5. Mose 32:47 - O Debleskro Lab 2024 (Sinte-Manouche)

⁴⁷ Kalla hi laba, hoy t'menge boud moldo hi. Yon hi t'maro djipen. Djivenn pal lende, oun t'mer djivenna i rah tsiro an ko them vergel o panyestar Yordan, kay kanna dren djan, te lenn les t'menge dren.

O Debleskro Drom 2021 (Sinte)

⁴⁷ Kalla hi laba, hoi tumenge bud moldo hi. Jon hi tumaro djipen. Djiwenn pal lende, un tumer djiwenna i rah tsiro an ko them wergel o panjestar Jordan, kai kanna dren djan, te lenn les tumenge dren.

5. Mose 32:47 ပူးပေါင်းရင်းမြစ်များ

Gosewe laba 3:18

Har i rouk, hoy o djipen dell, hi o gosvepen hakeneske, kay les an peste pre-lell. Barhtele hi lauter, kay o gosvepen an pengre djia rikrenn.

Gosewe laba 3:22

Kova dell tiro djipen zoor oun krell les shoukar har i verkli troul tiri meen.

Gosewe laba 4:13

Ač pash kova, hoy touke siklo vas, mouk kova gar! Rike tout ap kol goseve laba! Dran lende vell tout i lačo djipen.

Gosewe laba 4:22

Kol laba anenn o djipen oun o sastepen kolenge, kay len pre lenn.

Jesaja 45:19

Me rakrom gar čorrhanes an i khatepen, kay kek shounell, oun penom gar ap o Yakobeskre čavende: Rodenn man čičeske! Me, o baro Devel, rakrau o čačepen, oun penau t'menge, hoy čačo hi.

3. Mose 18:5

Doleske krenn, hoy me t'mendar kamau, oun djivenn pal miro čačepen. I mensho, kay rikrell pes ap kova, koles hi čačepah o djipen. Me hom o baro Devel.

Amos 5:4

O baro Devel penell ap o kheer Israel: Rodenn man, palle djivenn!

Mateo 6:33

Moukenn o Debles o ray pral t'mende te vell, oun krenn lauter, hoy yob kamella! Oun o Devel dell t'men lauter, hoy t'men hounte vell djipaske.

Bičepangre 7:38

Oun har kol Israelitarya an ko moulo them pash koy berga Sinay glan o Debleste khetne van, his o Mose ap i berga Sinay tardo mashkral o bolepaskro oun mare phourende. Oun o bolepaskro das les kol Debleskre laba, hoy denn o djipen, te anell o Mose len pash mende.

5. Mose 30:16

Te krenn t'mer, hoy me t'menge kava dives penom, oun kamenn t'maro baro Debles oun djan ap leskre dromma, oun djivenn pal leskre laba oun krenn, hoy yob t'mendar kamell oun rikrenn t'men ap leskre čačepaskre laba, palle ačenn t'mer djido. Oun t'mendar venn boud menshe. Oun t'maro baro Devel čivell peskri barht ap t'mende an o them, kay dren djan, te lenn les t'menge dren.

5. Mose 31:13

Ninna lengre čave, kay djinenn les gomme gar, hounte shounenn kova, te dikenn le, har te djivenn le o baro Debleha, kay t'maro Devel hi. Kova te vell o tselo tsiro, har djivenn t'mer an ko them, an koleste t'mer pral o Yordan vergel dren djan, te lenn les t'menge dren.”

5. Mose 33:25

Yob mou djivell kek daryah pal voudya, hoy hi pandlo sasteha. Oun an peskro tselo djipen mou ačell leske leskri zoor!

5. Mose 4:40

Denn yak ap kova, hoy yob t'mendar kamella, oun djivenn pal leskre laba, hoy t'menge kava dives penau. Palle djal mishto t'menge oun t'mare čavenge pal t'mende, oun t'mer djivenn i rah tsiro an kava them, hoy t'maro baro Devel t'menge della, te ačell les t'menge hako tsireske.

5. Mose 4:6

Yaake denn yak ap kol laba, oun rikrenn len! Palle dikenn i menshe an i vavar themma, har goseve han. Te shounenn le, pal have laba t'mer djivenna, palle penenn le: “Have goseve menshe hi kolla, kay prindjrenn pen an halauter vin! Havi bari zoreli natsyona!”

5. Mose 8:3

Oun yob moukas t'men te bokell, te hayvenn, t'maro rhapen vell lestar. Oun yob das t'men o Manna te rhal, hoy t'mer gar prindjran oun t'mare phoure vitar gar. Kova kras lo, te sikrell lo t'men, te djivell o mensho gar o rhapastar kokres. Na-a, i mensho djivell hako labestar, hoy dran o mouy o baro Deblestar vin djal.

1. Timoteo 4:8

Te dikeh ap kova, te venn tire moussya oun herya zoreles, hi kova gar boud moldo. Te dikeh ap kova, te vell tiro patsepen zoreles, hi kova boud moldo, oun tou leh o čačo djipen. Ko djipen dell tout o Devel kanna ap kay phoub oun an ko tsiro, hoy vella.

2. Petro 1:16

Mer penam t'menge, te vell maro ray, o Yezous Kristo, i bari zoryah pale. Kova hi kek gosevi parmissa. Na-a. Mer dikam leskro baro raylepen mare yakentsa.

2. Petro 1:3

Yob hi baro oun raylo, oun his menge lačo, oun das men pash peste gole. Har lam les an maro dji pre, das men o Devel an peskri zoor halauter, hoy men hounte vell, te djivas maro djipen yaake, har yob kamella.

Debleskro tsiro 22:14

Barhtele hi kolla, kay pengre ripya djoudjes thovenna. Yon nay rhan ko roukestar, hoy o djipen della, oun nay djan an kol bare voudya an ko foro dren.