5. Mose 29:22 - O Debleskro Lab 2024 (Sinte-Manouche)

²² Yon dikenn: O them hi rhačedo, i phoub pherdo loon oun shvefla. Lauter dikell vin har i forya Sodom oun Gomorra, Adma oun Seboyim, har o baro Debleskri bari rholi ap lende vas oun yon rhačedo van. Kek nay vitsrell djob an i phoub. Či vell bares. Kek zenlepen djal pre.

O Debleskro Drom 2021 (Sinte)

²² Jon dikenn: O them hi chatchedo, i phub pherdo loon un shwefla. Lauter dikell win har i forja Sodom un Gomorra, Adma un Zebojim, har o baro Debleskri bari choli ap lende was un jon chatchedo wan. Kek nai witsrell djob an i phub. Tchi well bares. Kek senlepen djal pre.

5. Mose 29:22 ပူးပေါင်းရင်းမြစ်များ

1. Mose 19:24

Koy moukas o baro Devel yag oun yagakri khand pral i forya Sodom oun Gomorra te perell dran o bolepen.

Jeremia 19:8

Me kamau savi bari bibarht pral kava foro te anell, kay hakeneske, kay dikell kova, o rakepen krik ačella oun yob pral leste sala.

Jeremia 20:16

Ko dives te vell har kol forya, kay o baro Devel paash kras, oun kolla les gar khaytan. Taysarlake mou shounell lo ropen oun mashkral o diveske o kourepaskri gole.

Jeremia 49:17

Me kamau o them Edom yaake paash te krell, kay hakeneske, kay dikell kova, o rakepen krik ačella, oun yob pral kova sala, har kava themeske djas.

Jeremia 49:18

Yaake har djas i foryenge Sodom oun Gomorra oun kol foryenge troul lende, yaake djal ninna o themeske Edom: Ko them vell yaake paash dino, kay nay djivell bouder kek mensho koy. Oun kek mensho krell pes kote i kheer. Kova penell o baro Devel.

Jeremia 50:13

Miri rholi vell yaake pral o foro Babilon, te djivell nay kote kek mensho bouder. Či har barra ačell lestar pral. Hakeneske, kay dikell kova, ačell o rakepen krik. Yob trissell peskro shero pral i tseli bibarht hoy kava foro tapras.

Hosea 11:8

Har nay moukaus me toutar, Efrayim, har nay daus tout an o vast kolendar, kay marenn tout, Israel? Kraus me touha, har krom kol foryentsa Adma oun Seboyim? Na-a, kova phagals miro dji! Tou khayteh man yaake!

Zefanja 2:9

Me, o baro Devel, kay hom o ray pral o bolepen oun i phoub oun o Israeleskro Devel, me dau man sovel pash miro djipen: Ko dives vella, kay djal kol themenge Moab oun Ammon har i foryenge Sodom oun Gomorra. Hako tsireske venn kal themma i moulo them, kay loneskre groube hi, oun divyo zenlepen bares vella. Kolla, kay mire menshendar djido ačan, yon randenn len vin, oun lenn penge ninna lengro them.

Hebrearja 6:8

Yob dikell gar lačes ap koleste, te hi lo har koy vavar phoub, hoy anell soubyengre bourra, oun vavar djoungele bourra vin. Koy phoub hi či moldo, oun pal i tsiro vell li rhačedo.