5. Mose 4:29 - O Debleskro Lab 2024 (Sinte-Manouche)

²⁹ An kol themma rodenn t'mer palle o baro Debles, kay t'maro Devel hi. Te poučenn pal leste t'maro tselo djiyeha oun t'mari tseli zoryah, hatsenn t'mer les.

O Debleskro Drom 2021 (Sinte)

²⁹ An kol themma rodenn tumer palle o baro Debles, kai tumaro Dewel hi. Te putchenn pal leste tumaro tselo djijeha un tumari tseli sorjah, hatsenn tumer les.

5. Mose 4:29 ပူးပေါင်းရင်းမြစ်များ

2. Rajengro liil 10:31

O Yehou rikras pes gar peskro tselo djiyestar ap i laba o baro Deblestar, kay o Israeleskro Devel hi. Yob moukas gar kol rhorhene deblen, hoy o Yerobeam kras, oun kolentsa yob i Israelitaryen o Debleskro dromestar tele anas.

2. Rajengro liil 23:3

Oun o baro ray his ap ko pralstouno kotar tardo glan o Debleskro kheer oun das o baro Debleste peskro lab, te djan le ap o Debleskro drom, oun rikrenn leskre laba, oun djivenn yaake, har yob len sikras oun pal leskro čačepen. Pengro tselo djiyeha oun pengri tseli zoryah kaman le pal kal laba te djivenn, hoy o Devel len das, oun hoy an kava liil činlo hi. Oun i tsele menshe pandan pen an pengro lab, te rikrenn le kova, hoy an o liil činlo hi.

2. Familjakro liil 15:12

Oun yon dan pengro lab, te rikrenn le pen ap kova, hoy o baro Devel lengre phourentsa vin kras, te rodenn le les o tselo djiyeha oun i tseli zoryah.

2. Familjakro liil 15:15

Oun i tsele menshe dran Youda his barhtelo pral koy sovel, hoy dan le pengro tselo djiyeha. Oun yon rodan o Debles pengri tseli zoryah. Oun yob moukas pes lendar te hatsell. Oun o baro Devel moukas len an o lačepen te djivell i thementsa troul lende.

2. Familjakro liil 15:2

Oun yob djas vin, te rakrell lo o baro rayeha, o Asa, oun penas leske: “Shounenn man, Asa oun t'mer menshe dran o tselo them Youda oun Benyamin! O baro Devel hi t'mentsa, yaake rah har t'mer t'men ap leste rikrenn. Te rodenn t'mer les, moukell yob pes te hatsell t'mendar. Te moukenn les, moukell yob t'men.

2. Familjakro liil 15:4

Oun har lenge djoungeles djas, rissran le trouyel pash o baro Debleste, kay o Israeleskro Devel hi, oun rodan les. Oun yob moukas pes lendar te hatsell.

2. Familjakro liil 31:21

Oun halauter, hoy yob kras, te vell koy boudi an o Debleskro kheer yaake kerdo har glan činlo hi, kova kras lo peskro tselo djiyeha. Yob rodas, te krell lo, hoy peskro Devel lestar kamas. Doleske moukas o baro Devel kova leske mishto te djal.

Nehemia 1:9

Te rissrenn t'mer pale trouyel pash mande, oun rikrenn mire laba oun djivenn pal lende, palle anau t'men pale ap koy platsa, hoy vin rodom, te vap kote prindjedo. Kova krau me, ninna te vans t'mer krik tradedo bis an o palstouno kotar ap i phoub.

Nehemia 9:27

Doleske dal tou len an o vast kolendar, kay lenge i pharo djipen kran. Oun har len bari daar his, dan le gole ap toute. Oun tou shounal len dran o bolepen, oun kral tiro dji lenge pre, oun bičral lenge morshen, kay len vin lan dran i čilače vasta.

Debleskri gili 119:10

Miro tselo djiyeha rodau tout. Ma mouk man te moukap tire laba.

Debleskri gili 119:145

O tselo djiyeha dom me gole. Shoun man, mo baro Devel! Me kamau lauter te krell, hoy tou mandar kameh.

Debleskri gili 119:2

Har barhtelo hi kolla, kay yaake djivenn, har yob lenge sikras, oun pengro tselo djiyestar ap leste shounenn.

Debleskri gili 119:58

Miro tselo djiyeha rodau me tiro kamlepen. Ab mange lačes yaake har tou les penal.

Jeremia 3:10

Oun an ko tselo koova vas i Youda, lakri pheen, gar pash mande o tselo djiyestar, kokres o mouyeha, penas o baro Devel.

Jeremia 51:50

T'mer i menshendar Israel, kay van gar maredo, djan vin dran o foro Babilon! Oun rikrenn t'men gar pre! Ninna te han an i dour them, ma bistrenn o baro Debles, vitar gar o foro Yerusalem!

Ezekiel 6:9

Kote, kay le pandle hi, vau me lenge an o shero. Oun yon dikenn dren, te dom len i phagi koleske, hoy yon kran: Yon phagan mantsa oun nashan rhorhene deblen palla. Palle rissrell lenge halauter an pende pral ko tselo djoungelo koova, hoy yon kran.

Joel 2:12

“Ninna kanna”, penell o baro Devel, “nay moukenn t'maro čilačo drom oun venn pash mande. Avenn t'maro tselo djiyeha, rhan či oun rovenn, denn gole i bibarhtyatar!

Amos 5:4

O baro Devel penell ap o kheer Israel: Rodenn man, palle djivenn!

5. Mose 10:12

Oun kanna Israel, shoun, hoy t'maro baro Devel kamell, te kress! Tou mangess les an, djas ap leskro drom an halauter hoy tou kreh. Tou kamess les o tselo djiyestar, oun vess leske koy tiri tseli zoryah.

5. Mose 11:13

Yaake shounenn ap kol laba, hoy t'menge kava dives penau, te kamenn t'maro baro Debles o tselo djiyestar oun venn leske koy t'mari tseli zoryah.

5. Mose 26:16

O Mose penas: “Israel, kava dives penell tiro baro Devel touke, te kress halauter, hoy yob toutar kamell, oun djivess pal kol tsele čačepaskre laba. Rike len tiro tselo djiyeha oun tiri tseli zoryah.

5. Mose 30:10

Shounenn ap leste, djivenn pal leskre laba, hoy an kava čačepaskro liil činlo hi, oun krenn, hoy yob t'mendar kamell! T'mer hounte venn pale pash leste t'maro tselo djiyestar oun t'mari tseli zoryah.

5. Mose 6:5

Tou kamess les tiro tselo djiyestar oun tiro tselo djipah oun tiri tseli zoryah.

Josua 22:5

Oun denn yak, te rikrenn o Debleskre laba oun djan ap leskro drom, hoy sikras t'men o Mose, koles o baro Debleskro čačo vast his, har penas lo: Kamenn t'maro baro Debles o tselo djiyestar. Djan ap leskre tsele dromma! Djivenn pal leskre laba oun moukenn les gar! Avenn leske koy o tselo djiyestar oun t'mari tseli zoryah!”

1. Samuel 7:3

Kote penas o Samuel ap lende: “Te kamenn t'mer t'maro tselo djiyeha pale ap o baro Debleskro drom te djal, palle čivenn i rhorhene deblen t'mendar krik, ninna i debletsa Astarte! Patsenn ap o baro Debleste, oun mangenn les kokres an oun kek vavares! Palle lell yob t'men vin dran i vasta i Filistarendar.”