Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




5. Mose 29:28 - O Debleskro Lab 2024 (Sinte-Manouche)

28 Kova hoy khatedo hi, djinell kokres maro baro Devel. Mende sikras lo, hoy lo mendar kamell, te djivas mer pal kal tsele laba, hoy an kava čačepaskro liil činlo hi. Kova hi menge oun mare čavenge hako tsireske.

အခန်းကိုကြည့်ပါ။ ကော်ပီ

O Debleskro Drom 2021 (Sinte)

28 Kowa hoi khatedo hi, djinell kokres maro baro Dewel. Mende sikras lo, hoi lo mendar kamell, te djiwas mer pal kal tsele laba, hoi an kau tchatchepaskro liil tchinlo hi. Kowa hi menge un mare tchawenge hako tsireske.

အခန်းကိုကြည့်ပါ။ ကော်ပီ




5. Mose 29:28
24 ပူးပေါင်းရင်းမြစ်များ  

Oun o baro Devel dell i menshende Israel dava, te trissenn le, har trissell i shilftikro khass an o pani. Oun o baro Devel tserdell i Israelitaryen vin dran kava lačo them, hoy das yob lengre phourende. Oun i Israelitarya venn tradedo ap i vavar rig o panyestar Eufrat. Yon rhoyran o baro Debles, har kran le penge save figure, hoy sikrenn i debletsa Ashera.


Kote vas o baro Devel rhoyedo pral i Israelitarya, oun čivas len krik glan leskre yaka, yaake kay ačan kokres menshe dran o kheer Youda pral.


Kova djas yaake rah, bis te o baro Devel i Israelitaryen glan peste krik tradas, oun vas yaake har leskre boudepangre glan-vi penan, kolla, kay leskre rakepangre his. Yaake van i Israelitarya dran o them Israel pandles krik anlo an o them Assour. Kote hi le gomme kava dives.


Oun har o Hoshea an o enyato bersh baro ray his, las o baro ray pral o them Assour o foro Samaria dren, oun anas i menshen dran Israel pandles krik an o them Assour, oun moukas len te djivell an o them Hala oun pash o lengsto pani Habor an o them Gosan, oun an i forya, kay i Medarya djivan.


palle tradau me i Israelitaryen vin dran lengro them, hoy me len dom. Oun kava kheer, hoy mange vin rodom, te vap kote an-mangedo, kolestar kamau či bouder te djinell. Oun i menshe an i tsele vavar themma rakrenn oun sanenn pral leste.


Ko tsirestar, kay mare phoure djivan, bis ap kava dives anam mer boud doosh ap mende, oun dran maro djounglepen dal men, mare rayen oun rashayen an i vavar rayengre vasta, kay an i themma troul mende djivenn. O rhareha maran le men, an o stilepen vitsran le men, oun yon čoran men vin, oun anan ladj ap mende, yaake har ninna kava dives hi.


Tou kameh o čilačepen boudeder har o lačepen. Oun o rhorhepen kameh tou boudeder har o čačepen.


Me kamau te rakrap i goseve labentsa pral i phoure tsirya.


Kolla, kay o čilačepen krenn oun o Debles moukenn, venn vin tradedo dran o them, yaake te hatseh bouder kek lendar.


O Devel vell sharedo koleske, hoy yob khatedo rikrell. O baro ray vell sharedo koleske, hoy yob pre čakrell.


Te ačenn t'mer an kava them, palle moukau me t'men pale bares te vell, oun me phagau t'men gar khetne; me krau t'men zoreles, oun tradau t'men gar vin dran o them; man khaytell, kay hounte anom savi bibarht pral t'mende.


Koy vas i rhoyedo vast, oun tserdas les vin dran i phoub, oun vitsras les tele. Oun i tato dourho, hoy vas foun kotar, kay o kham pre djal, moukas leskre drake trouk te vell. Leskre zorele kashta van tele phagedo, te meran le tele oun van an i yag rhačedo.


Kanna hi ko drakengro rouk an i moulo tato them tardo, kay kek pani hi.


Yob čakrella pre oun sikrell, hoy khatedo hi, oun djinell, hoy an o tamlepen hi; pash leste hi kek tamlepen.


Tou, ray, hal an o čačepen. Oun mer hounte ladjas men, mer, kay vah dran o them Youda oun dran o foro Yerusalem, ninna dran o tselo them Israel. Mer kram čilačo koova ap toute. Doleske tradal men an vavar themma, kay dour hi oun kay gar yaake dour hi, te djivas bouder gar khetne.


O baro Devel krell, te venn kolla zorleder har t'mer, kay kourenn pen t'mentsa. Ap yek drom djan t'mer ap lende pre, oun ap hake rigya hounte nashenn t'menge lendar. Oun i menshenge an hake themma ap i phoub ačell o rakepen krik i trashatar, te dikenn le, har t'menge djala.


O baro Devel tradell t'men oun ko rayes, koles t'mer pral t'mende čivan, pash i menshende an i vavar them, kay t'mer an kek tsiro djivan, vitar gar t'mare phoure. Oun kote mangenn t'mer oun barrengre deblen an.


Oun yob tradell t'men mank i menshende an i tsele themma ap kay phoub, kolen kate, oun kol vavaren kote. Lengre deblen dran kasht oun bar mangenn t'mer kote an. Kol deblen prindjrenn t'mer gar oun prindjran vitar gar t'mare phoure.


Kanna penom t'menge kal tsele laba, te nay rodenn vin: Kamenn t'mer, te vell o Debleskri barht pral t'mende? Kamenn t'mer te vell leskro praasepen pral t'mende? Te vell koy bibarht pral t'mende, oun t'mer djivenn an i vavar themma, kay t'maro baro Devel t'men tradas, venn t'menge kal laba an o dji.


O baro Devel bistrell gar, hoy kolla kran, oun djinell, hoy kamell lo lentsa te krell.


O baro Devel tradell t'men mank i menshende an i tsele themma, yekes kate oun ko vavares kote. Gar boud menshe ačenn t'mendar djido mank kol menshende an i vavar themma, kay o baro Devel t'men tradas.


Oun maro baro Devel penas, te kras kova lauter, hoy yob mendar kamell, oun te rikras les glan mare yaka pash halauter, hoy krah, te djal menge mishto an maro tselo djipen, yaake har kova kava dives ninna hi.


Doleske ma bistrenn t'maro baro Debles! Yob hi kova, kay tout i zoor das, te nay lenn t'menge bravlepen khetne. Oun yaake rikrell yob kova, hoy lo t'mare phourentsa vin kras. Ninna kava dives rikrell lo pes ap kova.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ