5. Mose 4:5 - O Debleskro Lab 2024 (Sinte-Manouche)

⁵ Dikenn, me sikrom t'mende, hoy o baro Devel t'mendar kamella, leskre tsele čačepaskre laba, yaake har miro baro Devel mange penas, te krenn t'mer an o them, an kova t'mer venna oun les t'menge dren lenna.

O Debleskro Drom 2021 (Sinte)

⁵ Dikenn, me sikrom tumende, hoi o baro Dewel tumendar kamella, leskre tsele tchatchepaskre laba, jaake har miro baro Dewel mange penas, te krenn tumer an o them, an kowa tumer wenna un les tumenge dren lenna.

5. Mose 4:5 ပူးပေါင်းရင်းမြစ်များ

Debleskri gili 71:17

Miro Devel, tou hal miro sikepaskro foun tiknes pre, oun ninna kanna rakrau me pral ko baro koova, hoy tou lauter kral.

2. Mose 18:20

Oun sike tou len, hoy o Devel kamella oun lenge penella, te djan le ap leskro drom oun krenn, hoy yob lendar kamella.

Jeremia 11:6

Oun o baro Devel penas ap mande: Dja an kol forya an o them Youda, oun ap kol dromma an o foro Yerusalem, oun pen: Shounenn kol laba, hoy me t'mentsa vi-krom, oun krenn kova ninna!

Ezekiel 20:11

Oun kote penom lenge, hoy lendar kamau, har te djivenn le pal miro čačepen. Miro čačepen hi kova, koleha i mensho djido ačell, te rikrell lo pes ap leste.

3. Mose 19:19

Djivenn pal kol laba, hoy t'mende sikrenn, hoy me t'mendar kamau! Fiche dran douy vavar mass, moukess tou gar khetne te vell, te nay krenn le terne. Ap tiro kotar phoub, ma vitse douy koova vin, te vell kova bares. I ripen kerdo dran douy vavar thaba, vell gar ap toute!

3. Mose 26:46

Kava hi kol laba, hoy o Mose i Israelenge yaake doureder penas, har o baro Devel leske penas ap i berga Sinay, te djinenn le, hoy o baro Devel lendar kamell, oun djivenn pal leskro čačepen, oun djan ap leskro drom.

3. Mose 27:34

Kava hi kol laba, hoy penas o baro Devel o Moseske, har his lo ap i berga Sinay, te rikrenn pen i Israelitarya ap lende.

3. Mose 7:38

Yaake penas kova o baro Devel ap o Moseste, har his lo pral ap i berga Sinay, ap ko dives, kay yob i Israelenge penas, te anenn le firhen o baro Debleske an o moulo tato them Sinay.

Mateo 28:20

Penenn lenge, te rikrenn le ap lauter, hoy me t'menge penom! Čačepah, me hom pash t'mende hako dives yaake rah, har i phoub koy hi.”

Bičepangre 20:27

Me moukom gar tele, te penap t'menge halauter, hoy o Devel t'menge kras.

1. Korintarja 11:28

Doleske hounte dikell hakeno ap peste, har hi lo an o patsepen tardo. Oun palle rhal yob o maro oun piyell dran ko khoro.

1. Korintarja 15:3

Ko bareder lab, hoy mange penlo vas, oun hoy me t'menge penom, hi kava: O Yezous Kristo meras menge, te lell lo mari doosh mendar krik, yaake har an o Debleskro lab činlo hi.

5. Mose 11:32

Yaake denn yak ap halauter, hoy o baro Devel t'mendar kamell, oun ap leskre tsele čačepaskre laba, hoy me t'menge kava dives penau. Oun djivenn koy pal!

5. Mose 4:1

Kanna shoun, Israel, hoy t'maro baro Devel t'mendar kamell. Denn yak ap leskre čačepaskre laba, hoy me t'men sikrau. Rikrenn t'men ap kova, te ačenn djido, oun te venn dren an ko them, te nay lenn les t'menge dren, ko them, ap koleste t'maro baro Devel t'mare phourenge pes sovel das, te dell lo les lende.

5. Mose 4:2

Čivenn kek lab koy pashel, hoy me penom, te hounte krenn! Lenn ninna či kolestar krik, te rikrenn les gar. Rikrenn t'men ap i laba t'maro baro Deblestar, hoy me t'menge penau.

5. Mose 4:4

T'mer, kay rikrenn t'men ap t'maro baro Debleste, t'mer halauter djivenn ninna kava dives.

5. Mose 4:40

Denn yak ap kova, hoy yob t'mendar kamella, oun djivenn pal leskre laba, hoy t'menge kava dives penau. Palle djal mishto t'menge oun t'mare čavenge pal t'mende, oun t'mer djivenn i rah tsiro an kava them, hoy t'maro baro Devel t'menge della, te ačell les t'menge hako tsireske.

5. Mose 5:1

Oun o Mose das i tsele menshen Israel khetne gole, oun penas ap lende: Shoun Israel kova, hoy o baro Devel kamell t'mendar, leskre tsele čačepaskre laba, hoy kava dives glan t'mare kanna penom. Rikrenn len an o shero, oun denn yak ap lende, oun djivenn pal lende!

5. Mose 6:1

Oun kava hi o lab, lauter, hoy t'maro baro Devel t'mendar kamella, oun leskre čačepaskre laba, hoy lo mande das, te penap len t'menge, te nay djivenn pal lende an o them, an kova t'mer kanna djan, te lenn les t'menge dren,

5. Mose 7:11

Yaake rikrenn t'men hako tsiro ap leskre laba, krenn, hoy lo t'mendar kamell, oun djivenn pal leskre čačepaskre laba, hoy kava dives t'menge penau.

5. Mose 8:11

Denn t'men yak, te bistrenn gar t'maro baro Debles, yaake te denn gar bouder yak ap leskre laba, oun ap leskro čačepen, oun ap halauter, hoy yob t'mendar kamella, kova hoy me t'menge kava dives penau, te hounte krenn.

Hebrearja 3:5

O Mose boudras mishto o Debleskre menshenge. Kova, hoy yob kras oun penas, sikras lende, hoy o Devel kamas te krell an ko tsiro, hoy vella. Ninna te boudras o Mose mishto, his lo i Debleskro boudepaskro.