5. Mose 8:3 - O Debleskro Lab 2024 (Sinte-Manouche)

³ Oun yob moukas t'men te bokell, te hayvenn, t'maro rhapen vell lestar. Oun yob das t'men o Manna te rhal, hoy t'mer gar prindjran oun t'mare phoure vitar gar. Kova kras lo, te sikrell lo t'men, te djivell o mensho gar o rhapastar kokres. Na-a, i mensho djivell hako labestar, hoy dran o mouy o baro Deblestar vin djal.

O Debleskro Drom 2021 (Sinte)

³ Un job mukas tumen te bokell, te haiwenn, tumaro chapen well lestar. Un job das tumen o Manna te chal, hoi tumer gar prindjran un tumare phure witar gar. Kowa kras lo, te sikrell lo tumen, te djiwell o mensho gar o chapastar kokres. Na-a, i mensho djiwell hako labestar, hoi dran o mui o baro Deblestar win djal.

5. Mose 8:3 ပူးပေါင်းရင်းမြစ်များ

Debleskri gili 105:40

Yon mangan lestar mass, oun yob moukas pesse čirkle te vell. O mareha dran o bolepen kras lo len čalo.

Debleskri gili 37:3

Dik ap o baro Debleste, te krell lo touke lačepen! Oun kre, hoy mishto hi! Ač an o them, oun djib kolestar, hoy tire vastentsa boudral!

Mateo 4:4

Penas o Yezous: “An o Debleskro lab hi činlo: O maro kokres rikrell i menshes gar djido. Yob djivell dran hako lab, hoy o Devel rakrella.”

Louka 4:4

Koy penas o Yezous: “An o Debleskro lab hi činlo: O maro kokres rikrell i menshes gar djido.”

1. Korintarja 10:3

Oun yon halauter rhan ko yek rhapen, hoy vas o Deblestar.

5. Mose 29:5

T'men his kek maro te rhal, oun kek mool oun vavar zorelo pipen te piyell. O baro Devel das t'men rhapaske, te hayvenn t'mer, te hi yob t'maro Devel.

5. Mose 29:6

Oun har van t'mer ap kay platsa, kote djas o Sihon, ko ray pral o foro Heshbon oun o Og, ko ray pral Bashan vin, te kourenn le pen mentsa. Oun mer dam len.

5. Mose 32:47

Kalla hi laba, hoy t'menge boud moldo hi. Yon hi t'maro djipen. Djivenn pal lende, oun t'mer djivenna i rah tsiro an ko them vergel o panyestar Yordan, kay kanna dren djan, te lenn les t'menge dren.

5. Mose 9:9

Me homs pre ap i berga, te lap lestar kol barra, an koleste yob i deesh laba činas, hoy hounte rikrenn, te venn leskre menshe. Kote ačom me 40 (star-deesh) divessa oun ratsya. Maro rhom me kek, oun pani piyom me vitar gar.