5. Mose 9:26 - O Debleskro Lab 2024 (Sinte-Manouche)

²⁶ Oun me mangom o baro Debles oun penom: “Baro Devel miro ray, ma mare tire menshen, kol menshen, kay tou vin lal dran o them Egiptia tiri bari zoryah oun tiro zorelo vasteha, te venn le tire menshe!

O Debleskro Drom 2021 (Sinte)

²⁶ Un me mangom o baro Debles un penom: “Baro Dewel miro rai, ma mare tire menshen, kol menshen, kai tu win lal dran o them Egiptia tiri bari sorjah un tiro sorelo wasteha, te wenn le tire menshe!

5. Mose 9:26 ပူးပေါင်းရင်းမြစ်များ

2. Samuel 7:23

Oun kay hi menshe ap i phoub har tire menshe Israel? Kolenge djal tou koy, te less len dran o pandepen vin, te venn le tire menshe. Ko baro oun zorelo koova, hoy tou lenge kral, kras, te val prindjedo ap i phoub. Tou tradal vavar menshen lengre deblentsa vin glan tire menshende, kay tou vin lal dran Egiptia, te venn le tire.

1. Rajengro liil 8:51

Yon hi tire menshe, kay tou touke vi-rodal, oun vin anal dran o them Egiptia, har dran an i bob, kay boud yag dren hi.

Nehemia 1:10

Yon hi tire boudepangre, tire menshe, kolen tou vin lal dran i čilače vasta tiri bari zoryah oun tiro zorelo vasteha.

Debleskri gili 106:23

Doleske kamas lo len moulo te dell, te vals kote gar o Mose, koles yob peske vi-rodas. Kova stas pre, te rikrell lo o Debles leskri rholyatar tele, yaake te dell lo len gar moulo.

Debleskri gili 107:2

Kova te penenn i vi-line menshe, kolen o baro Devel vin las dran i vasta kolendar, kay len pandan.

Debleskri gili 28:9

Ab ap i rig tire menshenge! Čip tiri zoor oun tiri barht ap mende, kay tiro ham! Ab hako tsiro har i bakrengro menge, kay dell yak ap peskre bakrende oun dell len lauter, hoy len hounte vell djipaske!

Debleskri gili 57:1

I gili o rayeske pral o gipangre, te givell har koy gili Ma mare men. O David činas kay gili an ko tsiro, har yob glan o Saul ap o naashepen his, oun pes an koy grotta khatras.

Debleskri gili 77:15

Tou hal ko Devel, kay savo baro koova krell, hoy kek vavar nay krella. Tou sikral tiri bari zoor pash i menshende an vavar themma.

Debleskri gili 78:35

Oun lenge vas an o shero, te hi o Devel kova, kay rikrell len, oun kay yob, o Devel pral halauter, kova hi, kay len vin lell dran o merepen.

Debleskri gili 99:6

O Mose oun o Aron his leskre rashaya, oun o Samuel his mank kolende, kay les an-mangan. Yon dan ap o baro Debleste gole, oun yob shounas len.

2. Mose 15:13

Tire menshenge kamlo hal, kolenge, kay tou i zoryah vin lal oun ap i lačo drom anal, hoy pash tiro Debleskro kheer djal.

2. Mose 33:13

Te dikeh lačes ap mande, mouk man tiro drom te djinell. Me kamau tout feteder te hayvell, te krap, hoy mishto hi glan tire yaka. Biste kova gar: Kol menshe hi tire menshe.”

2. Mose 34:9

“Miro ray, te dikeh tou lačes ap mande, palle dja mentsa, ninna te djan kal menshe pal pengro shero. Biste mari doosh oun ko čilačo koova, hoy kram, oun mouk men pale tire menshe te vell.”

Jesaja 44:23

Tou bolepen, gib kolestar, hoy o baro Devel kras! Tou telstunepen i phoubyatar, de gole i barhtyatar! T'mer berge, givenn! Tou veesh tire tsele roukentsa, gib! O baro Devel las o Yakobes dran o merepen vin, oun o Israel sharell les.

Jesaja 63:19

Oun mer vam har save, pral kolende tou an kek tsiro o ray hals, oun pral kolende tiro lab gar vin gole dino vas.

Jeremia 14:21

Biče men gar toutar krik, te vell gar djoungeles rakedo pral toute! Mouk kek te sal pral Yerusalem, kay tiri rayli beshepaskri tardo hi! Ma biste, hoy tou mentsa vin kral, oun le tire laba gar pale!

Jeremia 15:1

Oun o baro Devel penas ap mande: Ninna te vals o Mose oun o Samuel glan mande tardo, kroms me kal menshenge miro dji gar pre. Trade len krik mandar, oun mouk len te djal!

Ropaskre gilja 2:20

Baro Devel, mouk tire yaka ap mende te dikell! Dik, koneha yaake trouyel djal! Hounte rhan i djouvya pengre čave, kolen yon ap i moussya hidjrenn? Hounte venn i rashaya oun tire rakepangre an tiro kheer moulo dino?

Micha 6:4

Me hom kova, kay anas t'men dran o them Egiptia vin, kay hans pandle boudepangre. Me dom t'men o Mose, o Aron oun i Miryam, te djan le glan t'mende.

5. Mose 13:5

Leske djan palla! Rikrenn les t'menge glan i yaka pash halauter, hoy krenn! Lauter, hoy yob penas, krenn! Shounenn ap leste! Mangenn les an! Oun rikrenn t'men ap leste!

5. Mose 15:15

Oun tou bistress gar, te hals i boudepaskro an o them Egiptia, oun tiro baro Devel las tout kote vin. Doleske penau me touke kova kava dives.

5. Mose 21:8

Baro Devel, mangah tout, le kay doosh mendar, tire menshendar Israel, kolen tou dran o pandepen vin lal. Ma dik ap mende, har te vams mer kolla, kay maram i menshes, ap koleste kek doosh čiddo hi.” Palle lell o baro Devel koy doosh lendar krik.

5. Mose 32:9

I Israelitarya hi leskre menshe. Yon, o Yakobeskre čave, hi kolla, kay rodas lo peske vin.

5. Mose 7:8

Dran peskro kamlepen t'menge rodas o baro Devel t'men vin, te rikrell lo peskri sovel dren, hoy yob t'mare phourende das. Doleske anas lo t'men peskro zorelo vasteha vin dran o them, kay pandlo hans, dran o vast o Faraestar, ko rayestar pral Egiptia.

5. Mose 9:12

oun penas ap mande: “Naash, dja sik kay berga tele! Kol menshe, kay tou dran o them Egiptia vin anal, kran i čilačo koova. Sik djan le ko dromestar tele, kay me sikrom lende. Yon kran penge i devel dran sonakay.”

5. Mose 9:27

Ma biste tire boudepangre, o Abraham oun o Isaak oun o Yakob! Ma dik koy pre, te hi kal menshen kay djia har barra. Ma dik ap lengro čilačepen, oun ap koy doosh hoy le ap pende anan.

5. Mose 9:29

Yon hi tire menshe, kolen tou vin lal dran o them Egiptia tiri bari zoryah oun tiro zorelo vasteha, te venn le tire menshe!”

Tito 2:14

Yob das peskro djipen an o merepen, te las lo mari tseli doosh ap peste, oun te kras lo maro dji djoudjo, te vas mer leskre menshe, oun te kamas i tseli zoryah lačo koova te krell.

Hebrearja 9:12

Har o Yezous an o Debleskro kheer an o bolepen djas, anas lo gar i bakrengro rat peha, vitar gar i groumyengro rat. Na-a. Peskro rat anas lo glan o Debleste. Kova kras lo yek kopo oun gar boud kope. Oun yaake las lo mari doosh hako tsireske mendar.

Debleskro tsiro 5:9

Oun yon givenn i nevi gili, oun penenn: Tou hal moldo, te less ko liil, oun te kress ko liil pre. Tou val maredo, oun playsral tiro rateha, te giness menshen tiro Debleske. Kolla venna dran hako them, haki natsyona, haki harmenatsyona oun hako rakepen.

1. Samuel 7:9

Oun o Samuel las i terno bakro, hoy gomme thoud piyas, oun maras les oun rhačras les tseles o baro Debleske. Oun yob das ap o baro Debleste gole, oun mangas les o Israeleske. Oun o baro Devel shounas ap leste.