5. Mose 6:1 - O Debleskro Lab 2024 (Sinte-Manouche)

¹ Oun kava hi o lab, lauter, hoy t'maro baro Devel t'mendar kamella, oun leskre čačepaskre laba, hoy lo mande das, te penap len t'menge, te nay djivenn pal lende an o them, an kova t'mer kanna djan, te lenn les t'menge dren,

O Debleskro Drom 2021 (Sinte)

¹ Un kawa hi o lab, lauter, hoi tumaro baro Dewel tumendar kamella, un leskre tchatchepaskre laba, hoi lo mande das, te penap len tumenge, te nai djiwenn pal lende an o them, an kowa tumer kanna djan, te lenn les tumenge dren,

5. Mose 6:1 ပူးပေါင်းရင်းမြစ်များ

2. Mose 21:1

Kolla hi i laba, hoy lenge peness. Ap kolende hounte rikrenn le pen.

2. Mose 23:13

Denn yak oun rikrenn ap lauter, hoy me t'menge penom! Ma mangenn vavar deblen an! Lengre laba hounte venn gar dran t'mare mouya vin!

Ezekiel 20:19

Me, o baro Devel, hom t'maro Devel. Rikrenn t'men ap mire laba, hoy t'menge sikrenn, hoy t'mendar kamau! Djivenn pal mire čačepaskre laba!

Ezekiel 37:24

Oun yek dran i familya o Davidestar, kay hi har o David miro boudepaskro, vell lengro baro ray. Yob vell i bakrengro kolenge halauterenge, oun dell yak ap lende. Oun yon djivenn pal mire čačepaskre laba oun krenn, hoy lendar kamau.

3. Mose 27:34

Kava hi kol laba, hoy penas o baro Devel o Moseske, har his lo ap i berga Sinay, te rikrenn pen i Israelitarya ap lende.

4. Mose 36:13

Kalla hi kol čačepaskre laba, kay o baro Devel o Moseske penas, te rikrenn pen i Israelitarya ap lende. Yob penas len lenge an o telstouno them Moab pash o pani Yordan, vergel o foro Yericho.

5. Mose 12:1

Kanna penau t'menge, hoy o Devel t'mendar kamella oun leskre čačepaskre laba, hoy hounte rikrenn an ko them, hoy dell t'men o baro Devel, kay ninna o Devel t'mare phourendar his, te lenn les t'menge dren. Denn yak ap kal laba, oun rikrenn t'men ap lende yaake rah har djivenn.

5. Mose 3:18

An ko tsiro penom i morshenge dran kol familya Ruben, Gad oun Manasse: “T'maro baro Devel das t'men kava them, te lenn les t'menge dren. Kanna lenn t'maro kourepaskro koova oun djan t'mare phralenge, kol vavar Israelenge glan vin.

5. Mose 33:3

O baro Devel kamell peskre menshen o djiyestar. Yob rikrell peskro vast pral halauterende, kay leske hi. Yon beshenn pen pash leskre pire, oun shounenn ap leskre laba.

5. Mose 4:1

Kanna shoun, Israel, hoy t'maro baro Devel t'mendar kamell. Denn yak ap leskre čačepaskre laba, hoy me t'men sikrau. Rikrenn t'men ap kova, te ačenn djido, oun te venn dren an ko them, te nay lenn les t'menge dren, ko them, ap koleste t'maro baro Devel t'mare phourenge pes sovel das, te dell lo les lende.

5. Mose 4:14

An ko tsiro penas o baro Devel mange, te sikrap t'men, hoy lo t'mendar kamell oun leskre čačepaskre laba, te djivenn pal lende an ko them, an kova t'mer dren djan, te lenn les t'menge dren.

5. Mose 4:45

Har le dran o them Egiptia vin djan, penas lo lenge kol tsele laba, hoy lende sikran, har te djivenn le, oun hoy o Devel lendar kamella, oun leskre tsele čačepaskre laba.

5. Mose 4:5

Dikenn, me sikrom t'mende, hoy o baro Devel t'mendar kamella, leskre tsele čačepaskre laba, yaake har miro baro Devel mange penas, te krenn t'mer an o them, an kova t'mer venna oun les t'menge dren lenna.

5. Mose 5:31

Tou, ač kay pash mande! Oun me penau touke o tselo lab, halauter hoy t'mendar kamau, oun mire tsele čačepaskre laba. Kolla lauter peness lenge, te djivenn le pal lende an ko them, hoy me dau lende, te lenn le les lenge dren.”

5. Mose 5:33

Djan yaake ap leskro drom, har yob t'menge sikras! Palle ačenn djido, oun djal t'menge mishto. Oun t'mer nay djivenna i rah tsiro an ko them, hoy t'mer dren lenn, te vell lo t'maro.

5. Mose 6:2

yaake te rikrenn t'maro baro Debles glan i yaka t'maro tselo djipen, oun denn yak ap halauter, hoy lo t'mendar kamella, ap leskre tsele laba, hoy me t'menge penau, te rikrenn t'men ap lende, t'mer oun t'mare čave oun čavengre čave. Yaake djivenn t'mer i rah tsiro an t'maro them.