Amos 6:5 - O Debleskro Lab 2024 (Sinte-Manouche)

⁵ oun bashenn ap i harfa oun krenn gilya har o David.

O Debleskro Drom 2021 (Sinte)

⁵ un bashenn ap i harfa un krenn gilja har o David.

Amos 6:5 ပူးပေါင်းရင်းမြစ်များ

1. Mose 31:27

Hoske nashal touke čorrhanes? Hoske rhorhral man oun penal mange gar, kay kameh touke te djal? Barhteles djoms me t'mentsa i kotar peha ap o drom i gipah oun i bashepah.

1. Familjakro liil 15:16

Oun o David penas i pralstunenge pral i Levitarya, te rodenn yon gipangren vin dran pengre phralende. Kalla hounte givenn i barhtyatar i bari golyah, oun bashrenn ap i doryengre bashepangre oun vavar bashepangre.

1. Familjakro liil 23:5

4.000 (star zerya) morsha van voudyengre morsha, kay hounte denn garda ap i voudya. Oun 4.000 (star zerya) morsha van gipangre, kay givenn gilya o baro Debleske, oun bashrenn koy pashel ap kol bashepangre, hoy moukas o David koleske te krell.

2. Familjakro liil 29:26

Oun i Levitarya his koy tardo. Oun kol bashepangre, hoy o David kras, his an lengre vasta. Oun i rashaya his koy tardo, oun len his phourdepangre an o vast.

Sikepaskro 2:8

Me lom mange ninna roup oun sonakay khetne, oun hoy vavar raya oun themma man dan. Me moukom gipangren pash mande khetne te vell, morshen oun djouvyen. Oun man his yaake boud djouvya har kamom, te krenn le man barhtelo.

Jesaja 5:12

Yon moukenn penge mishto te djal oun krenn bashepen ap doryengre bashepangre oun phourdepangre oun vavar bashepangre. Oun mool hi ninna pashel. Ap kova, hoy o baro Devel krell, dikenn le gar. Kolestar kamenn le či te djinell.

Ezekiel 26:13

Me krau, te vell bouder kek gipen an toute shounlo, vitar kek doryengro bashepen.

Amos 5:23

Moukenn tele koy gole t'mare gilyendar! T'maro bashepen ap i harfe kamau bouder gar te shounell.

Amos 8:3

An ko dives givenn i gipangre an o rayeskro kheer ropaskre gilya. An i tsele gaba oun forya hi moule menshe čiddo. Kolen vitsran le pokones koy. Kova penau me, o baro Devel.

1. Petro 4:3

I rah tsiro djivan t'mer har kol menshe, kay o Debles gar prindjrenna. T'mer kran vi-ladjedo koova. Oun t'maro dji nashas pal čilačo koova. T'mer piyan t'men mato, rhan t'men nasselo, oun mangan vavar koova an har o Debles. Kova hi čilačo glan o Debleskre yaka.

Debleskro tsiro 18:22

Kek bashepen oun kek gipen shounenn le bouder kote. Kek boudepaskro boudrella bouder koy. Kek djob hi bouder koy, te vell dran leste yarro kerdo.