Amos 9:7 - O Debleskro Lab 2024 (Sinte-Manouche)

⁷ O baro Devel penell: T'mer Israelitarya han mange yaake har i menshe an o them Etiopia. T'men lom dran o them Egiptia vin, i Filistaryen lom dran o them Kreta vin, oun i Syrarya dran o them Kir. Hoy hi vavarčandes t'mentsa?

O Debleskro Drom 2021 (Sinte)

⁷ O baro Dewel penell: Tumer Israelitarja han mange jaake har i menshe an o them Etiopia. Tumen lom dran o them Egiptia win, i Filistarjen lom dran o them Kreta win, un i Syrarja dran o them Kir. Hoi hi wawartchandes tumentsa?

Amos 9:7 ပူးပေါင်းရင်းမြစ်များ

2. Rajengro liil 16:9

Oun o baro ray pral o them Assour shounas ap leste oun djas pral pash o foro Damaskus oun las les dren. Oun moukas kol menshen, kay kote djivan, pandles krik te anell an o foro Kir, oun maras o baro rayes Rezin.

2. Familjakro liil 14:12

Oun o Asa oun i tsele lourde, kay pash leste his, lan len palla bis pash o foro Gerar. Oun i Kousharya van yaake dino, te nay kourenn le pen bouder gar. O baro Devel kras, te van le khetne dino leskre lourdendar dran Youda. Oun kalla lan lendar boud kouč koova pentsa.

2. Familjakro liil 14:9

Oun o Asa peskre lourdentsa vas vin glan leste, oun yon lan i kourepangro tardepen dren an o telstouno them Zefata pash o foro Maresha.

2. Mose 12:51

Oun ap kava dives anas o baro Devel i tsele Israeleskre familyen vin dran o them Egiptia, yek familya pal i vavar.

Jesaja 20:4

yaake lell o baro ray pral Assour i menshen an Egiptia oun an Etiopia pandles, oun tradell len krik, i ternen oun i phouren. Oun yon hounte djan nanges oun pirkenes. Oun len hi kek rholopya ap pende. Havi ladj hi kova lenge!

Jesaja 22:6

I lourde dran o them Elam hidjrenn pengre gone i faylentsa, oun venn ap vourdya i grayentsa. Lourde dran o them Kir rikrenn pengre shilte an i vasta.

Jesaja 43:3

Me, o baro Devel, hom tiro Devel. Me, o Israeleskro Devel lau tout vin dran o merepen. Me dau lenge o them Egiptia, te ginap tout vin. I themma Etiopia oun Seba dau koy pashel.

Jeremia 13:23

Nay krell i kalo mensho peskri kali hauta vavarčandes? Na-a! Nay krell i divyi margodja peskre balla vavarčandes? Na-a! Yaake nay krenn t'mer kek lačepen, ko čilačepen djas t'menge an o mass oun o rat.

Jeremia 47:4

Ko dives vas, kay nashrenn i tsele Filistarya pengro djipen. Kek ačell djido, kay nay vals kol foryenge Tirus oun Sidon ap i rig. O baro Devel marell kol Filistaryen, kolla kay ačan kolendar pral, kay van dran ko panyeskro them Kreta.

Hosea 12:13

O Yakob hounte nashas peske an o them Aram, oun o Israel hounte boudras i vavareske, te lell lo i romyat, oun hounte das yak ap i bakre, te nay romedinerell lo lat.

Amos 1:5

Me phagau i bare voudya o forestar Damaskus paash, oun moukau i rayen dran Bikat-Aven oun Bet-Eden moulo te dell. Oun i menshe dran o them Syria venn pandles krik anlo an o them Kir. Ko penell o baro Devel.

Amos 2:10

Me anom t'men vin dran o them Egiptia, djom glan t'mende star-deesh bersha an o moulo tato them, oun dom t'men o them, kay i Amorarya khere his, te vell lo t'menge.

5. Mose 2:23

Oun an i gaba pash o Mashkralstouno Baro Pani djivan menshe, kay his kharedo Avarya. Pral lende van Filistarya dran Kreta, oun dan len moulo, oun lan lengro them bis pash o foro Gaza. Oun djivan palle kote.