5. Mose 33:8 - O Debleskro Lab 2024 (Sinte-Manouche)

⁸ Oun pral o kheer Levi penas lo: Baro Devel, de i Levitaryen kol barra, hoy sikrenn, hoy tou kameh, te vell kerdo! Yon rikran ap toute pash i panya Massa oun Meriba, har kamal te djinell: Shounenn le ap toute, ninna te vell kova lenge phares?

O Debleskro Drom 2021 (Sinte)

⁸ Un pral o kheer Levi penas lo: Baro Dewel, de i Levitarjen kol barra, hoi sikrenn, hoi tu kameh, te well kerdo! Jon rikran ap tute pash i panja Massa un Meriba, har kamal te djinell: Shunenn le ap tute, ninna te well kowa lenge phares?

5. Mose 33:8 ပူးပေါင်းရင်းမြစ်များ

2. Familjakro liil 23:6

Kek te djal an o baro Debleskro kheer dren! Kokres i rashaya oun kol Levitarya, kay ap ko dives hounte boudrenn, kolla nay djan dren. Yon hi o Debleske koy. Oun i tsele vavar menshe hounte krenn, hoy o Devel penas.

Esra 2:63

Oun ko moskro penas lenge, te nay rhan le gar o rhapen, hoy kokres i rashayenge his, yaake rah bis te i rashay vas oun vin hatsas, hoy i barra Momeli oun Čačepen pral kava koova penan.

Esra 8:28

Oun me penom ap lende: “T'mer han o Debleske vi-rodedo, oun kol tsele kotya hi o Debleske ap i rig čiddo: Oun ko roup oun ko sonakay vas o Debleske dino dran o menshengro kamlepen. Yon dan kova pendar o baro Debleske, koles ninna pengre phoure an-mangan.

Nehemia 7:65

Oun ko moskro penas lenge, te nay rhan le gar o rhapen, hoy kokres i rashayenge his, yaake rah bis te i rashay vas oun vin hatsas, hoy i barra Momeli oun Čačepen pral kava koova penan.

Debleskri gili 106:16

Ap lengri platsa hadan le pen pral o Moseste, oun pral o Aroneste, koles o baro Devel peske vin rodas.

Debleskri gili 16:10

Tou moukeh man gar an o merepen, oun kameh gar, te merell miro mass tele an i phoub.

Debleskri gili 81:7

Me lom t'mendar ko pharo koova tele, hoy ap t'mare phika his, oun t'mare vasta hounte hidjrenn bouder gar kol phare barra.

2. Mose 17:7

Koy platsa, kay i menshe čingran ap leste oun kay yon gar patsan, te hi o baro Devel pash lende oun dell len kova, hoy len hounte vell, koy platsa das o Mose i laba Massa oun Meriba.

2. Mose 28:30

An ko bečeskri possita čip kol douy tikne koola, hoy kharenna momeli oun čačepen, te venn le ap o dji o Aronestar, te djal o Aron dren pash mande. Kol douy tikne koola, kolentsa t'mer vin hatsenn, hoy me, o baro Devel, i Israelendar kamau, kolen hidjrell lo ap peskro dji, te vell lo glan mande.

2. Mose 28:36

An i tikno kotar lačo sonakay čin kol laba: “Kova hi o baro Debleske”, oun pande ko kotar sonakay ap i dori dran blaueto kouč bakrengro bal glan ap o shereskro pandepen.

3. Mose 21:7

I rashay hounte vell peskro Debleske koy. Doleske hounte romedinerell lo kek loubni, vitar gar i čay, kay i morshestar an-tapedo vas, vitar gar i djouvel, kay peskro romestar mouklo vas.

3. Mose 8:8

Palle čivas lo o bečeskri possita ap leste. Oun an koy possita čivas lo kol douy tikne koola, hoy kharenna momeli oun čačepen.

Maleachi 2:6

Yon anan i menshenge kova pashel, hoy čačo hi. Oun kek čilačo lab his an lengre mouya. Yon djivan glan mande an o lačepen oun an o čačepen, oun rikran boud menshen o čilačepastar pale.

4. Mose 16:5

oun penas ap o Korah oun ap kolende, kay pash leste his: “Taysar penell o baro Devel, koon leskre menshe hi, kones yob peske vi-rodas, oun koon nay vell pash leste. Oun kones yob vin rodella, kova nay vell pash leste.

4. Mose 20:13

Kava pani kharan le Meriba. Kate čingran i Israelitarya ap o baro Debleste. Oun kate sikras lo lende, kay yob čačepah o baro oun zorelo Devel hi.

4. Mose 20:24

“O Aroneskro tsiro nashas tele, oun yob vell gar an ko them, kay dom i Israelitaryen. T'mer shounan gar ap kova, hoy penom pash o pani Meriba.

4. Mose 27:21

Oun an tsirya, kay djinell lo gar, hoy te krell, hounte vell lo glan o rashayeste Elazar. Kova hounte poučell mandar oun hounte vitsrell kol Debleskre barra, te hatsell lo vin, hoy me, o baro Devel, an kava koova kamau. Yaake te sikrell o Elazar o Yosueske oun i tsele Israelenge, hoy te krenn le.”

4. Mose 35:8

Hakeni kol deesh-te-douy bare familyendar an Israel hounte dell lenge peskre foryendar. Kolen, kay boud them oun forya hi, kolla hounte denn i Levitaryen boudeder forya har kolla, kay len gar boud hi.

5. Mose 6:16

Ma krenn yaake, har te vals o baro Devel gar pash t'mende oun dals t'men gar kova, hoy t'men hounte vell djipaske, yaake har kova kran, har hans an o foro Massa!

5. Mose 8:16

oun das t'men Manna te rhal an o moulo tato them, ko maro, hoy t'mare phoure gar prindjran. Kote sikras lo t'men: Te hi lo gar t'mentsa, nay krenn či. Ninna kamas lo vin te hatsell, hoy an t'mare djia hi, te nay krell lo les t'menge pal kova mishto.

5. Mose 9:22

Ninna kran t'mer t'maro baro Debles rhoyedo, har hans an Tabera oun Massa oun Kibrot-Taava.

Hebrearja 7:26

O Yezous hi o baro rashay, kay hounte vell men. Yob hi lačo glan o Debleskre yaka. Kek čilačepen, vitar kek doosh hi ap leste. Na-a, yob hi gar yaake har mer čilače menshe ham, kay ham pale-čiddo glan o Debleste. Oun o Devel kras les bareder har hako vavar an o bolepen.

Debleskro tsiro 3:7

“Čin kava liil ap o Debleskro boudepaskro, kay dell yak ap i patslende an o foro Filadelfia: Kava penell o Debleskro čačepaskro. Koles hi o Davideskro klidepaskro an o vast. Yob te krell o voudar pre, palle nay krell les kek pale pandlo. Yob te krell o voudar pandlo, palle nay krell les kek pre.

1. Samuel 28:6

Oun o Saul poučas o baro Debles, hoy te krell lo. Oun kova penas leske či, das les kek souni, rakras gar leha kol tikne barrentsa, hoy vitsedo van, te sikrenn le, hoy kerdo hounte vella. Vitar gar nay penas leske i Debleskro rakepaskro, hoy te krell lo.