5. Mose 32:15 - O Debleskro Lab 2024 (Sinte-Manouche)

¹⁵ O Yeshourun djivas i shoukar djipen, his čalo oun bravelo. Har vas lo pesso, phourdas lo pes pre. Oun moukas o Debles, kay les kras, oun vitsras les ap i rig. Leskro zorelo rikepaskro his leske či moldo.

O Debleskro Drom 2021 (Sinte)

¹⁵ O Jeshurun djiwas i shukar djipen, his tchalo un brawelo. Har was lo pesso, phurdas lo pes pre. Un mukas o Debles, kai les kras, un witsras les ap i rig. Leskro sorelo rikepaskro his leske tchi moldo.

5. Mose 32:15 ပူးပေါင်းရင်းမြစ်များ

2. Samuel 22:47

O baro Devel djivella! Les sharau: har i baro zorelo bar hi lo mange. Miro Debles hadau: yob moukell man gar – hako tsiro dell lo yak ap mande,

1. Familjakro liil 5:25

Oun yon peran tele lengro dadengro Deblestar, oun mangan i deblen kol vavar menshendar an, kolen o Devel glan lende vin tradas dran o them.

2. Familjakro liil 12:1

Har his o Roboam zoreles ap peskri rayeskri beshepaskri beshdo, oun i zorelo baro ray his, moukas lo o baro Debleskro drom. Oun i tsele Israelitarya kran kova leske palla.

2. Familjakro liil 26:16

Oun har leske boud zorlepen dino vas, phourdas pes leskro dji pre. Oun yob kras, hoy leske gar mishto his, oun hoy čilačo his glan leskro baro Debleste: Yob djas an koleskro kheer te rhačrell lo leske soungepaskro koova ap o sonakaskro bob.

Nehemia 9:25

Yon lan zorele forya dren, oun i lačo them, khera, hoy pherdo lačo koova his, pani, hoy dran vi-dine bare barra vas, drakengre rouka, djeteskre rouka, oun boud vavar rouka, hoy lačo rhapen hidjran. Oun yon rhan oun van čalo oun thoullo. Oun yon moukan les penge lačes te djal. Yaake baro his tiro lačepen ap lende.

Nehemia 9:26

Oun pale shounan le gar bouder ap toute, oun hadan pen pral toute, oun kaman bouder gar tiro drom te djal. Oun yon dan tire rakepangren moulo, kolla kay len trad dan, te anenn le len pale pale pash toute.

Hiob 15:27

Leske djal mishto, oun leskro per hi thoullo.

Debleskri gili 100:3

Ma bistrenn: O baro Devel kokres hi o Devel! Yob kras men, oun leskre ham mer. Leskre menshe ham, oun yob hi menge har i bakrengro, kay djal glan leskre bakre oun anell len kote, kay len doha rhapaske hi.

Debleskri gili 119:70

Kolla menshe pandan pengre djia, te hayvenn le gar tiro lab. Me hom barhtelo, te djap tiro drom.

Debleskri gili 17:10

Lengre djia pandenn le, te khaytell len kek, oun pengro mouyeha krenn le pen bares.

Debleskri gili 18:46

Len hi bouder kek zoor an pende. Daryah venn le dran pengre zorele rayengre khera vin.

Debleskri gili 73:7

Dran lengre djia vell čilačepen. Oun yon krenn lauter pal pengro shero.

Debleskri gili 81:11

Me hom tiro baro Devel, kay tout dran o them Egiptia vin anas. Kre tiro mouy dour pre, oun me dau tout boud rhapen.

Debleskri gili 89:26

Me dau les penepaske pral ko tselo them mank o baro pani oun o lengsto pani Eufrat.

Debleskri gili 89:27

Yob penell ap mande: Tou hal miro dad, miro Devel, kova, kay rikrell peskre vasta pral mande oun vell ap miri rig.

Debleskri gili 95:1

Avenn, te givenn gilya o baro Debleske! Denn gole i barhtyatar glan leste! Yob hi maro rikepaskro, kay menge lauter mishto krella.

Jesaja 1:4

T'menge djal djoungelo, t'mer čilače menshe, kay anan yaake boud doosh ap t'mende! T'mer han bede, čave, kay molenn či! T'mer moukan o baro Debles, kamenn či bouder te djinell o Israeleskro Deblestar, kay kokres o Devel hi, oun sikran leske t'maro doumo.

Jesaja 43:1

Kanna penell o baro Devel, kova, kay t'menge, o Yakobeskre čavenge, o djipen das, oun toutar, Israel, i natsyona kras: Ma dare! Me ginom tout vin! Me dom tout pash tiro lab gole, te vess mange.

Jesaja 44:2

Kova hi, hoy me, o baro Devel, touke penau: Me krom tout oun dom tout o djipen har gomme gar boldo hals; me hom ap tiri rig. Ma dare, miro boudepaskro Yakob, tou Israel, koles me mange vin rodom!

Jesaja 6:10

Rake lentsa, ninna te pandenn le pengre djia, oun krenn pengre kanda kashteno, oun pengre yaka pandlo. Te dikans le pengre yakentsa, oun shounans pengre kandentsa, oun hayvans pengre djiyentsa, moukans le pengro čilačo drom oun vans pash mande, oun me kroms len sasto.

Jeremia 2:31

O baro Devel penell: T'mer čilače menshe! Denn garda ap kova, hoy me t'menge penau! Hom me i Israelenge i moulo them, i them, kay kek pani hi? Hoske penenn mire menshe: Mer nay djah, kay kamah, oun hounte nashas touke gar bouder gar pal.

Jeremia 2:32

Nay bistrell i terni čay peskro sonakay, i terni djouvel, kay kamell romedinerell, peskro biyabeskro ripen? Na-a! Mire menshe bistrenn man pale te pale.

Jeremia 2:5

Kova penell o baro Devel: Havo djoungelo koova hatsan t'mare phoure ap mande, kay djan yon mandar krik, oun mangan figuren an, kay kek devel hi. Oun yaake djan le tele.

Jeremia 5:28

Thoullo oun pesso hi le, oun moukenn gar tele te krenn le čilačepen. O čačepen lenn le gar an o vast, te lenn kolendar pengro čačepen, kay čorvelo hi, ninna kol čavendar, kay len kek dad bouder hi.

Jeremia 5:7

Hoske bistrap i doosh mire menshendar? Yon djan mandar krik, oun denn pen sovel pash koleste, kay kek devel hi. Har me len čalo krom, phagan le mantsa, oun djan an i loubyengro kheer.

Ezekiel 14:5

Yaake krau, te krenn i Israelitarya pengre djia pale mange pre, yon, kay moukan miro drom oun mangenn vavar deblen an.

Hosea 13:6

Oun har dom len te rhal, oun yon čalo van oun len doha his, phourdan le pen pre, oun bistran man.

Hosea 4:7

Yaake har t'mer rashaya boud oun boudeder van, kran t'mer boud oun boudeder čilačepen ap mande. Doleske krau, te venn bouder gar an-diklo, oun vitsrau t'men an i ladj.

Bičepangre 28:27

Kol menshengre djia hi har bar, oun lengre kandentsa shounenn yon či. Lengre yaka hi pandlo, te nay dikenn yon či. Yon kamenn pengre yakentsa či te dikell, oun pengre kandentsa či te shounell. Oun pengro djiyeha kamenn le či te hayvell. Yon kamenn gar pengro phouro djipen te moukell, oun ap miro drom te djal. Doleske nay lau len gar dran o čilačepen vin. ”

Bičepangre 9:5

Penas lo: “Ray, koon hal tou?” Kova penas: “Me hom o Yezous, koles, kay tou palla leh.

5. Mose 31:16

O baro Devel penas ap o Mose: “Sik vell o dives, kay mereh. Oun pal tiro merepen moukenn i Israelitarya miro drom, oun nashenn kol deblenge palla ko themestar, an koleste venna. Oun yon djan penge mandar, oun krenn bouder gar, hoy lentsa vin krom.

5. Mose 31:20

Me anau len an ko them, yaake har man sovel dom glan lengre phourende, te krap kova. Kova hi i them, an koleste boud thoud oun gvin hi. Oun yon rhan oun venn čalo oun thoullo. Oun kote nashenn le vavar deblenge palla, oun mangenn kolen an. Oun ap mande dikenn le tele, oun phagenn koy sovel, hoy le mantsa dren djan.

5. Mose 32:4

Yob hi maro zorelo rikepaskro. Lauter, hoy yob krell, hi mishto. Leskre tsele dromma hi čačo. Maro Devel rikrell peskro lab; an leste hi kek čilačepen. Rhorhepen djinell lo gar.

5. Mose 32:6

T'mer dinele menshe, kolen kek gosvepen hi, parkrenn t'mer t'men yaake pash t'maro baro Debleste? Hi yob gar t'maro dad, kay kras t'men? Kova, kay kras t'mendar i natsyona?

5. Mose 33:26

Israel, kek devel hi har tiro Devel. Pherdo raylepen hi lo beshdo ap volke oun djal pral o bolepen, te vell lo ap tiri rig.

5. Mose 33:5

Oun o baro Devel vas o ray pral o Yeshourun, har i Israelitarya pengre pralstunentsa khetne van.

Čačepangre 10:6

Oun i Israelitarya kran pale kova, hoy čilačes his glan o baro Debleskre yaka. Oun yon mangan i vavar deblen an: ko debles, kay kharell Baal, oun i debletsa, kay kharell Astarte, oun kol deblen, kay mangenn kol menshe an, kay djivenn an Syria, an Sidon, an Moab, an Ammon oun an Filistia. Oun i Israelitarya moukan o baro Debles oun mangan les bouder gar an.

1. Samuel 2:29

Hoske dikenn t'mer ap kol firhen oun rhapen, hoy yaake an miro kheer anlo vell, har me penom, har te vals kova či moldo? Tou hadeh tire čaven pral mande, oun moukeh len i feteder kotya mass te lell kol firhendar, hoy mire menshe Israel mange anan. Oun t'mer rhan t'men pesso ap kova.