Bičepangre 16:34 - O Debleskro Lab 2024 (Sinte-Manouche)

³⁴ Yob las len dren an peskro kheer, das len te rhal oun te piyell, oun his barhtelo peskre tsele menshentsa, kay van yon patslo ap o Debleste.

O Debleskro Drom 2021 (Sinte)

³⁴ Job las len dren an peskro kheer, das len te chal un te pijell, un his bachtelo peskre tsele menshentsa, kai wan jon patslo ap o Debleste.

Bičepangre 16:34 ပူးပေါင်းရင်းမြစ်များ

Jesaja 55:12

T'mer djan barhteles vin an o lačepen, oun kek rikrell t'men pre. I bare oun i tikne berge denn gole i barhtyatar, te dikenn le t'men. Oun i rouka an o veesh denn an pengre vasta.

Jesaja 61:10

Me hom barhtelo pral o baro Debleste, oun miro dji givell miro Debleske. Yob hi troul mende har i ripen, te vell kek čilačepen ap mende, oun čivas čačepen ap mende har i plaashka, yaake har hidjrell i biyabeskro i shoukar stadi, oun leskri pirni shoukar verklia oun goustria.

Louka 15:32

Mer hounte vas barhtelo. Tiro phraal his moulo oun vas djido. Yob his nashedo oun hatsas pale khere.

Louka 19:6

Oun o Zakeo vas sik o roukestar tele, oun las o Yezouses an peskro kheer dren, oun his barhtelo.

Louka 5:29

Oun o Levi kras o Yezouseske an peskro kheer i baro rhapen. Oun boud kolendar, kay lan i biboldendar love i Remaryengre rayenge dren, rhan lentsa khetne. Oun ninna vavar menshe his koy.

Bičepangre 11:14

Kova penell touke, har leh tou oun i menshe an tiro kheer o Debleskro djipen.

Bičepangre 16:15

Oun yoy moukas pes peskre menshentsa te taufrell, oun mangas men zoreles oun penas: “Te patsenn t'mer, kay me ap o rayeste, o Yezouseste patsau, avenn an miro kheer oun ačenn kote!” Oun yoy mangas men o tselo djiyestar, te vas mer an lakro kheer.

Bičepangre 16:35

Har dives vas, bičran kol čačepangre pengre klisten pash o rayeste pral o stilepen oun penan leske, te moukell lo o Paules oun o Silases te djal.

Bičepangre 2:46

Hako dives van le khetne an o Debleskro baro kheer. Yon rhan o maro khetne an i khera. Oun yon his barhtelo, te dan yon nay i phralen ninna te rhal. Kova kran le o djiyestar.

Bičepangre 8:39

Har yon dran o pani vin djan, las o Debleskro Dourho o Filipes ap yek kopo kote krik. Oun ko pralstouno dikas les bouder gar. Oun yob djas barhteles peskro drom doureder.

Remarja 15:13

Oun o Devel, kolestar o tselo lačepen vella, ap koleste dikah, lestar mangah, te venn t'mer čalo i barhtyatar an o dji dran t'maro patsepen, yaake te djinenn t'mer: Ko lačepen, hoy dell men o Devel an o tsiro, hoy vella, kova vell čačepah. Oun o Debleskro Dourho dell t'men i zoor, te dikenn boud oun boudeder ap o Debleste.

Remarja 5:11

Oun kova hi gar lauter. Mer ham yaake barhtelo, te vas o Devel maro Devel. Maro ray, o Yezous Kristo, anas men leha khetne.

Remarja 5:2

O Yezous Kristo anas men ap o Debleskro drom oun kras menge o voudar pre, te djivas o Debleha khetne. Yaake lačo his lo menge. Oun mer djinah: O dives vella, kay djivah leha khetne an leskro raylepen. Pral kova ham barhtelo.

Galatarja 5:22

Kones hi o Debleskro Dourho an peskro dji, dran koleste vella lačepen: Les vell o Debleskro kamlepen oun barht an o dji. Yob kamell kek čingepen. Yob rikrell lauter vin. Yob hi lačes ap i vavarende. Les hi i baro dji i vavarenge. Kova, hoy yob penell, ap kova rikrell pes yob.

Filiparja 4:17

Me penau kova gar, te denn mange čomone. Na-a, kamau, te denn t'mer o Debleske čomone, te sharell yob t'men.

Filiparja 4:4

Avenn barhtelo hako tsiro! T'mari barht vell o Yezousestar, maro rayestar. Ava, avenn barhtelo!

Filemon 1:7

Miro phraal! Tiro kamlepen, hoy hi tout i patslenge, kova kras lengre djia zoreles. Oun kova, hoy tou lenge kral, kras man ninna barhteles, oun das man nevi zoor.

1. Johanni 3:18

Mire čave, mer te kras gar bare laba te penah, kay kamah i menshen i djiyestar. Na-a, o čačo kamlepen dikenn le ap kova, hoy yek o vavareske krella.