5. Mose 31:19 - O Debleskro Lab 2024 (Sinte-Manouche)

¹⁹ Oun kanna, čin an i liil kay gili, hoy touke penau, oun anenn lat lenge pashel, te nay givenn le lat. Yaake te nay penau me, te dom len trad kay gilyah.

O Debleskro Drom 2021 (Sinte)

¹⁹ Un kanna, tchin an i liil kai gili, hoi tuke penau, un anenn lat lenge pashel, te nai giwenn le lat. Jaake te nai penau me, te dom len trad kai giljah.

5. Mose 31:19 ပူးပေါင်းရင်းမြစ်များ

2. Samuel 14:3

Tou djas pash o baro rayeste dren, oun rakress leha yaake har touke penau.” Oun o Yoab čivas lake kol laba an o mouy, hoy yoy hounte penella.

Debleskri gili 102:18

Yob shounell o mangepen kolendar, hoy mouklo van. Ap lengro mangepen dikell yob lačes.

2. Mose 4:15

Oun pen tiro phraleske halauter, hoy yob hounte rakrell! Oun me, t'maro Devel, čivau mire laba an tiro mouy oun leskro mouy oun sikrau t'men halauter, hoy hounte krenn.

Jesaja 51:16

Oun me čivom mire laba an tiro mouy, oun rikrau mire vasta pral toute. Me hom kova, kay krom o bolepen bourhles pral i phoub oun čivom i phoub pre. Oun me penau ap i menshende an o foro Sion: Mire menshe han t'mer!

Jesaja 59:21

Kava krau me lentsa vin, penell o baro Devel: Me čivom miro dourho ap t'mende. Oun mire laba, hoy penom t'menge, ačenn pash t'mende. Oun t'mer penenn len doureder ap t'mare čavende, oun yon ap pengre čavende, oun kolla ap pengre čavende. Kova ačella yaake kanna oun hako tsireske. Kova penau me, o baro Devel,

Jeremia 1:9

Oun o baro Devel čivas peskro vast ap miro mouy, oun penas ap mande: Dik, me čivau mire laba an tiro mouy.

Ezekiel 2:5

Yon nay shounenn oder shounenn gar ap toute. Ninna te moukenn le pen či te penell, hounte djinenn le, te hi i Debleskro rakepaskro mashkral lende.

Mateo 10:18

T'mer patsenn ap mande. Doleske anenn le t'men glan i pralstunende oun glan i bare rayende, te rakrenn yon i phagi vin pral t'mende. Kova vell ap t'mende, te rakrenn t'mer mandar glan lende oun glan kolende, kay o Debles gar prindjrenna.

Johanni 12:48

Koon lell man gar pre, oun kamell gar mire laba te shounell, kova lell peskri phagi. Kol laba, hoy me rakrom, denn les i phagi ap ko dives, kay o čačepen pral i tsele menshende vi-rakedo vella.

5. Mose 11:19

Oun penenn len t'mare čavenge. Rakrenn kol labendar, te han khere, oun ninna te djan ap o drom, te čivenn t'men tele, oun ninna te stenn pre.

5. Mose 31:18

Ap ko dives khatrau miro mouy glan lende dran ko tselo čilačo koova, hoy le kran, har mangan le vavar deblen an.

5. Mose 31:26

“Lenn kava čačepaskro liil, oun čivenn les ap i rig pash o morhton, kay o baro Debleskre deesh laba dren hi, te sikrell lo len, hoy vella, te rikrenn le pen gar ap kol laba.

5. Mose 31:30

O Mose penas kay tseli gili glan i kanda i tsele Israelendar, kay kote khetne van.

5. Mose 32:1

Tou bolepen, shoun, hoy penau! Tou phoub, de yak ap i laba, hoy venna dran miro mouy!

5. Mose 6:7

oun peness len ninna tire čavenge, te bistrenn le len gar. Rake lendar, te hal khere beshdo, oun te djah ap o drom, oun te čiveh tout tele oun te steh pale pre.

Josua 24:27

Oun o Yosua penas ap i tsele menshende: “Dikenn kava bar! Kava shounas hako lab, hoy o baro Devel mentsa rakras. Kava bar hi kate tardo, te dell lo t'men trad, te moukenn gar t'maro Debles.”