5. Mose 29:1 - O Debleskro Lab 2024 (Sinte-Manouche)

¹ Oun o Mose moukas i tsele Israelitaryen gole te dell, oun penas ap lende: T'mer dikan halauter, hoy o baro Devel glan t'mare yaka kras an o them Egiptia, ap o Faraeste oun ap leskre bare morshende, oun ap o tselo them:

O Debleskro Drom 2021 (Sinte)

¹ Un o Mose mukas i tsele Israelitarjen gole te dell, un penas ap lende: Tumer dikan halauter, hoi o baro Dewel glan tumare jaka kras an o them Egiptia, ap o Faraeste un ap leskre bare murshende, un ap o tselo them:

5. Mose 29:1 ပူးပေါင်းရင်းမြစ်များ

2. Rajengro liil 23:3

Oun o baro ray his ap ko pralstouno kotar tardo glan o Debleskro kheer oun das o baro Debleste peskro lab, te djan le ap o Debleskro drom, oun rikrenn leskre laba, oun djivenn yaake, har yob len sikras oun pal leskro čačepen. Pengro tselo djiyeha oun pengri tseli zoryah kaman le pal kal laba te djivenn, hoy o Devel len das, oun hoy an kava liil činlo hi. Oun i tsele menshe pandan pen an pengro lab, te rikrenn le kova, hoy an o liil činlo hi.

Debleskri gili 105:27

Oun yon kran baro koova an o Debleskri zoor mank i Egiptarya, savo koova, hoy kek vavar nay kras an o them o Hameskre čavendar.

Jeremia 11:2

Rake kol menshentsa dran Youda oun kol menshentsa dran Yerusalem, oun pen lenge: Rikrenn, hoy t'mentsa vin krom!

Jeremia 11:6

Oun o baro Devel penas ap mande: Dja an kol forya an o them Youda, oun ap kol dromma an o foro Yerusalem, oun pen: Shounenn kol laba, hoy me t'mentsa vi-krom, oun krenn kova ninna!

Jeremia 31:32

Kova hi gar har kova, hoy lengre phourentsa vin krom, har lom len pash o vast oun lom len dran o them Egiptia. Kol laba, hoy lende dom, te rikrenn le pen ap lende, phagan le, ninna te hom me lenge i lačo ray.

Jeremia 34:18

Kol pralstoune pral o them Youda oun pral Yerusalem oun pral o rayeskro kheer, ninna i rashaya oun kol tsele vavar, yon his koy pashel, har o terno gouroum an douy kotya činlo vas. Oun yon djan mashkral kol douy kotya vergel, te sikrenn le, te kamenn le kova te rikrell, hoy lentsa vin krom. Oun yon rikran pen gar ap kova, oun rikran kol laba gar dren, hoy yon pen glan mande sovel dan. Doleske kamau ap lende yaake te krell, har ap ko terno gouroum kerdo vas.

3. Mose 26:46

Kava hi kol laba, hoy o Mose i Israelenge yaake doureder penas, har o baro Devel leske penas ap i berga Sinay, te djinenn le, hoy o baro Devel lendar kamell, oun djivenn pal leskro čačepen, oun djan ap leskro drom.

3. Mose 27:34

Kava hi kol laba, hoy penas o baro Devel o Moseske, har his lo ap i berga Sinay, te rikrenn pen i Israelitarya ap lende.

Bičepangre 3:25

Kova, hoy kol Debleskre rakepangre i menshenge penan, hi t'menge. T'mer han i čave kolendar. Oun ko lab, hoy o Devel t'mare phourenge penas, oun peskro vast pre das, hi ninna t'menge. Yob penas ap o Abrahameste: Koy barht, hoy dau tire menshende, djal doureder ap i tsele menshende, kay ap i phoub hi.

5. Mose 1:1

Kalla hi i laba, hoy o Mose ap i tsele Israelitarya penas, har his le an o moulo tato them ap i vavar rig o panyestar Yordan, an ko telstouno kotar them pash Souf mashkral o foro Paran ap yek rig oun kol forya Tofel, Laban, Hazerot oun Di-Sahab ap i vavar rig.

5. Mose 28:68

Oun o baro Devel anell t'men ap i shiffe pale an o them Egiptia, ap ko drom, kolestar me penom: “Kote hounte djan t'mer gar pale!” Oun kote kamenn t'mer kolenge te boudrell, kay dikenn čilačes ap t'mentsa. Lenge kamenn t'men te bikrell, te venn lengre boudepangre. Oun kek kamell t'men te ginell.

5. Mose 29:2

Koy phari bibarht, hoy anas lo ap lende, hoy sikras, te hi yob o Devel, dikan t'mer t'mare yakentsa, savo baro oun zorelo koova, hoy kek vavar nay krell.

5. Mose 29:21

Oun t'maro them vell pherdi bibarht oun pherdo nasslepen, hoy o baro Devel ap leste čivell. Oun an ko tsiro, hoy vella, dikenn kova t'mare čave oun kolla, kay lendar venna, ninna kol vi-themarya, kay dran dour themma venna.

5. Mose 29:25

Oun yon mangan vavar deblen an, oun vitsran pen glan lende tele, save deblen, kolen yon gar prindjran oun kolendar yob lenge gar penas, te mangenn le len an.

5. Mose 4:10

hoy djas ap ko dives, har t'mer glan t'maro baro Debleste tardo hans pash i berga Horeb. Kote penas yob ap mande: “An i tsele menshen khetne, te shounenn le, hoy lenge penau, te krenn le hako dives, hoy lendar kamau, yaake rah har djivenn le, oun te penenn le kova ninna pengre čavenge.”

5. Mose 4:13

Oun yob kras t'mentsa vin, te hi lo t'maro Devel, oun t'mer han leskre menshe. Oun yob das t'men kol deesh laba, hoy činas lo an douy barra, oun penas t'menge, te hounte rikrenn t'men ap kova, hoy t'mer leha vin kran oun hounte djivenn pal kol deesh laba.

5. Mose 4:23

Kanna denn t'men yak, te bistrenn gar, hoy t'maro baro Devel t'mentsa vin kras! Ma krenn t'menge i figura čomonestar, hoy mangenn an, har te vals i devel. T'maro baro Devel penas t'menge zoreles, te krenn kova gar.

Hebrearja 8:9

Kava nevo drom hi gar yaake, har ko phouro drom, hoy sikrom lende ap ko dives, kay taprom lengre phouren ap i vasta, te anap len dran o them Egiptia vin. Har ačan le gar ap miro drom, moukom len.

1. Samuel 12:24

T'mer hounte darenn o baro Debles oun mangenn les kokres an t'maro tselo djiyeha! Ma bistrenn, havo baro koova yob t'menge kras.