5. Mose 6:22 - O Debleskro Lab 2024 (Sinte-Manouche)

²² Oun o baro Devel kras baro oun zorelo koova, hoy kek vavar nay krell oun anas bari bibarht pral i Egiptarya oun pral o baro rayeste oun koleskro tselo kheer. Kova dikam mare yakentsa.

O Debleskro Drom 2021 (Sinte)

²² Un o baro Dewel kras baro un sorelo koowa, hoi kek wawar nai krell un anas bari bibacht pral i Egiptarja un pral o baro rajeste un koleskro tselo kheer. Kowa dikam mare jakentsa.

5. Mose 6:22 ပူးပေါင်းရင်းမြစ်များ

Debleskri gili 135:9

oun sikras baro koova oun peskri bari zoor ap toute, Egiptia, oun ap tiro baro ray oun leskre tsele boudepangre.

Debleskri gili 136:4

Yob kokres krell baro koova, hoy kek vavar nay krella. Leskro lačepen ačella hako tsireske!

Debleskri gili 91:8

Ava, tire yakentsa dikeh tou les. Tou dikeh har i čilače lenn pal kova, hoy yon kran.

2. Mose 10:2

Kova krom, te nay peness tou tire čavenge oun tire čavengre čavenge, har krom me ap i Egiptarya, oun havo baro koova me krom mank lende an miri zoor. T'mer hounte djinenn, te hom me o baro Devel.”

2. Mose 3:20

Doleske čivau bari bibarht ap i Egiptarya, oun krau baro koova mank lende, hoy sikrella miri zoor. Pal kova moukenn le t'men te djal.

5. Mose 1:30

T'maro baro Devel djal glan t'mende vin oun kourell pes t'menge, yaake har lo glan t'mare yaka an o them Egiptia t'menge kras.

5. Mose 3:21

An ko tsiro penom ap o Yosua: “Tire yaka dikan kova halauter, hoy t'maro baro Devel kal douy rayentsa kras. Oun yaake krell o baro Devel hako rayeha an hako them, kay tou djah.

5. Mose 4:3

T'mare yaka dikan, hoy o baro Devel kras pash i berga Baal-Peor. Hakenes, kay o rhorheno debles Baal an-mangas, maras t'maro baro Devel mashkral t'mende.

5. Mose 4:34

Kek vavar devel djas oun las peske menshen vin dran i vavar them, har yob kras, har las lo t'men vin dran o them Egiptia. Yob sikras peskri bari zoor oun kras sau koova, hoy kek vavar nay krell, oun anas boud bibarht ap i Egiptaryen. Yob kouras pes t'menge. Peskro zorelo vasteha oun peskri pre-hadedi moussyah las lo t'men vin, oun kras i Egiptarenge bari daar. Kova lauter dikan t'mer.

5. Mose 6:21

Palle peness tou ap tiro čaveste: “Mer hams boudepangre o baro rayestar an o them Egiptia. Oun o baro Devel anas men vin dran Egiptia peskri bari zoryah.

5. Mose 6:23

Oun men las lo koy vin, te anell lo men an kava them, yaake har yob pes sovel das glan mare phourende, te dell lo men kava them.

5. Mose 7:19

T'mer dikan, har lo peskri bari zoor sikras, oun kras sau koova, hoy kek vavar nay krell, oun anas boud bibarht ap i Egiptaryen. Peskro zorelo vasteha oun peskri pre-hadedi moussyah anas lo t'men vin. Yaake krell t'maro baro Devel i menshentsa an i tsele themma, kolendar t'mer darenn.