5. Mose 4:1 - O Debleskro Lab 2024 (Sinte-Manouche)

¹ Kanna shoun, Israel, hoy t'maro baro Devel t'mendar kamell. Denn yak ap leskre čačepaskre laba, hoy me t'men sikrau. Rikrenn t'men ap kova, te ačenn djido, oun te venn dren an ko them, te nay lenn les t'menge dren, ko them, ap koleste t'maro baro Devel t'mare phourenge pes sovel das, te dell lo les lende.

O Debleskro Drom 2021 (Sinte)

¹ Kanna shun, Israel, hoi tumaro baro Dewel tumendar kamell. Denn jak ap leskre tchatchepaskre laba, hoi me tumen sikrau. Rikrenn tumen ap kowa, te atchenn djido, un te wenn dren an ko them, te nai lenn les tumenge dren, ko them, ap koleste tumaro baro Dewel tumare phurenge pes sowel das, te dell lo les lende.

5. Mose 4:1 ပူးပေါင်းရင်းမြစ်များ

Debleskri gili 105:45

Kava kras lo, te rikrenn le leskre laba, oun shounenn ap kova, hoy yob lenge penas. Sharedo vell o baro Devel!

Debleskri gili 119:4

Tou, baro Devel, penal menge, hoy te kras mer, te rikras mer kova hako tsiro.

2. Mose 18:20

Oun sike tou len, hoy o Devel kamella oun lenge penella, te djan le ap leskro drom oun krenn, hoy yob lendar kamella.

Jeremia 11:6

Oun o baro Devel penas ap mande: Dja an kol forya an o them Youda, oun ap kol dromma an o foro Yerusalem, oun pen: Shounenn kol laba, hoy me t'mentsa vi-krom, oun krenn kova ninna!

Ezekiel 11:20

Palle krenn le, hoy lendar kamau, oun djivenn pal mire čačepaskre laba. Oun yon hi mire menshe, oun me hom lengro Devel.

Ezekiel 20:11

Oun kote penom lenge, hoy lendar kamau, har te djivenn le pal miro čačepen. Miro čačepen hi kova, koleha i mensho djido ačell, te rikrell lo pes ap leste.

Ezekiel 20:21

Oun ninna lengre čave moukan pen či mandar te penell, oun kran gar hoy lendar kamom, oun djivan gar pal miro čačepen. Mire čačepaskre laba hi kolla, kolentsa i mensho djido ačell, te rikrell lo pes ap lende. Oun yon kran savo koova ap o Debleskro dives, hoy hounte krans le gar. Oun yaake vom gar sharedo. Kote kamom miri rholi pral lende vin te čorell. Kote an o moulo tato them kamom miri tseli rholi ap lende vin te moukell.

Ezekiel 36:27

Me dau miro dourho an t'mende, oun me krau save menshe t'mendar, kay krenn, hoy t'mendar kamau, oun djivenn pal mire čačepaskre laba, oun rikrenn len dren.

Ezekiel 37:24

Oun yek dran i familya o Davidestar, kay hi har o David miro boudepaskro, vell lengro baro ray. Yob vell i bakrengro kolenge halauterenge, oun dell yak ap lende. Oun yon djivenn pal mire čačepaskre laba oun krenn, hoy lendar kamau.

3. Mose 18:5

Doleske krenn, hoy me t'mendar kamau, oun djivenn pal miro čačepen. I mensho, kay rikrell pes ap kova, koles hi čačepah o djipen. Me hom o baro Devel.

3. Mose 19:19

Djivenn pal kol laba, hoy t'mende sikrenn, hoy me t'mendar kamau! Fiche dran douy vavar mass, moukess tou gar khetne te vell, te nay krenn le terne. Ap tiro kotar phoub, ma vitse douy koova vin, te vell kova bares. I ripen kerdo dran douy vavar thaba, vell gar ap toute!

3. Mose 19:37

Krenn halauter, hoy me t'mendar kamau, oun rikrenn ap miro čačepen! Me hom o baro Devel.

3. Mose 20:8

Krenn, hoy me t'mendar kamau! Rikrenn t'men ap kova! Me, o baro Devel, rodom t'men vin, te venn mire menshe.

3. Mose 22:31

Rikrenn t'men ap kova, hoy t'menge penau! Oun djivenn pal kova! Me hom o baro Devel.

Mateo 28:20

Penenn lenge, te rikrenn le ap lauter, hoy me t'menge penom! Čačepah, me hom pash t'mende hako dives yaake rah, har i phoub koy hi.”

Louka 1:6

O Zakari oun i Elisabet his lačo an o Debleskre yaka. Oun yon shounan ap o Debleste, oun kran lauter, hoy an o Debleskro lab činlo his.

Johanni 15:14

Te krenn t'mer, hoy me t'menge penom, han mire mala.

Remarja 10:5

Kova, kay rikrell pes ap o Moseskre laba, te vell lo čačo glan o Debleste, hounte krell kova, hoy kote činlo hi. O Mose činas an peskre lila: Ko mensho lell o djipen o Deblestar, kay krell, hoy kote činlo hi.

5. Mose 1:3

An o star-deshto (40) bersh ap o ersto dives an o deesh-te-yekto čon penas o Mose ap i tsele Israelitarya halauter, hoy o baro Devel leske penas, te hounte krenn le.

5. Mose 1:8

Kava tselo them čivom me glan t'mende, djan t'mer koy, oun lenn les t'menge dren! Kova hi ko them, kolestar o baro Devel t'mare phourende, o Abrahameste oun o Isaakeste oun o Yakobeste pes sovel das, te dell lo les lende oun lengre čavende oun kolende, kay pal lende venna.

5. Mose 11:1

O Mose penas doureder ap i Israelitaryen: T'mer hounte kamenn t'maro baro Debles o tselo djiyestar! Krenn lauter, hoy lo t'mendar kamell. Rikrenn t'men ap leskre čačepaskre laba, oun djivenn pal leskre laba yaake rah har djivenn.

5. Mose 11:32

Yaake denn yak ap halauter, hoy o baro Devel t'mendar kamell, oun ap leskre tsele čačepaskre laba, hoy me t'menge kava dives penau. Oun djivenn koy pal!

5. Mose 13:1

Lauter, hoy t'menge penom, hounte krenn oun rikrenn. Čivenn koleske či pashel, oun lenn či lestar krik!

5. Mose 16:20

Rike tout ap kova hoy čačes hi, te djivess an o them, hoy tiro baro Devel tout dell.

5. Mose 30:16

Te krenn t'mer, hoy me t'menge kava dives penom, oun kamenn t'maro baro Debles oun djan ap leskre dromma, oun djivenn pal leskre laba oun krenn, hoy yob t'mendar kamell oun rikrenn t'men ap leskre čačepaskre laba, palle ačenn t'mer djido. Oun t'mendar venn boud menshe. Oun t'maro baro Devel čivell peskri barht ap t'mende an o them, kay dren djan, te lenn les t'menge dren.

5. Mose 30:19

Kava dives dau gole ap o bolepen oun ap i phoub, te dikenn le: O djipen oun o merepen čivom me glan t'mende, o Debleskri barht oun i bibarht. Yaake rodenn t'menge o djipen vin, te ačenn djido, t'mer oun kolla, kay t'mendar venna.

5. Mose 30:20

Kamenn t'maro baro Debles! Shounenn ap leste, oun rikrenn t'men ap leste! Kova hi t'maro djipen. Oun yaake nay djivenn boud bersha an ko them, kolestar o baro Devel pes sovel das glan t'mare phourende, glan o Abraham, o Isaak oun o Yakob, te dell lo les lende.

5. Mose 4:40

Denn yak ap kova, hoy yob t'mendar kamella, oun djivenn pal leskre laba, hoy t'menge kava dives penau. Palle djal mishto t'menge oun t'mare čavenge pal t'mende, oun t'mer djivenn i rah tsiro an kava them, hoy t'maro baro Devel t'menge della, te ačell les t'menge hako tsireske.

5. Mose 4:45

Har le dran o them Egiptia vin djan, penas lo lenge kol tsele laba, hoy lende sikran, har te djivenn le, oun hoy o Devel lendar kamella, oun leskre tsele čačepaskre laba.

5. Mose 4:8

Kek vavar bari natsyona della, kay i menshen save lače oun čače laba hi, hoy lende sikrenn har te djivenn le, har kal laba, hoy me kava dives glan t'mende čivau.

5. Mose 5:1

Oun o Mose das i tsele menshen Israel khetne gole, oun penas ap lende: Shoun Israel kova, hoy o baro Devel kamell t'mendar, leskre tsele čačepaskre laba, hoy kava dives glan t'mare kanna penom. Rikrenn len an o shero, oun denn yak ap lende, oun djivenn pal lende!

5. Mose 5:33

Djan yaake ap leskro drom, har yob t'menge sikras! Palle ačenn djido, oun djal t'menge mishto. Oun t'mer nay djivenna i rah tsiro an ko them, hoy t'mer dren lenn, te vell lo t'maro.

5. Mose 6:1

Oun kava hi o lab, lauter, hoy t'maro baro Devel t'mendar kamella, oun leskre čačepaskre laba, hoy lo mande das, te penap len t'menge, te nay djivenn pal lende an o them, an kova t'mer kanna djan, te lenn les t'menge dren,

5. Mose 6:24

Oun maro baro Devel penas, te kras kova lauter, hoy yob mendar kamell, oun te rikras les glan mare yaka pash halauter, hoy krah, te djal menge mishto an maro tselo djipen, yaake har kova kava dives ninna hi.

5. Mose 7:11

Yaake rikrenn t'men hako tsiro ap leskre laba, krenn, hoy lo t'mendar kamell, oun djivenn pal leskre čačepaskre laba, hoy kava dives t'menge penau.

5. Mose 8:1

Rikrenn kol tsele laba, hoy t'menge kava dives penau. Djivenn pal lende! Yaake ačenn djido oun venn boud menshe, oun nay lenn ko them t'menge dren, kolestar o baro Devel glan t'mare phourende pes sovel das, te dell lo les lende.

5. Mose 8:11

Denn t'men yak, te bistrenn gar t'maro baro Debles, yaake te denn gar bouder yak ap leskre laba, oun ap leskro čačepen, oun ap halauter, hoy yob t'mendar kamella, kova hoy me t'menge kava dives penau, te hounte krenn.

5. Mose 9:1

Shounenn, t'mer menshe Israel! T'mer djan kava dives pral o pani Yordan, te lenn themma t'menge dren kol menshendar, kay hi bareder oun zorleder har t'mer. Lengre forya hi bares, oun bare massurya djan troul lende pre an o bolepen.

Josua 3:9

Oun o Yosua penas ap i Israelitarya: “Avenn kate! Oun shounenn, hoy t'maro baro Devel t'menge penell: