5. Mose 32:24 - O Debleskro Lab 2024 (Sinte-Manouche)

²⁴ I bokatar merenn le, oun o fibro rhal len pre. Pharo nasslepen marell len. Me bičrau divye firhe oun čilače sapa mank lende, kay dandrenn len moulo.

O Debleskro Drom 2021 (Sinte)

²⁴ I bokatar merenn le, un o fibro chal len pre. Pharo nasslepen marell len. Me bitchrau diwje vieche un tchilatche sapa mank lende, kai dandrenn len mulo.

5. Mose 32:24 ပူးပေါင်းရင်းမြစ်များ

1. Mose 3:14

Koy penas o baro Devel, maro ray, ap o sap: “Praasedo vess koleske, hoy tou kral. Touke djan le dran o drom, – touke kokres oun gar i tsele vavar firhenge. Tou djas ap tiro per oun rhas čik tiro tselo djipen.

1. Mose 49:15

Yob dikas, har shoukar leskri platsa hi oun har kamlo o them hi, oun čivas peskro phiko tele, te hidjrell lo pharo koova oun boudrell i vavarenge.

Hiob 20:16

Ko čilačo koova, hoy lo kras, hi an leste har sapeskro čounger, oun marell les har i čilačo sap, kay dandras les.

Debleskri gili 120:4

Yagengre fayle dell i kourepaskro karye ap t'mende!

Debleskri gili 91:6

vitar gar glan ko nasslepen, hoy čorrhanes an i rat vell, vitar gar glan ko čilačepen, hoy ap o dives marell.

Jesaja 65:25

O divyo djouklo oun o terno bakro rhan khetne yek pash o vavar. Oun o levo rhal phouss har i groumni, oun o sap hounte rhal čik. Kek krell čomone, hoy douka anell, vitar či, hoy čilačo hi ap miri tseli berga, kay djivau, penell o baro Devel.

Jeremia 14:18

Djau me vin ap o them, dikau me menshen, kay peran an o kourepen. Vau me an o foro, hi koy menshe čiddo, kay meran i bokatar. Ninna Debleskre rakepangre oun rashaya nashenn trouyel an o them, oun djinenn gar, hoy te krenn.

Jeremia 15:3

Me, o baro Devel, lom man glan, te anap star kope pharo koova pral lende: o rhareha te venn le moulo dino, i djoukle tserdenn len krik, i čirkle rhan len, oun kova hoy lendar pral ačell, rhan i divye firhe pre.

Jeremia 16:4

Lendar hounte merenn ap pharo nasslepen, oun kek rovell pral lende oun paskrell len. Yon ačenn čiddo ap i harhetikri phoub har firhengro foul. Vavar merenn an o kourepen. Oun ninna vavar merenn i bokatar. Oun i čirkle oun i divye firhe rhan len pre.

Jeremia 8:17

Me, o baro Devel penau: Me bičrau čilače sapa pash t'mende, save, kay anenn o merepen. Kolen nay rikrell kek pre. Kolla dandrenn t'men.

Ropaskre gilja 5:10

Har te hams an i bob, rhačell mari hauta koy bari bokatar.

Ezekiel 14:15

Te anoms divye firhen an o them, kay marenn kolen, kay kote djivenn, oun o tselo them vals i moulo them, kay kek bouder ap o drom hi i daryatar kol divye firhendar,

Ezekiel 14:21

Oun kanna penell o baro Devel, maro ray: Ap ko tsiro, kay bičrau star phare dava pral ko foro Yerusalem – kourepen, bok, divye firhe oun pharo nasslepen, – te merenn i menshe oun firhe koy dren,

Ezekiel 5:17

Ava, i bok oun divye firhen bičrau mank t'mende. Kolla marenn t'mare čaven. Ninna pharo nasslepen, marepen oun kourepen anau pral t'mende. Me, o baro Devel, rakrom.

3. Mose 26:22

Divye firhe bičrau mank t'mende, te rhan le t'mare čaven oun firhen, oun marenn yaake boud t'mendar, te venn t'mare dromma mouklo.

Amos 9:3

Ninna te khatrenn le pen pral ap i berga Karmel, rodau me len oun lau len tele. Ninna te khatrenn le pen mandar tele an o baro pani, yaake penau o panyeskro sap, te dandrell lo len.

Micha 7:17

Yon hounte čivenn pen ap i phoub pengre mouyentsa an i čik har i sapa oun i kirme. Oun trisslepah venn le vin dran pengre zorele khera, oun venn glan toute, maro baro Debleste, bari daryah.

Habakuk 3:5

I djoungelo nasslepen djal glan leste. Oun pal leste vell vavar i nasslepen, hoy rhal i menshen pre.

5. Mose 28:22

Yob bičrell t'men savo nasslepen, hoy rhal t'men pre, t'maro mass vell lolo oun tato, oun i fibro rhačell an t'mende. Oun yob rikrell o brishin pale an t'maro them. Oun i tato dourho krell, te vell o djob nasselo oun merell tele. Oun kova halauter vell pral t'mende bis te moulo han.

5. Mose 28:48

Doleske bičrell o baro Devel vavar menshen pral t'mende, kay kamenn t'men tele te rikrell. Oun t'mer hounte boudrenn lenge, oun bokenn oun troushenn koy pashel. T'men vell gar doha an-ripaske, čičestar vell t'men doha. O baro Devel rikrell t'men yaake tele, har te vals i sasterni goustri troul t'mari meen, bis te t'mer moulo han.

5. Mose 28:53

An ko tsiro, kay han yaake dren pandlo an t'mare forya, vell t'men savi bok, te rhan t'mer t'mare čaven, ko mass t'mare morsh čavendar oun čendar, kolen t'maro baro Devel t'men das.