5. Mose 29:8 - O Debleskro Lab 2024 (Sinte-Manouche)

⁸ Doleske denn yak ap kal laba, hoy t'maro Devel t'mentsa vin krell. Djivenn pal lende, te djal t'menge halauter mishto, hoy t'mer krenna.

O Debleskro Drom 2021 (Sinte)

⁸ Doleske denn jak ap kal laba, hoi tumaro Dewel tumentsa win krell. Djiwenn pal lende, te djal tumenge halauter mishto, hoi tumer krenna.

5. Mose 29:8 ပူးပေါင်းရင်းမြစ်များ

1. Rajengro liil 2:3

Djib tiro djipen glan tiro baro Debleste! Dja ap leskre dromma! Kre, hoy o Devel toutar kamell, oun rike tout ap leskre laba oun ap leskro čačepen! Djib yaake, har yob mende sikras an o Moseskre lila. Palle djal touke halauter mishto, hoy kreh, oun kay tou ninna djah.

Debleskri gili 135:12

Lengre themma das lo peskre menshende Israel, te venn le lengre.

4. Mose 32:32

Mer lah mare rhare oun djah glan o baro Debleste an o them Kanaan, te las maro kotar them kate ap kay rig o panyestar Yordan.”

4. Mose 32:33

Yaake das o Mose kol menshen dran o kheer Gad oun dran o kheer Ruben oun ko paash kol menshendar dran o kheer Manasse, kay o Yosefeskro čavo his, ko them, kay o Sihon o baro ray pral i Amorarya his oun ko them, kay o Og o baro ray pral Bashan his. Yob das len o tselo them oun kol forya koy dren.

5. Mose 5:32

Kanna denn yak, te krenn halauter yaake, har t'maro baro Devel kova t'menge penas. Rikrenn leskre tsele laba. Čivenn kek lendar ap i rig.

5. Mose 5:33

Djan yaake ap leskro drom, har yob t'menge sikras! Palle ačenn djido, oun djal t'menge mishto. Oun t'mer nay djivenna i rah tsiro an ko them, hoy t'mer dren lenn, te vell lo t'maro.

Josua 1:7

Tou, ab zoreles oun ma traash, oun rike tout ap mire tsele laba, hoy penas touke o Mose, koles miro čačo vast his. Ma dja kolendar tele, gar ap i čači rig oun vitar gar ap i servi rig, te vell halauter mishto, kay tou ninna djah.

Josua 1:8

Pen touke kol laba glan, hoy an ko liil činlo hi! Ap o dives, har an i rat, mouk len touke an tiro shero trouyel te djal, te rikress oun kress halauter, hoy an ko liil činlo hi. Palle djal touke halauter mishto, oun kova, hoy kreh, vell mishto.