5. Mose 3:20 - O Debleskro Lab 2024 (Sinte-Manouche)

²⁰ T'mer kourepangre, avenn t'mare phralenge pash o vast yaake rah bis te lan le ko them dren, hoy o baro Devel len della ap i vavar rig o panyestar Yordan, oun bis te moukell lo len kote te djivell kek kourepah, yaake har yob ninna t'menge kras. Palle nay djan t'mer pale an t'maro them, hoy t'mende dom.”

O Debleskro Drom 2021 (Sinte)

²⁰ Tumer kurepangre, awenn tumare phralenge pash o wast jaake rah bis te lan le ko them dren, hoi o baro Dewel len della ap i wawar rig o panjestar Jordan, un bis te mukell lo len kote te djiwell kek kurepah, jaake har job ninna tumenge kras. Palle nai djan tumer pale an tumaro them, hoi tumende dom.”

5. Mose 3:20 ပူးပေါင်းရင်းမြစ်များ

4. Mose 32:18

Mer kamah gar khere te djal, bis te hako Israelitari peskro kotar them las.

4. Mose 32:22

oun bis te hi lo o ray pral ko them. Koy pal nay djan t'mer pale pale, oun kek doosh lan t'mer ap t'mende glan o baro Debleste oun glan Israel. Oun o them ap kay rig kate vell t'mende dino glan o baro Debleste.

5. Mose 12:9

Kanna van gomme gar khere an ko them, hoy t'men t'maro baro Devel dell, te vell les t'maro.

5. Mose 3:21

An ko tsiro penom ap o Yosua: “Tire yaka dikan kova halauter, hoy t'maro baro Devel kal douy rayentsa kras. Oun yaake krell o baro Devel hako rayeha an hako them, kay tou djah.

Josua 22:2

oun penas ap lende: “T'mer kran halauter, hoy penas t'menge o Mose, koles o baro Debleskro čačo vast his. Oun kran halauter, hoy me t'menge penom.

Josua 22:4

Kanna kras t'maro baro Devel, te nay lan t'mare phralen lengro them ninna dren, oun yon nay djivenn kote an o lačepen, yaake har lo kova lenge penas. Doleske rissrenn kanna trouyel, oun djan pash t'mare plarhtene khera an ko them, hoy t'menge dino vas, te vell lo t'menge – ko them, hoy das t'men o Mose, koles o baro Debleskro čačo vast his, ap i vavar rig o panyestar Yordan.

Josua 22:8

penas lo ap lende: “T'mer venn khere baro bravlepah: T'men hi boud firhe, roup oun sonakay, lolo saster oun vavar saster oun ripya, hoy lan kolendar, kay kouran pen t'mentsa. Denn t'mare phralen, kay khere ačan, o paash kolestar!”

Josua 22:9

Kote djan i morsha dran i familya Ruben oun dran i familya Gad oun dran i paash familya Manasse penge pengre phralendar, kol vavar Israelitaryen. An o foro Shilo, hoy an o them Kanaan čiddo hi, kran le pen ap o drom, te djan le khere an o them Gilead. Kote his ko kotar them, hoy lenge dino vas, te vell lo lengro, yaake har o baro Devel ap o Moseste penas.