5. Mose 33:25 - O Debleskro Lab 2024 (Sinte-Manouche)

²⁵ Yob mou djivell kek daryah pal voudya, hoy hi pandlo sasteha. Oun an peskro tselo djipen mou ačell leske leskri zoor!

O Debleskro Drom 2021 (Sinte)

²⁵ Job mu djiwell kek darjah pal wudja, hoi hi pandlo sasteha. Un an peskro tselo djipen mu atchell leske leskri soor!

5. Mose 33:25 ပူးပေါင်းရင်းမြစ်များ

1. Mose 49:20

O Asser, ap leskro them vell lačo djob baro, leskri phoub anell shoukar rhapen vin – rhapen, hoy i bare raya rhana!

2. Familjakro liil 16:9

O baro Debleskre yaka dikenn an i tsele themma, te dell lo zoor kolenge, kay rikrenn pen pengro tselo djiyeha ap leste. Tou rikral tout dineles an kava koova. Doleske vell foun kava tsiro kourepen pral toute.”

Debleskri gili 138:3

Ap ko dives, hoy me ap toute gole dom, shounal tou man, oun dal man pale bari zoor.

Debleskri gili 147:13

Kol bare foreskre voudya krell lo zoreles, oun ap t'mare čavende čivas lo peskri barht.

Jesaja 40:29

Yob dell kolen, kay khino van, nevi zoor. Oun an kolende, kay kek zoor bouder hi, dell lo nevo djipen.

Jesaja 40:31

Kolla, kay ap o baro Debleste dikenn, lenn nevi zoor. Yon hadenn pen har bare čirkle hadenn pen pengre moussyentsa. Yon nashenn oun lengri zoor djal gar krik. Yon djan trouyel oun venn gar khino.

Jesaja 41:10

Ma dare! Me hom touha! Ma dik darenes! Me hom tiro Devel! Me krau tout zoreles, me vau ap tiri rig, ava, me rikrau tout miri čači moussyah, hoy krell tout zorleder har i vavar.

Louka 15:22

Koy penas o dad ap peskre boudepangre: Anenn sik o feteder ripen, oun rivenn kova leske an! Denn les i goustri oun denn les kirrha!

1. Korintarja 10:13

Della savo koova, hoy kamell t'men o Debleskro dromestar tele te anell. Dikenn, savo koova vas ninna ap vavar menshende. Te vell pharo koova ap t'mende, dell o Devel t'men koy zoor, te nay hidjrenn kova. Yob hatsell i drom, te venn pale kote vin.

Efesarja 6:10

Ninna kamau t'menge te penell: Avenn zoreles an o patsepen ap o rayeste, o Yezouseste! Les hi i bari zoor t'menge.

Efesarja 6:15

Djan pash i menshende, oun penenn lenge o lačo lab, te kras o Yezous Kristo i drom, kay o Devel oun i menshe mala venna! Kova hi yaake, har te rivenn t'mer zorele kirrha.

5. Mose 32:47

Kalla hi laba, hoy t'menge boud moldo hi. Yon hi t'maro djipen. Djivenn pal lende, oun t'mer djivenna i rah tsiro an ko them vergel o panyestar Yordan, kay kanna dren djan, te lenn les t'menge dren.

5. Mose 4:40

Denn yak ap kova, hoy yob t'mendar kamella, oun djivenn pal leskre laba, hoy t'menge kava dives penau. Palle djal mishto t'menge oun t'mare čavenge pal t'mende, oun t'mer djivenn i rah tsiro an kava them, hoy t'maro baro Devel t'menge della, te ačell les t'menge hako tsireske.

5. Mose 8:9

Kova hi i them, kay hi boud rhapen t'menge. Halauterestar hi doha koy. An kava them hi ninna barra, kay saster dren hi. Oun an i berge nay denn lolo saster vin.

Filiparja 4:13

O Yezous Kristo dell man i zoor, te djivap yaake te yaake.

Kolossarja 1:11

Lestar mangah, te dell lo t'men peskri bari zoor, te venn t'mare djia zoreles, te djan barhteles doureder ap leskro drom, ninna an ko tsiro, kay hi t'maro djipen pharo.

Josua 14:11

Oun me hom kava dives gomme yaake zorelo, har ap ko dives, har o Mose man vin bičras. Koy zoor, hoy man an ko tsiro his, hi man kanna ninna gomme, yaake te nay kourap man oun djap vin an o kourepen.