5. Mose 5:32 - O Debleskro Lab 2024 (Sinte-Manouche)

³² Kanna denn yak, te krenn halauter yaake, har t'maro baro Devel kova t'menge penas. Rikrenn leskre tsele laba. Čivenn kek lendar ap i rig.

O Debleskro Drom 2021 (Sinte)

³² Kanna denn jak, te krenn halauter jaake, har tumaro baro Dewel kowa tumenge penas. Rikrenn leskre tsele laba. Tchiwenn kek lendar ap i rig.

5. Mose 5:32 ပူးပေါင်းရင်းမြစ်များ

2. Rajengro liil 17:37

Oun krenn, hoy me, o baro Devel t'mendar kamau, djivenn pal miro čačepen, djan miro drom, oun rikrenn t'men ap mire laba, hoy moukom t'mende an i liil te činell. Kova krenn hako tsiro, oun ma mangenn vavar deblen an!

2. Rajengro liil 21:8

Oun me kamau te djan i Israelitarya bouder gar krik dran kava them, kay me dom lengre phourende, yaake rah yon halauter krenna, hoy me lenge penom, oun ko tselo drom djan, hoy sikras len o Mose, koles miro čačo vast his.”

2. Rajengro liil 22:2

Oun yob kras, hoy mishto hi glan o baro Debleskre yaka, oun djas o drom, kay leskro phouro dad o David ninna djas, oun peras gar kava dromestar tele, gar ap i čači rig oun vitar gar ap i servi rig.

Debleskri gili 125:5

Kolen, kay tiro drom moukenn oun djan ap bange dromma, deh tou, baro Devel, i phagi khetne kolentsa, kay i vavarenge čilačepen krenna. Barht te vell pral o Israel!

Debleskri gili 19:12

Miro ray, me moukau tire laba ap miro dji te rakrell. Koon rikrell pes ap lende, koleske djal mishto.

Debleskri gili 80:19

Yaake kamah mer gar tiri rigyatar te djal. Mouk men te djivell! Oun mer dah tiro lab an-gole.

Gosewe laba 3:2

Yaake vell tout i lengsto djipen, oun tire djipaskre bersha venn pherdo lačepen.

Gosewe laba 4:27

Dja gar tele kava dromestar, gar čačes oun gar serves. Rike tire herya pale o čilačo dromestar!

Jesaja 30:21

Te kamenn ap i čači oder ap i servi rig leskro dromestar tele te djal, palle shounenn t'mare kanda i rakepen, hoy pal t'mende rakrell: Kava hi o drom, kova djan!

Ezekiel 20:19

Me, o baro Devel, hom t'maro Devel. Rikrenn t'men ap mire laba, hoy t'menge sikrenn, hoy t'mendar kamau! Djivenn pal mire čačepaskre laba!

Ezekiel 37:24

Oun yek dran i familya o Davidestar, kay hi har o David miro boudepaskro, vell lengro baro ray. Yob vell i bakrengro kolenge halauterenge, oun dell yak ap lende. Oun yon djivenn pal mire čačepaskre laba oun krenn, hoy lendar kamau.

5. Mose 11:32

Yaake denn yak ap halauter, hoy o baro Devel t'mendar kamell, oun ap leskre tsele čačepaskre laba, hoy me t'menge kava dives penau. Oun djivenn koy pal!

5. Mose 17:11

Ap lengre laba hounte rikrenn t'men, oun kolendar gar tele djan, gar čačes oun vitar gar serves.

5. Mose 17:20

Yob hounte krell pes gar bares pral peskre phralende oun hounte djal gar tele o baro Debleskro dromestar, gar ap i čači rig oun gar ap i servi rig kolestar, hoy činlo hi. Palle ačell lo i rah tsiro baro ray an Israel, yob oun leskre morsh čave pal leste.

5. Mose 24:8

Te lell yek t'mendar i djoungelo nasslepen ap peskro mass, hoy les pale-čiddo krell, palle denn yak, te krenn halauter yaake, har kol rashaya dran o kheer Levi t'menge penenn. Me penom lenge, hoy te krenn. Oun ap kova hounte rikrenn t'men.

5. Mose 28:14

Tou čivess kek lab ap i rig, hoy touke kava dives penau. Tou djas gar tele leskro dromestar, gar čačes oun gar serves. Oun djas gar vavar deblenge palla, te mangess len an.

5. Mose 29:8

Doleske denn yak ap kal laba, hoy t'maro Devel t'mentsa vin krell. Djivenn pal lende, te djal t'menge halauter mishto, hoy t'mer krenna.

5. Mose 6:17

Rikrenn mishto o baro Debleskre laba oun djivenn yaake, har t'maro Devel t'menge sikras. Krenn, hoy yob t'mendar kamell!

5. Mose 6:25

Mer te krah pal kal tsele laba oun shounah ap kova, hoy maro baro Devel menge penas, palle ham glan leste an o čačepen tardo.”

5. Mose 6:3

Yaake shoun kanna, Israel, oun de yak te kress kova halauter, te djal touke mishto. Oun t'mer venn i bari natsyona an ko them, kay hi boud thoud oun gvin, yaake har o baro Devel, o Devel t'mare phourendar, kova t'menge penas.

5. Mose 8:1

Rikrenn kol tsele laba, hoy t'menge kava dives penau. Djivenn pal lende! Yaake ačenn djido oun venn boud menshe, oun nay lenn ko them t'menge dren, kolestar o baro Devel glan t'mare phourende pes sovel das, te dell lo les lende.

Josua 1:7

Tou, ab zoreles oun ma traash, oun rike tout ap mire tsele laba, hoy penas touke o Mose, koles miro čačo vast his. Ma dja kolendar tele, gar ap i čači rig oun vitar gar ap i servi rig, te vell halauter mishto, kay tou ninna djah.

Josua 23:6

Doleske rikrenn zoreles ap halauter, hoy činlo hi an o Moseskre lila! Rikrenn leskre tsele laba! Čivenn kek lendar ap i rig!

2. Petro 2:21

Yon prindjran o čačo drom, oun moukan les. Yon kamenn bouder či te shounell o Debleskro lab, hoy lenge penlo vas. Lenge vals feteder, te djinans yon o Debleskro drom gar.