5. Mose 33:10 - O Debleskro Lab 2024 (Sinte-Manouche)

¹⁰ Yon sikrenn i Israelitaryen tiro drom, ava, o Yakobeskre čaven tiro čačepen. Soungepaskro koova anenn le glan toute, oun rhačrenn firhen touke ap tiri rhačepaskri.

O Debleskro Drom 2021 (Sinte)

¹⁰ Jon sikrenn i Israelitarjen tiro drom, awa, o Jakobeskre tchawen tiro tchatchepen. Sungepaskro koowa anenn le glan tute, un chatchrenn viechen tuke ap tiri chatchepaskri.

5. Mose 33:10 ပူးပေါင်းရင်းမြစ်များ

2. Familjakro liil 26:18

Oun yon stakran o baro rayeske Usiya an o drom oun penan ap leste: Usiya, hi gar tiri boudi, te rhačess o baro Debleske soungepaskro koova. Kokres o Aroneskre čave hi i rashaya, kay vi-rodede hi, te rhačenn le soungepaskro koova. Dja vin dran o Debleskri isema! Tou kreh, hoy gar mishto hi glan o baro Debleste. Yob, kay tiro Devel hi, sharell tout gar koleske.

2. Familjakro liil 30:22

Oun o Hiskiya rakras kamles ap i tsele Levitarya, kay kran le pengri boudi mishto glan o baro Debleste. Efta divessa kran i Israelitarya ko festo. Oun khetne rhan le ko mass kol firhendar, hoy dan le o baro Debleste, oun parkran pen pash leste, ko Devel lengre phourendar.

Esra 7:10

O Esra čivas peskre djiyeskre yaka ap o Debleskro drom, te hayvell lo les boud oun boudeder, oun te djivell lo pal o Debleskro lab, oun te sikrell lo halauterenge an o them Israel, hoy o baro Devel lendar kamell, oun har nay djivenn le pal leskro čačepen.

Nehemia 8:18

Hako dives draveras o Esra dran o liil glan, kay o Debleskro drom siklo vell, o tselo tsiro, kay yon kol bare divessa rikran. Oun kol bare divessa djan efta divessa. Oun ap o orhtato dives van le lauter yaake khetne, har činlo his an i čačepaskre laba.

Debleskri gili 51:19

Kova, hoy tou kameh te vell touke anlo, hi i phagedo dji. Ap i mensheste, kay rovell pral peskri doosh, dikeh tou, miro Devel, lačes.

Ezekiel 43:27

Oun pal kal efta divessa, ap ko orhtato dives, oun foun kotar doureder, rhačrenn i rashaya ko mass kol firhendar, hoy anenn t'mer o baro Debleske, kolla, kay venn leske tseles rhačedo, oun ko thulepen kolendar, kay rhan t'mer khetne glan leste. Te krenn kova yaake, dikau lačes ap t'mende, penell o baro Devel, maro ray.

Hosea 4:6

Mire menshe prindjrenn o čačo drom gar. Doleske djan le tele. T'mer kaman lenge gar miro drom te sikrell. Doleske kamau me t'mendar vitar či te djinell. T'mer han bouder gar mire rashaya. T'mer bistran miro drom. Doleske bistrau t'mare čaven.

3. Mose 1:17

Palle taprell o rashay o čirkleskre moussya oun tserdell o čirkles pre, oun rhačrell les ap i kasht pral i yag, hoy ap i rhačepaskri hi. Yaake hounte vell i čirklo anlo glan o Debleste, hoy vell leske tseles rhačedo. Oun o lačo soungepen, hoy vell vin, soungell mishto o baro Debleske.

3. Mose 1:9

I bouke oun i herya hounte van thodo. Kova krell ko morsh, kay anas ko firhes. Oun o rashay moukell halauter ap i rhačepaskri pre te rhačrell. Yaake hounte vell i firho anlo glan o Debleste, hoy vell leske tseles rhačedo. Oun o lačo soungepen, hoy vell vin, soungell mishto o baro Debleske.

3. Mose 10:11

Oun hounte sikrenn i Israelende ko tselo koova, hoy me, o baro Devel, lendar kamau, halauter hoy me o Moseske penom, oun yob lenge doureder penas.”

3. Mose 16:12

Palle djal lo pash ko sonakaskro bob, hoy glan o baro Debleste tardo hi, oun lell kolestar i sasterno čaro pherdo kasht, hoy rhačell, oun douy vasta pherdo soungepaskro koova, oun djal koleha pal ko voudar dran than an i kouč isema.

3. Mose 16:13

Kote čivell lo ko soungepaskro koova ap i yag, te djal i yagakro dourho vin oun čakrell ko pralstouno kotar ap ko morhton, kay o Debleskre deesh laba dren hi. Kova hounte krell lo doleske, te merell lo gar.

Haggai 2:11

Kova penell o baro Devel, ko ray pral o bolepen oun i phoub: Pouč i rashayen, hoy yon penenn an kava koova:

Haggai 2:12

“Te hidjrals yek an peskro ripen mass, hoy o Debleske hi, oun taprals kava ripeha maro an, keredo rhapen, mool, oun djet, vals ko koova palle ninna o Debleske?” Oun i rashaya rakran pale pale, oun penan “Na-a.”

5. Mose 24:8

Te lell yek t'mendar i djoungelo nasslepen ap peskro mass, hoy les pale-čiddo krell, palle denn yak, te krenn halauter yaake, har kol rashaya dran o kheer Levi t'menge penenn. Me penom lenge, hoy te krenn. Oun ap kova hounte rikrenn t'men.

5. Mose 27:14

Oun i Levitarya hounte denn ap i tsele morshende an Israel gole, oun penenn:

5. Mose 33:11

Baro Devel, kre len zorelo! Oun dik lačes ap kova, hoy le krenna! De kolen khetne, kay hadenn pen pral lende, oun djan rholyah ap lende pre! Mouk kolen bouder gar pre te stell!

Hebrearja 7:25

Doleske nay krell lo, te djal kek kolendar nashedo, koon yob pash o Debleste anas. Yob djivell hako tsireske, oun mangell o Debles lenge.

Hebrearja 9:24

Kova hi o Yezous Kristo. Yob djas gar an o Debleskro kheer, hoy i menshe kran, oun hoy sikrell mende kokres i tikno kotar ko čačo Debleskro kherestar an o bolepen. Na-a, yob djas an o bolepen glan o Debleste, te mangell lo les menge.

1. Samuel 2:28

Dran i tsele familye, kay venna kol deesh-te-douy Israeleskre čavendar, rodom me o kheer Aron vin, te venn kol morsha rashaya mange, te rhačrenn le mange firhen ap miri rhačepaskri, ninna te rhačenn le mange soungepaskro koova. Me dom len i rashayengre damdira, te rivenn le len, te venn le glan mande. Ninna dom len o čačepen, te rhan le ko massestar, hoy mange rhačedo vella.