičepangre 6:12

Yon kran kol tsele menshen divyo, ninna kol biboldengre phoureden oun čačepangren. Oun yon van ap leste pre, tapran les, oun anan les glan i pralstoune biboldende.

Bičepangre 6:9

Kote van bibolde pash leste. Kolla van dran boud biboldengre kangria. Yon his Libertarya, morsha dran i forya Kirene oun Alexandria, oun dran i themma Cilicia oun Asia. Oun yon rakran o Stefaneha oun čingran pen leha.

2. Korintarja 11:26

Ap miro drom an boud vavar forya oun themma his boud kope o merepen glan mire yaka. Me nay tassoms an i divye panya, oun kol čorepangre nay dans man moulo. Oun i bibolde, oun ninna kolla, kay kek bibolde hi, kolla lan man palla. An o moulo them oun an o baro pani, kay homs, his o merepen glan mire yaka, oun ninna, har homs mank kol phralende, kay hi kek čače phrala.

1. Tessalonikarja 2:16

Yon moukenn men gar, te penas mer o lačo lab i vavarenge, kay kek bibolde hi, te nay venn kolla ninna ap o Debleskro drom. Yaake vas i biboldengri doosh yaake baro, bareder djal gar. Oun o Debleskri rholi vas zoreles pral lende.