5. Mose 6:18 - O Debleskro Lab 2024 (Sinte-Manouche)

^18-19 Te krenn, hoy čačo oun lačo hi glan leskre yaka, djal t'menge mishto. Oun t'mer venn dren an ko lačo them, kolestar o baro Devel t'mare phourenge penas, te tradell lo kolen glan t'mende kote vin, kay t'men gar kamenn. Oun yob das ninna peskro vast koy pre.

O Debleskro Drom 2021 (Sinte)

^18-19 Te krenn, hoi tchatcho un latcho hi glan leskre jaka, djal tumenge mishto. Un tumer wenn dren an ko latcho them, kolestar o baro Dewel tumare phurenge penas, te tradell lo kolen glan tumende kote win, kai tumen gar kamenn. Un job das ninna peskro wast koi pre.

5. Mose 6:18 ပူးပေါင်းရင်းမြစ်များ

Debleskri gili 19:11

Leskro čačepen hi koučeder har o sonakay, har o rayleder sonakay, oun goudleder har o gvin, har o djoudjeder gvin.

2. Mose 15:26

Oun yob penas: “Te shouneh tou ap mande, tiro baro Debleste, oun kreh, hoy me penau, lauter, hoy an mire yaka čačo hi, oun rikreh tout ap mire laba oun kreh, hoy me toutar kamau, palle čivau me kek nasslepen ap toute, hoy čivom ap i Egiptarya. Me hom o baro Devel, kay tout sasto krell.”

Jesaja 3:10

I barht vell ap kolende, kay an o čačepen tardo hi! Oun lauter djal lenge mishto. Ko lačo koova, hoy le kran, vell ap lende pale.

Jesaja 38:3

“Ah, baro Devel, mangau tout, biste gar, kay djivom glan toute an o čačepen oun i djoudjo djiyeha oun krom, hoy mishto hi glan tire yaka.” Oun o Hiskiya rovas i baro ropen glan leste.

Ezekiel 18:19

T'mer poučenn: “Hoske hidjrell ko čavo gar i doosh peskro dadestar?” Me penau t'menge: O čavo kras, hoy mishto oun čačo his, oun rikras halauter, hoy lestar kamom. Doleske ačell yob djido.

Ezekiel 18:21

I čilačo, kay moukell peskro čilačo drom, oun ko tselo čilačo koova, hoy lo kras, oun krell kanna, hoy lestar kamau, oun hoy mishto oun čačo hi, savo hounte merell gar.

Ezekiel 18:27

I čilačo, kay djas tele peskro čilačo dromestar, oun djivell bouder gar an o čilačepen, oun krell kanna hoy mishto oun čačo hi, kova ačell djido.

Ezekiel 18:5

I morsh, kay djivell an o čačepen oun krell, hoy mishto oun čačo hi,

Ezekiel 33:14

Oun te penau ap o čilačeste: Tou meress! Oun yob moukell peskro čilačo drom oun krell kanna, hoy mishto oun lačo hi,

Ezekiel 33:16

Ko tselo čilačepen, hoy lo kras, vell bistedo. Kanna djivell lo an o čačepen. Doleske ačell lo djido.

Ezekiel 33:19

Oun te moukell o čilačo peskro čilačo drom, oun krell, hoy mishto oun lačo hi, palle ačell lo doleske djido.

Hosea 14:9

Palle penell o Efrayim ap mande: Hoy te krap kanna i moule deblentsa? Me shounau oun dikau ap toute. Me hom har i baro zenelo rouk. Kova, hoy ap mande bares vell, vell toutar.

Johanni 8:29

Oun kova, kay bičras man, hi pash mande. Yob moukas man gar kokres. Me krau hako tsiro, hoy yob kamella.”

Remarja 12:2

I menshe ap kay phoub djivenn pal pengro shero. Ma djivenn yaake har yon! Moukenn t'men o Deblestar neves te krell, te hayvenn t'mer, hoy yob kamella: kova, hoy hi lačo oun mishto oun čačo.

5. Mose 12:25

Te krenn yaake, hi kova mishto glan o baro Debleskre yaka, oun t'menge oun t'mare čavenge pal t'mende djal mishto.

5. Mose 12:28

Denn yak, te rikrenn mishto lauter dren, hoy penom t'menge. Te djivenn yaake, hi kova mishto oun lačo glan t'maro baro Debleskre yaka. Oun t'menge oun t'mare čavenge pal t'mende djal mishto hako tsireske.

5. Mose 13:18

Oun rikrenn t'menge či kolestar, hoy hounte kran paash! Palle lell o baro Devel peskri bari rholi t'mendar krik, oun vell t'menge lačo, oun krell t'menge pale peskro dji pre, te krell lo t'mendar boud oun boudeder menshe, yaake har lo pes glan t'mare phourende sovel das.

5. Mose 4:40

Denn yak ap kova, hoy yob t'mendar kamella, oun djivenn pal leskre laba, hoy t'menge kava dives penau. Palle djal mishto t'menge oun t'mare čavenge pal t'mende, oun t'mer djivenn i rah tsiro an kava them, hoy t'maro baro Devel t'menge della, te ačell les t'menge hako tsireske.

5. Mose 5:29

Har kamoms, te ačans lengre djia hako tsiro yaake, te rikrenn le man glan pengre yaka, oun te denn le yak ap mire tsele laba! Palle djals lenge oun lengre čavenge mishto o tselo tsireske.

5. Mose 5:33

Djan yaake ap leskro drom, har yob t'menge sikras! Palle ačenn djido, oun djal t'menge mishto. Oun t'mer nay djivenna i rah tsiro an ko them, hoy t'mer dren lenn, te vell lo t'maro.

5. Mose 6:10

O baro Devel, kay tiro Devel hi, anell tout an ko them, kay yob pes pash o Abraham, o Isaak oun o Yakob sovel das, te dell lo les toute. Kote hi bare oun shoukar forya, hoy tou gar kral,

5. Mose 8:11

Denn t'men yak, te bistrenn gar t'maro baro Debles, yaake te denn gar bouder yak ap leskre laba, oun ap leskro čačepen, oun ap halauter, hoy yob t'mendar kamella, kova hoy me t'menge kava dives penau, te hounte krenn.