Bičepangre 18:3 - O Debleskro Lab 2024 (Sinte-Manouche)

³ Oun har yob koy emligi boudi kras har yon, ačas lo pash lende oun boudras lentsa.

O Debleskro Drom 2021 (Sinte)

³ Un har job koi emligi budi kras har jon, atchas lo pash lende un budras lentsa.

Bičepangre 18:3 ပူးပေါင်းရင်းမြစ်များ

2. Rajengro liil 6:2

Mer kamah pash o Yordan te djal, te las menge rouka, oun krah menge i bareder kheer, kay mer khetne vah.” Yob penas: “Djan koy!”

1. Korintarja 4:12

Mer marah men tele mare vastentsa, te vell men čomone te rhal. Yon praasenn men, oun mer rakrah o Debleskri barht pral lende vin. Yon te lenn men palla, rikrah mer vin.

1. Korintarja 9:14

Yaake penas maro ray Yezous ninna, te lenn kolla, kay leskro lab i menshenge penenna, kova, hoy len hounte vell djipaske.

1. Korintarja 9:15

Kava čačepen lom mange gar: Me lom či t'mendar. Me činau kova gar, te vap me kanna t'mendar playsedo. Feteder vals, me meroms, har te penenn i menshe mange palla, te playsrenn t'mer man. Me nay sharau man, te penau i menshenge o lačo lab o Yezousestar čičeske.

1. Korintarja 9:18

Hoy lau me koleske? Me lau či. Mange hi shoukeder te penap o lačo lab o Yezous Kristestar čičeske, har te vap me playsedo.

2. Korintarja 11:7

Krom me man baro, har lom kek love t'mendar, har penom t'menge o Debleskro lačo lab? Lom me doleske i doosh ap mande? Na-a, me krom t'men baro.

2. Korintarja 11:9

Har me pash t'mende homs, oun mange his gar doha djipaske, mangom kekestar t'mendar čomone. I patsle phrala, kay van dran o them Macedonia, anan mange yaake boud, te nay djivom pash t'mende. Yaake perom kekeske t'mendar ap i possita. Oun yaake kamau kova ninna te krell an ko tsiro, hoy vella.

2. Korintarja 12:13

Me krom t'menge yaake boud, har krom ninna i vavar patslenge, kay an vavar forya khetne venna. Yek koova hi vavarčandes: T'mendar lom kek love. Te his kova i doosh, mangau t'mendar, bistrenn koy doosh!

1. Tessalonikarja 2:9

Mire phrala, t'mer djinenna, har phari mari boudi his, har hams pash t'mende, oun sikram t'mende o Debleskro drom. Ap o dives oun an i rat boudram, te djivas gar dran t'mari possita.

1. Tessalonikarja 4:11

Djivenn t'maro djipen yaake, te nay rakrenn i menshe gar djoungeles pral t'mende! Krenn t'mari boudi! Boudrenn yaake, te vell t'men doha djipaske, yaake har t'menge penam!