5. Mose 33:14 - O Debleskro Lab 2024 (Sinte-Manouche)

¹⁴ O kham moukell leske lačo koova bares te vell, oun lačo djob an o čačo čon!

O Debleskro Drom 2021 (Sinte)

¹⁴ O kham mukell leske latcho koowa bares te well, un latcho djob an o tchatcho tchon!

5. Mose 33:14 ပူးပေါင်းရင်းမြစ်များ

2. Samuel 23:4

kova hi har o kham, kay djal pre taysarlakro, ap i dives, kay kek volke hi. Kova hi har ko zenlepen, hoy vell pal o brishino dran i phoub vin.”

Debleskri gili 104:19

Tou kral o moonto, te sikrell lo men i deesh-te-douy čonna an o bersh. O kham djinell peskro tsiro, har lo tele djala.

Debleskri gili 74:16

Tiro hi o dives, oun tiro hi i rat. Tou dal o kham oun o čon pengro drom, kay te djan le.

Debleskri gili 8:3

Dran o mouy i čavendar oun tikne čavendar venn kol laba, hoy sharenn tout. Yaake hounte rikrenn pengro mouy kolla, kay kamenn tout gar oun hi rhoyedo ap toute.

Debleskri gili 84:11

Yek dives ap i platsa glan tiro kheer hi feteder har i zerya vavar divessa. Me kamau boudeder te vap tardo pash o voudar glan tiro kheer, har te djivap pash i čilačende.

3. Mose 26:4

palle moukau me brishin te dell an ko tsiro, kay hounte vell. Oun o them moukell t'menge lauter bares te vell, oun i rouka hidjrenn pengre roukengre.

Mateo 5:45

Yaake han t'mer čačepah čave o baro Deblestar, kay hi t'maro dad an o bolepen. Yob moukella o kham pre te djal kol čilačenge oun kol lačenge. Oun yob dell brishin ap kolende, kay pal o čačepen djivenna, ninna ap kolende, kay čilačo koova krenna.

Bičepangre 14:17

Ninna te djinans t'mer či lestar, hounte dikans, kay o Devel djivella. Yob kras boud lačo koova t'menge. Yob dell t'men brishino dran o bolepen, te vell lauter ap i phoub baro. Yob dell t'mende te rhal, oun i barht an t'maro dji.”

5. Mose 28:8

T'maro baro Devel bičrell t'menge peskri barht ap t'maro djob, te vell t'men boud kolestar an t'mare djobengre khera, oun ap halauter, hoy t'mer krenna. Oun yob dell t'men peskri barht an ko them, hoy lo t'mende dell.

5. Mose 33:13

Pral o kheer Yosef penas lo: O baro Devel hi lačo leske, oun dell les doha brishin ap leskro them, oun panya, hoy venn dran i phoub.

5. Mose 33:15

Mou venn i phoure bare oun tikne berge čakedo roukentsa, hoy lače roukengre hidjrenna!

1. Timoteo 6:17

Pen kol bravelenge, te rikrenn yon pen gar bareder har vavar, oun te čivenn yon pengro patsepen gar ap o bravlepen, hoy gar ačella. Mer čivas maro patsepen ap o Debleste, kay dell men lauter djipaske, yaake te nay djivas barhteles.

Debleskro tsiro 22:2

O pani nashell mashkral o baro drom. Ap haki rig o panyestar hi kol rouka tardo, kay denna o djipen. Ap lende venna deesh-te-douy kope an i bersh roukengro rhapen baro, hako čon yek kopo. Oun i patria kol roukendar krenn i menshen an i tsele themma sasto.