5. Mose 29:23 - O Debleskro Lab 2024 (Sinte-Manouche)

²³ Palle penenn i menshe dran i tsele vavar themma: “Hoske kras o baro Devel kava kau themeha? Hoske vas lo yaake rhoyedo?”

O Debleskro Drom 2021 (Sinte)

²³ Palle penenn i menshe dran i tsele wawar themma: “Hoske kras o baro Dewel kawa kau themeha? Hoske was lo jaake chojedo?”

5. Mose 29:23 ပူးပေါင်းရင်းမြစ်များ

1. Mose 14:2

Kol panč foryengre raya his: o Bera, ko ray pral o foro Sodom, o Birsha, ko ray pral o foro Gomorra, o Shinab, ko ray pral o foro Adma, o Shemeber, ko ray pral o foro Seboyim, o ray pral o foro Bela. Kova hi kanna o foro Soar.

1. Rajengro liil 9:8

Oun kava kheer vell tele phagedo. Oun halauter, kay djan kote oun dikenn kova, lenge ačell o rakepen krik i trashatar, oun yon penenn: Hoske kras o baro Devel savo koova kava themeha oun kava khereha?

1. Rajengro liil 9:9

Palle vell lenge penlo: Yon moukan pengro baro Debles, koles kay lengre phouren dran o them Egiptia vin anas. Yon rikran pen ap o vavar debla. Glan lende djan le ap pengre čanga oun mangan len an. Doleske anas o baro Devel kay tseli bibarht pral lende.

2. Rajengro liil 22:13

“Djan koy oun poučenn o baro Debles mange oun i menshenge an o them Youda, pral kol laba an ko liil, hoy hatslo vas. Mare phoure shounan gar ap kol laba, hoy kote tardo hi, oun djivan gar yaake, har kote tele činlo hi. Doleske hi o baro Debleskri rholi bares ap mende čiddo.”

Hiob 18:15

An leskro kheer djivenn palle kolla, kay gar lestar venn. Oun ap leskro kheer venn yagakre barra vitsedo.

Debleskri gili 107:34

Yaake vas i phoub, kay boud djob oun zenlepen baro vas, i moulo londo them. Kova kras lo dran o čilačepen kol menshendar, kay kote djivenn.

Jesaja 1:7

T'maro them hi i moulo them, t'mare forya van tele rhačedo. Glan t'mare yaka rhan i vi-themarya kova, hoy ap t'mari phoub bares vas. Lauter hi moulo oun paash, har te perans i divye koy pral.

Jesaja 13:19

O Babilon his i shoukester foro mank i rayengre themma. Koleha sharenn pen i Kaldearya. O Devel krell kava foro paash, yaake har lo i forya Sodom oun Gomorra paash kras.

Jesaja 34:9

Oun kol panya, hoy nashenn an o them Edom, venn har pesso kalo djet, oun leskri phoub rhačrell oun vell djelti yagakri čik. Ko tselo them vell pesso kalo djet,

Jesaja 64:11

Baro Devel, kameh tout pash kava lauter kanna gomme pale rikrell? Kameh tou či penell, oun mari ladj gomme doureder oun bareder te krell?

Jeremia 17:6

Yob hi har i soubyengri bour an o divyo trouk them, oun dikell kek lačepen an ko tsiro vella. Yob ačell an o moulo tato them, kay kek pani hi, oun či vavar bares vell, oun kek mensho djivell.

Jeremia 20:16

Ko dives te vell har kol forya, kay o baro Devel paash kras, oun kolla les gar khaytan. Taysarlake mou shounell lo ropen oun mashkral o diveske o kourepaskri gole.

Jeremia 49:18

Yaake har djas i foryenge Sodom oun Gomorra oun kol foryenge troul lende, yaake djal ninna o themeske Edom: Ko them vell yaake paash dino, kay nay djivell bouder kek mensho koy. Oun kek mensho krell pes kote i kheer. Kova penell o baro Devel.

Jeremia 9:11

Me poučom: Baro Devel, hoske rhačell ko them oun vell moulo, yaake kay nay djal kek bouder koy trouyel? Koon hi gosevo oun hayvell kova? Ap koneste penal tou kova, yaake te penell yob kova i vavarenge?

Ezekiel 47:11

Kokres kote, kay o pani tardo hi, oun gar nashell, ačell o pani londo, oun lestar lenn le loon.

3. Mose 26:32

Me krau te vell t'maro them i moulo them. Oun kolla, kay kouran pen t'mentsa, oun venn, te djivenn le koy, lenge ačell o rakepen krik, te dikenn le kova.

Amos 4:11

His save forya pash t'mende, kay krom yaake paash, har krom i forya Sodom oun Gomorra paash. Oun t'mer hans har i kotar kasht, hoy vas vin tserdedo dran i yag. Ninna palle van t'mer gar pale pash mande, penell o baro Devel.

Zefanja 2:9

Me, o baro Devel, kay hom o ray pral o bolepen oun i phoub oun o Israeleskro Devel, me dau man sovel pash miro djipen: Ko dives vella, kay djal kol themenge Moab oun Ammon har i foryenge Sodom oun Gomorra. Hako tsireske venn kal themma i moulo them, kay loneskre groube hi, oun divyo zenlepen bares vella. Kolla, kay mire menshendar djido ačan, yon randenn len vin, oun lenn penge ninna lengro them.

Louka 17:29

Ap ko dives, kay o Lot dran o foro Sodom djas, vas yag dran o bolepen, oun lauter van rhačedo.

Remarja 9:29

Kova hi yaake har o Debleskro rakepaskro, o Yesaya, penas: Te moukals o Devel, ko ray pral o bolepen oun i phoub, gar čave mendar te ačenna pral, palle merans mare tsele menshe yaake har i menshe an i forya Sodom oun Gomorra.

Judas 1:7

Yaake lan ninna kol menshe i phagi, kay djivan an i forya Sodom oun Gomorra oun an kol forya troul lende. Yon kran vi-ladjedo koova har kol bolepangre oun djan vavar mass palla. I phagi, hoy pral kol menshende vas, sikrell mende, hoy kolenge djal, kay savo koova krenna. Yon djan an i yag, hoy hako tsiro rhačella.

Debleskro tsiro 19:20

Oun ko firho vas tapedo, ninna leskro rhorheno rakepaskro. Ko rakepaskro kras boud baro koova, oun anas kolen ap o bengeskro drom, kay o firheskro lab ap pende lan, oun ko firhes an-mangan, hoy i menshendar kerdo vas. Oun djides van kol douy an i bari yag vitsedo, hoy zoreles rhačella oun khandella.

Čačepangre 9:45

Oun o tselo dives kouras pes o Abimelek i morshentsa dran o foro, oun las o foro dren. Oun i menshen, kay an o foro hi, das lo temerl. Oun i khera kras lo paash, oun vitsras loon ap lende.