5. Mose 31:16 - O Debleskro Lab 2024 (Sinte-Manouche)

¹⁶ O baro Devel penas ap o Mose: “Sik vell o dives, kay mereh. Oun pal tiro merepen moukenn i Israelitarya miro drom, oun nashenn kol deblenge palla ko themestar, an koleste venna. Oun yon djan penge mandar, oun krenn bouder gar, hoy lentsa vin krom.

O Debleskro Drom 2021 (Sinte)

¹⁶ O baro Dewel penas ap o Mose: “Sik well o diwes, kai mereh. Un pal tiro merepen mukenn i Israelitarja miro drom, un nashenn kol deblenge palla ko themestar, an koleste wenna. Un jon djan penge mandar, un krenn buder gar, hoi lentsa win krom.

5. Mose 31:16 ပူးပေါင်းရင်းမြစ်များ

1. Mose 15:15

Oun touke penau me: Te mereh, soveh barhtelo dren. An i mishto phourepen veh tou paskedo.

1. Mose 25:8

Les his i rah djipen. Oun yob meras an o mishto phourepen oun vas paskedo.

1. Mose 47:29

Har ko tsiro vas, kay merell lo, kharas yob peskro čaves, o Yosef, oun penas ap leste: “Ab mange lačo, de tiro vast koy pre, kay rikreh tiro lab: Paske man gar an o them Egiptia!

1. Mose 47:30

Te hom moulo, an man dran o them Egiptia oun paske man an o moulengro kheer mire menshendar!” “Me krau, har tou peneh”, penas o Yosef.

2. Samuel 7:12

Te hi tiro tsiro trouyel, oun tou mereh, hadau yekes tire čavendar, kay pal toute venna, te vell lo baro ray, oun ačell kova.

1. Rajengro liil 1:21

Te kreh tou kova gar, oun ko tsiro vell, kay hal bouder gar djido, palle hom me oun miro čavo, o Salomo, an lengre yaka phoukepangre.”

1. Rajengro liil 18:18

Yob penas: “Gar me anom o Israel an i bibarht dren. Kova hal tou oun tiro dadeskro kheer. T'mer moukan i laba o baro Deblestar oun nashan ko debleske palla, kay kharella Baal.

1. Rajengro liil 19:10

Oun yob penas: “Tou, baro Devel oun ray pral o bolepen oun i phoub, me boudrom touke miro tselo djiyeha. Tire menshe Israel krenn bouder gar, hoy tou lentsa vin kral. I pre-čidde barra, kay touke firhe rhačedo van, dan le khetne, oun tire rakepangren maran le o rhareha. Oun me kokres ačom djido. Oun yon kamenn man ninna te marell.”

2. Rajengro liil 18:12

Kova lauter vas pral i Israelitarya doleske, kay yon gar shounan ap i laba lengro baro Deblestar, oun rikran pen gar ap kova, hoy yob lentsa vin kras; oun ap halauter, hoy o Mose, o baro Debleskro boudepaskro lenge penas, yon shounan gar koy pre, oun djivan gar koy pal.

2. Rajengro liil 20:1

An kol divessa vas i merepaskro nasslepen pral o Hiskiya. Oun o Debleskro rakepaskro, o Yesaya, koleskro dad o Amoz his, vas pash leste oun penas ap leste: “Kava penell o baro Devel: Tou veh gar sasto kava nasslepastar oun hounte meress. Doleske pen tire menshenge, har te djal pal tiro merepen doureder!”

2. Familjakro liil 21:11

Ninna kras lo moulne platse ap i berge an o them Youda, kay i menshe i moule debla an-mangan. Yaake anas lo i menshen an Youda oun an Yerusalem o baro Debleskro dromestar tele.

Hiob 20:11

Ninna te hi lo gomme terno oun zorelo, hounte merell lo, oun vell an i čik čiddo.

Debleskri gili 106:39

oun kran pen pale-čiddo koleha, hoy yon kran, oun peran o baro Debleskro dromestar tele.

Debleskri gili 73:27

Koon toutar krik djal, djal tele. Oun koon moukell tout, koles aneh an o moulengro them.

2. Mose 32:6

Oun yon stan taysarlakro pre oun maran firhen, oun rhačran len ko debleske, hoy kran le penge. Ninna vavar firhen anan le pashel, te rhan le len khetne. Oun yon beshan pen, te rhan le oun te piyenn le. Oun yon stan pre oun khelan.

2. Mose 34:15

Ma avenn mala kol vavar menshenge an o them! Yon mangenn pengre deblen dran kasht oun bar an, oun marenn firhen lenge. Te vans t'mer lengre mala, nay djals, te djan lentsa oun rhan ko rhapen, hoy yon anan lengre deblen.

Jesaja 48:8

An kek tsiro shounan t'mer, hoy penom, vitar gar kaman kova te djinell. Oun i rah tsiro his t'mare kanda pandlo mire labenge. Čačepah, me djinom t'maro phoukepen. Oun yaake rah har ap i phoub han, venn t'mer kharedo: Kolla, kay kamenn či o Deblestar te djinell.

Jeremia 31:32

Kova hi gar har kova, hoy lengre phourentsa vin krom, har lom len pash o vast oun lom len dran o them Egiptia. Kol laba, hoy lende dom, te rikrenn le pen ap lende, phagan le, ninna te hom me lenge i lačo ray.

Jeremia 36:7

Nay vell, te moukenn le pengro čilačo drom oun mangenn pen tele glan o baro Debleste oun venn pale ap leskro drom. Palle nay rikrell o baro Devel peskri bari rholi pale, hoy les ap kal menshende hi, oun hounte dell len gar koy phari phagi, kolah lo len trad das.

Ezekiel 16:15

Oun tou val pre-phourdo dran tiro shoukapen. Oun har i vavar tout yaake sharan, vitsral tout hakeneske ap i meen, kay kote djas, kay tou hals, oun dal tout leske.

Hosea 1:2

Har rakras o baro Devel o ersto kopo ap o Hosea, te penell yob leskre laba i menshenge, penas lo ap leste: Rode touke i loubni oun romedine lat! Tout hounte vell čave, kay i loubyatar ap i phoub anlo venn. Yaake sikreh: I menshe an kava them hi har i loubni: Yon moukan man oun nashenn vavar deblenge palla.

Hosea 10:4

I bare raya krenn boud laba, denn pen rhorhene sobya, oun krenn pen vavar thementsa khetne. Kova, hoy kharenn le čačepen, hi har ko čilačo zenlepen, hoy vell baro ap i harhetikri phoub oun anell o merepen.

3. Mose 26:15

oun krenn gar, hoy t'mendar kamau, oun djivenn gar pal miro čačepen, oun rikrenn yaake gar dren, hoy t'mentsa vin krom,

4. Mose 27:13

Oun te dikal tou kova, mereh tou, yaake har tiro phraal Aron ninna meras.

Bičepangre 13:36

Oun o David his an peskro djipen o Debleske koy. Oun yob meras oun vas paskedo pash peskre menshende. Oun leskro mass ferdjas tel i phoub.

5. Mose 31:18

Ap ko dives khatrau miro mouy glan lende dran ko tselo čilačo koova, hoy le kran, har mangan le vavar deblen an.

5. Mose 32:15

O Yeshourun djivas i shoukar djipen, his čalo oun bravelo. Har vas lo pesso, phourdas lo pes pre. Oun moukas o Debles, kay les kras, oun vitsras les ap i rig. Leskro zorelo rikepaskro his leske či moldo.

5. Mose 32:50

Oun tou mereh ap koy berga, ap koya tou pre djal, oun tou veh paskedo, har tiro phraal Aron meras ap i berga Hor oun kote paskedo vas.

5. Mose 34:5

Oun o Mose, koles o baro Debleskro čačo vast hi, meras kote an o them Moab, yaake har o baro Devel les penas.

5. Mose 4:25

Te djivan t'mer an o them boud bersha oun t'men hi čave oun čavengre čave kote, ma krenn t'menge i debleskri figura čomonestar! Kova vals čilačo glan i yaka o baro Deblestar. Te krenn t'mer savo djoungelo koova, krenn t'mer les rhoyedo.

Debleskro tsiro 19:2

Lačo oun čačo hi lo. I phagi, hoy yob i menshen das, hi mishto oun čačo. Yob das i bari loubyat lakri phagi. Yoy tserdas i menshen ap i tseli phoub an vi-ladjedo koova oun maras o Debleskre boudepangren. O Devel das lat ko čilačepen pale, hoy yoy ap lende kras.”

Čačepangre 10:13

Oun t'mer, hoy kran t'mer? T'mer moukan man oun mangan vavar deblen an. Doleske kamau t'men bouder gar vin te lell dran i vasta kolendar, kay t'men tele rikrenn.

Čačepangre 10:6

Oun i Israelitarya kran pale kova, hoy čilačes his glan o baro Debleskre yaka. Oun yon mangan i vavar deblen an: ko debles, kay kharell Baal, oun i debletsa, kay kharell Astarte, oun kol deblen, kay mangenn kol menshe an, kay djivenn an Syria, an Sidon, an Moab, an Ammon oun an Filistia. Oun i Israelitarya moukan o baro Debles oun mangan les bouder gar an.

Čačepangre 2:11

Oun koy kran i Israelitarya kova, hoy čilačes hi glan o baro Debleskre yaka. Oun yon mangan ko debles an, hoy kharas Baal,

Čačepangre 2:12

oun moukan o baro Debles, kay o Devel lengre phoure dadendar hi, oun len vin anas dran o them Egiptia. Oun yon nashan vavar deblenge palla, – kol deblenge, kolen i menshe an-mangan, kay troul lende djivan. Oun yon peran glan lende tele, oun yaake kran le, te vell o baro Devel rhoyedo.