5. Mose 4:46 - O Debleskro Lab 2024 (Sinte-Manouche)

⁴⁶ An ko tsiro his le ap koy rig o panyestar Yordan, kay o kham pre djal, vergel o foro Bet-Peor an o them, kay his o Sihon o ray pral i Amorarya. Kova djivas an o foro Heshbon. Koles maran o Mose oun i Israelitarya, har djan le dran o them Egiptia vin.

O Debleskro Drom 2021 (Sinte)

⁴⁶ An ko tsiro his le ap koi rig o panjestar Jordan, kai o kham pre djal, wergel o foro Bet-Peor an o them, kai his o Sihon o rai pral i Amorarja. Kowa djiwas an o foro Heshbon. Koles maran o Mose un i Israelitarja, har djan le dran o them Egiptia win.

5. Mose 4:46 ပူးပေါင်းရင်းမြစ်များ

Nehemia 9:22

Oun dal rayengre themma oun vavar menshen an lengre vasta; yek them pal o vavar dal tou len. Yaake lan le o them Heshbon dren, kay o Sihon o baro ray his, ninna o them Bashan, kay o Og o baro ray his.

4. Mose 21:35

Oun i Israelitarya dan o baro rayes Og oun leskre čaven oun leskre tsele lourden, – kek lendar ačas pral. Oun yon lan lengro them penge.

4. Mose 32:19

Mer kamah gar lentsa i kotar them te lell ap i vavar rig o panyestar Yordan. Maro them lah ap kay rig o panyestar Yordan, kay o kham pre djal.”

5. Mose 1:1

Kalla hi i laba, hoy o Mose ap i tsele Israelitarya penas, har his le an o moulo tato them ap i vavar rig o panyestar Yordan, an ko telstouno kotar them pash Souf mashkral o foro Paran ap yek rig oun kol forya Tofel, Laban, Hazerot oun Di-Sahab ap i vavar rig.

5. Mose 3:29

Oun mer ačam an o telstouno them, ap i vavar rig o forestar Bet-Peor.

5. Mose 3:8

Yaake lam menge an ko tsiro ko them dren, hoy his an i vasta kol douy bare rayendar pral i Amorarya, – ko them, hoy ap i vavar rig o lengsto panyestar Yordan čiddo hi, mank o lengsto pani Arnon oun i berga Hermon.

5. Mose 34:6

Oun yob paskras les an i tala an o them Moab ap i vavar rig o forestar Bet-Peor. Bis ap kava dives djinell kek, kay lo kote paskedo hi.

5. Mose 4:45

Har le dran o them Egiptia vin djan, penas lo lenge kol tsele laba, hoy lende sikran, har te djivenn le, oun hoy o Devel lendar kamella, oun leskre tsele čačepaskre laba.

5. Mose 4:47

Oun yon lan leskro them penge dren, ninna o them, kay o Og o ray his pral o them Bashan. O Sihon oun o Og, kol douy his i raya pral i Amorarya ap kay rig o panyestar Yordan, kay o kham pre djala.

Josua 12:1

Oun kalla hi kol bare raya, pral kolende i Israelitarya i zorleder van, oun lengre themma dren lan. Douy his i raya pral o them ap koy rig o panyestar Yordan, kay o kham pre djala, mank o pani Arnon oun koy berga, hoy kharell Hermon, ninna pral koy tseli tala ap koy rig o panyestar Yordan, kay o kham pre djal.

Josua 24:12

Me krom, te lan le bari traash t'mendar. Yaake tradom len glan t'mende vin, har tradom glan kova ninna kol douy rayen pral i Amoraryen glan t'mende vin. T'mare rhare oun boge kran kova gar.