5. Mose 29:5 - O Debleskro Lab 2024 (Sinte-Manouche)

⁵ T'men his kek maro te rhal, oun kek mool oun vavar zorelo pipen te piyell. O baro Devel das t'men rhapaske, te hayvenn t'mer, te hi yob t'maro Devel.

O Debleskro Drom 2021 (Sinte)

⁵ Tumen his kek maro te chal, un kek mool un wawar sorelo pipen te pijell. O baro Dewel das tumen chapaske, te haiwenn tumer, te hi job tumaro Dewel.

5. Mose 29:5 ပူးပေါင်းရင်းမြစ်များ

Nehemia 9:21

Star-desha bersha dal len lauter, hoy len hounte his o djipaske. Lengre koola djan gar paash, lengre pire van gar pesso.

Debleskri gili 78:24

oun das len bolepaskro djob te rhal, hoy kharell Manna. Kova peras tele ap lende, har brishin tele perell ap i phoub.

2. Mose 6:7

Kamau, te venn t'mer mire menshe, oun me kamau t'maro Devel te vell. Oun t'mer dikenn oun hayvenn, te hom me, o baro Devel, t'maro Devel, kay las t'men vin dran i phari boudi, hoy i Egiptarya ap t'mende čivan.

2. Mose 7:7

Oun o Mose his 80 (orhta-deesh) bersha oun o Aron 83 (orhta-deesh-te-triin) bersha phouro, har yon ap o Farao rakran.

4. Mose 14:33

T'mer rikran t'men gar ap mire laba. Doleske hounte djan t'mare čave pengre firhentsa trouyel an o moulo tato them, star-deesh bersha, bis te ačell kek t'mendar bouder pral.

Mateo 10:10

Lenn kek possita t'mentsa, kek douyto gad, kek kirrha, vitar kek kasht! I boudepaskro lell peskro rhapen kolendar, kolenge yob boudrella.

5. Mose 1:3

An o star-deshto (40) bersh ap o ersto dives an o deesh-te-yekto čon penas o Mose ap i tsele Israelitarya halauter, hoy o baro Devel leske penas, te hounte krenn le.

5. Mose 8:2

Ma bistrenn, har djas t'maro baro Devel glan t'mende an kol 40 (star-deesh) bersha, har djan an o moulo tato them trouyel. Kote sikras lo t'men: Te hi lo gar t'mentsa, nay krenn či. Ninna kamas lo vin te hatsell, hoy an t'mare djia hi: Shounenn t'mer ap leskre laba oder gar?

5. Mose 8:3

Oun yob moukas t'men te bokell, te hayvenn, t'maro rhapen vell lestar. Oun yob das t'men o Manna te rhal, hoy t'mer gar prindjran oun t'mare phoure vitar gar. Kova kras lo, te sikrell lo t'men, te djivell o mensho gar o rhapastar kokres. Na-a, i mensho djivell hako labestar, hoy dran o mouy o baro Deblestar vin djal.

5. Mose 8:4

An kol tsele star-deesh bersha djan t'mare koola ap t'mende gar paash, oun t'mare pire van gar pesso.

Josua 9:13

Oun kal molyakre gone, kay his neve, har len khere pherdo kram, kanna van le phoure oun djan paash. Kalla mare koola oun kirrha van phoure oun djan paash ap ko dour drom, hoy hounte djam.”

Josua 9:5

Ap lengre pire rivan le phoure kirrha, hoy paash his oun sido van. Oun ninna lengre koola ap lende his phouro. Oun ko tselo maro, hoy le peha lan, his phouro oun har bar.