5. Mose 29:17 - O Debleskro Lab 2024 (Sinte-Manouche)

¹⁷ Doleske denn t'men yak, te vell kava dives mank t'mende kek morsh oun kek djouvel, vitar kek dadeskro kheer oun kek bari familya, kay rissrenn pen tele maro baro Deblestar, te mangenn le i deblen kol vavar menshendar an. Dran savo koova vals bibarht oun merepen menge halauterenge.

O Debleskro Drom 2021 (Sinte)

¹⁷ Doleske denn tumen jak, te well kau diwes mank tumende kek mursh un kek djuwel, witar kek dadeskro kheer un kek bari familja, kai rissrenn pen tele maro baro Deblestar, te mangenn le i deblen kol wawar menshendar an. Dran sawo koowa wals bibacht un merepen menge halauterenge.

5. Mose 29:17 ပူးပေါင်းရင်းမြစ်များ

2. Mose 20:23

Doleske krenn t'menge kek vavar debles, kek dran roup, vitar kek dran sonakay.

3. Mose 18:3

Ma djivenn yaake har i Egiptarya, an kolengro them djivan, vitar gar har kolla an o them Kanaan, kote kay t'men anau. Ma djivenn pal lengro koova.

5. Mose 11:16

Denn t'men yak, te moukenn t'men gar krik te anell o baro Debleskro dromestar, oun perenn lestar tele oun mangenn vavar deblen an, oun vitsrenn t'men glan lende tele.

5. Mose 28:36

O baro Devel tradell t'men oun ko rayes, koles t'mer pral t'mende čivan, pash i menshende an i vavar them, kay t'mer an kek tsiro djivan, vitar gar t'mare phoure. Oun kote mangenn t'mer oun barrengre deblen an.

5. Mose 29:16

Kote dikan t'mer kolengre djoungele deblen, hoy pash lende hi, figure dran kasht oun bar, dran roup oun sonakay.

5. Mose 4:28

Oun kote mangenn t'mer kol deblen dran kasht oun bar an, hoy menshengre vastentsa kerdo van. Oun kol debla nay dikenn oun shounenn, nay rhan oun soungenn gar.