Amos 5:27 - O Debleskro Lab 2024 (Sinte-Manouche)

²⁷ an ko tsiro, kay anau t'men pandles an i them, hoy hi čiddo pal o foro Damaskus. Me, o baro Devel, ko ray pral o bolepen oun i phoub, penau kova.

O Debleskro Drom 2021 (Sinte)

²⁷ an ko tsiro, kai anau tumen pandles an i them, hoi hi tchiddo pal o foro Damaskus. Me, o baro Dewel, ko rai pral o bolepen un i phub, penau kowa.

Amos 5:27 ပူးပေါင်းရင်းမြစ်များ

1. Rajengro liil 14:15

Oun o baro Devel dell i menshende Israel dava, te trissenn le, har trissell i shilftikro khass an o pani. Oun o baro Devel tserdell i Israelitaryen vin dran kava lačo them, hoy das yob lengre phourende. Oun i Israelitarya venn tradedo ap i vavar rig o panyestar Eufrat. Yon rhoyran o baro Debles, har kran le penge save figure, hoy sikrenn i debletsa Ashera.

2. Rajengro liil 15:29

An ko tsiro, har o Peka ko baro ray pral o them Israel his, vas o Tiglat-Pileser, ko baro ray pral o them Assour, oun peras an o them Israel dren oun las peske kol forya Iyon, Abel-Bet-Maaka, Yanoa, Kedesh, Hazor, Gilead oun dran o them Galilea ko tselo them Naftali. Oun moukas kol menshen, kay kote djivenn, krik te anell an o them Assour.

2. Rajengro liil 17:23

Kova djas yaake rah, bis te o baro Devel i Israelitaryen glan peste krik tradas, oun vas yaake har leskre boudepangre glan-vi penan, kolla, kay leskre rakepangre his. Yaake van i Israelitarya dran o them Israel pandles krik anlo an o them Assour. Kote hi le gomme kava dives.

2. Rajengro liil 17:6

Oun har o Hoshea an o enyato bersh baro ray his, las o baro ray pral o them Assour o foro Samaria dren, oun anas i menshen dran Israel pandles krik an o them Assour, oun moukas len te djivell an o them Hala oun pash o lengsto pani Habor an o them Gosan, oun an i forya, kay i Medarya djivan.

Jeremia 38:17

Oun o Yeremia penas ap o Sedekya: Kova penell o baro Devel, ko ray pral o bolepen oun i phoub, kay o Israeleskro Devel hi: Te dja tou vin pash i pralstunende o baro rayestar dran o them Babilonia, palle ačeh tou djido, oun kava foro vell gar rhačedo, tou oun tiro kheer ačenna djido.

Amos 4:13

O Devel hi kova, kay kras i berge, oun moukell o phourdepen pral i phoub te djal. Yob sikrell i menshende, hoy kamell lo te krell. Yob moukell o kham pre oun tele te djal. Yob hi o ray pral i tseli phoub. Leskro lab hi: Baro Devel, ray pral o bolepen oun i phoub.

Amos 5:26

Kanna hi yaake, t'mer kran t'menge douy figuren, te mangenn len an: o Sakkut, koles kharenn baro ray oun o Kayvan, koles kran har i sterna. Doleske hounte hidjrenn t'mer kolen t'mentsa

Amos 6:1

Djungeles djal kolenge, kay djivenn i shoukar djipen ap i berga Sion! Djungeles djal kolenge, kay djivenn an o foro Samaria, oun krenn pen kek shero! Djungeles djal t'menge, kay han i raya pral Israel – koy an-dikli natsyona, pash kolende i Israelitarya venna!

Amos 6:7

Doleske venn t'mer i glanstoune kolendar, kay venn pandles krik anlo. T'maro shoukar djipen oun pipaskro tsiro hi trouyel.

Bičepangre 7:43

T'mer hidjran ko kheer trouyel, kay o Molok dren hi. Ninna hidjran koy bolepaskri momeli t'mentsa, kay Refan kharedo vella. Kol douyen kran t'mer t'mare vastentsa, te nay mangenn len an. Doleske tradau me t'men dran t'maro them vin, oun anau t'men pandlo an o them Babilonia, oun doureder.