5. Mose 33:17 - O Debleskro Lab 2024 (Sinte-Manouche)

¹⁷ Leskri zoor hi yaake baro har i gouroumeskri zoor. Kolla, kay lestar venna hi har shinga i divye gourmendar. Kolentsa tradenn le i menshen dran vavar themma bis an i doureder themma ap i phoub. Kova krenn i menshe, kay venna o Yosefeskre douy čavendar: kol 10.000 (deesh-zerya) dran o kheer Efrayim, oun kol zerya dran o kheer Manasse.

O Debleskro Drom 2021 (Sinte)

¹⁷ Leskri soor hi jaake baro har i gurumeskri soor. Kolla, kai lestar wenna hi har shinga i diwje gurmendar. Kolentsa tradenn le i menshen dran wawar themma bis an i dureder themma ap i phub. Kowa krenn i menshe, kai wenna o Josefeskre dui tchawendar: kol 10.000 (deesh-serja) dran o kheer Efrajim, un kol serja dran o kheer Manasse.

5. Mose 33:17 ပူးပေါင်းရင်းမြစ်များ

1. Mose 48:19

Leskro dad kamas gar oun penas: “Me djinau, čava, me djinau. Ninna kolestar venna yaake boud menshe, te vell lendar yek natsyona. Leskro terneder phraal vell bareder har yob. Lestar venna yaake boud menshe, te venn lendar boud natsyone.”

1. Rajengro liil 22:11

Oun o Sedekya, koleskro dad o Kenaan his, kras peske sasterne shinga oun penas: “Kava penell o baro Devel: I shingentsa har kalla deh tou i Syrarya tele, bis te halauter maredo hi!”

1. Familjakro liil 12:31

Dran o kheer Efrayim: 20.800 zorele kourepangre, kay an-dikle his pash pengre familyende.

1. Familjakro liil 12:32

Dran o paash kheer Manasse: 18.000 morsha, kolla van o labeha vin rodedo, te djan le koy, te krenn le o Davides o baro ray.

1. Familjakro liil 5:1

O Ruben his o Yakobeskro phoureder čavo. Doleske his les o čačepen, hoy o phoureder čaveske hi. Kova nashras lo, har sovas lo peskro dadeskri romyah. Oun o Rubeneskro čačepen vas i čavenge leskro phralestar Yosef dino. Ninna te his kova yaake, vas gar činlo an i familyakro liil, te his o Yosef o phoureder.

1. Familjakro liil 5:2

O zorleder mank peskre phrala his o Youda. Doleske vas yek dran o kheer Youda o baro ray pral Israel, ninna te his o Yosefes o čačepen, hoy i phoureder čaveske hi.

1. Familjakro liil 5:23

Oun koy paash familya Manasse djivas an o them mank Bashan oun Baal-Hermon oun bis pash o Senir oun i berga Hermon. Oun yon van boud oun boudeder.

2. Familjakro liil 18:10

Oun o Sedekya, koleskro dad o Kenaan his, kras peske sasterne shinga oun penas: Kava penell o baro Devel: “I shingentsa har kalla deh tou i Syrarya tele, bis te halauter maredo hi!”

Debleskri gili 22:21

Le man vin, te dell man o rharo gar moulo, te rhan kol djoukle gar miro djipen!

Debleskri gili 29:6

Yob moukell len te stell har i terne groumya, I berga Libanon moukell lo te stell har i terni groumni stell, oun i berga Siryon har i terno divyo gouroum.

Debleskri gili 44:5

Tou hal miro baro ray, miro Devel. Tou hal kova, kay krell, te venn o Yakobeskre čave o zorleder an o kourepen.

Debleskri gili 60:7

Ab ap mari rig tiro zorelo vasteha oun le men, tire malen, vin! Shoun, har dah ap toute gole!

Debleskri gili 92:10

Mer djinah, lauter, kay tout čilačepen kamenn, hounte merenn. Oun lauter, kay čilačo koova krenna, venn krik tradedo.

Jesaja 34:7

Ninna divye gourma merenn lentsa, terne gourma khetne kol zorele phourentsa. Oun lengro them vell pherdo rat, oun thulepen čakrell lengri phoub.

Ezekiel 34:21

T'mer zorele, t'mer dan i spildini kolenge, kay len kek zoor hi, oun dan t'mare shingentsa an lende dren, yaake rah bis te tradan len vin t'mendar.

Daniel 8:4

Oun me dikom, har das ko bakro peskre shingentsa ap kol triin rigya: kote, kay o kham tele djal, oun kote, kay o kham gar vell, oun kote, kay lo pralstounes tardo hi. Oun kek firho his zorleder har ko bakro. Oun koon an leskre vasta peras, koles nay las kek vin. Oun ko bakro kras, hoy yob kamas, oun vas pre-phourdo.

Hosea 5:3

Me prindjrau o Efrayim mishto, oun kova hoy o Israel krell, hi gar khatedo glan mande. O Efrayim loubras pes trouyel, o Israel kras pes pale-čiddo.

Hosea 6:4

Hoy te krap touha, Efrayim? Hoy te krap touha, Youda? T'mer moukenn man yaake sik har i folka, hoy taysarlakro krik djal, oun har ko pani, hoy ap o zenlepen hi.

Hosea 7:1

Hako kopo, kay kamau mire menshenge lauter pale mishto te krell, palle sikrell pes, havi doosh o Efrayim ap peste anas, oun har baro o čilačepen kol menshendar an o foro Samaria hi. Yon hi rhorhepangre. Čorepangre phagenn an i khera dren. Oun randepangre čorenn i menshen vin ap o drom.

4. Mose 23:22

O Devel las len dran o them Egiptia vin, oun kourell pes lenge har i divyo gouroum.

4. Mose 24:8

O baro Devel anas len vin dran o them Egiptia, oun kourell pes lenge har i divyo gouroum. Yon rhan kol menshen, kay len palla lenna, oun denn lengre kokale paash, oun denn len moulo karye.

4. Mose 26:34

Kalla halauter van o Manassestar. Khetne his le 52.700 (panč-deesh-te-douy-zerya-efta-sheel) morsha.

4. Mose 26:37

Kalla halauter van o Efrayimestar. Khetne his le 32.500 (triyanda-te-douy-zerya-panč-sheel) morsha.

Josua 17:14

Oun kol morsha dran o kheer Yosef penan ap o Yosua: “Hoske vitsral tou kokres yek kopo i barra menge oun dal men yek kotar them? Mer ham yaake boud menshe! O baro Devel čivas boud barht ap mende, te vam boud menshe.”

Josua 17:18

Kol berge, kay o veesh hi, venn t'menge, yaake dour har o veesh hi. T'mer nay denn i rouka tele, oun nay djivenn koy. Oun ninna i Kanaanitaryen nay tradenn vin dran o them. T'mer venn zorleder har yon, ninna te hi len sasterne kourepangre vourdya.”

1. Samuel 2:1

Oun i Hanna parkras pes pash o Debleste oun penas: Miro dji hi barhtelo an o baro Debleste. Yob hadas man pre oun kras man zoreles. Kanna nay sau pral kolende, kay man tiknes kran. Tou, miro Devel, val ap miri rig. Doleske hom barhtelo.