5. Mose 28:8 - O Debleskro Lab 2024 (Sinte-Manouche)

⁸ T'maro baro Devel bičrell t'menge peskri barht ap t'maro djob, te vell t'men boud kolestar an t'mare djobengre khera, oun ap halauter, hoy t'mer krenna. Oun yob dell t'men peskri barht an ko them, hoy lo t'mende dell.

O Debleskro Drom 2021 (Sinte)

⁸ Tumaro baro Dewel bitchrell tumenge peskri bacht ap tumaro djob, te well tumen bud kolestar an tumare djobengre khera, un ap halauter, hoi tumer krenna. Un job dell tumen peskri bacht an ko them, hoi lo tumende dell.

5. Mose 28:8 ပူးပေါင်းရင်းမြစ်များ

2. Rajengro liil 6:27

Yob penas: “Vell o baro Devel gar ap tiri rig, har nay vau me ap tiri rig? Djob oun mool hi bouder gar koy.

Debleskri gili 1:3

Kova hi har i rouk, hoy tardo hi pash o pani. Ap o čačo tsiro venn leskre roukengre baro. Oun leskre patria ačenn zenelo. Lauter, hoy yob krella, djala mishto.

Debleskri gili 128:2

Tou rhah kolestar, hoy tire vasta boudran. Mishto touke! Touke djal lačo.

Debleskri gili 133:3

Kava hi yaake har o taysarlakro pani, hoy i berga Hermon tele nashella ap i berge Sion! Kote kamell o baro Devel peskri barht te dell, oun o djipen, hoy hako tsiro ačella.

Debleskri gili 144:13

Mouk mare djobengre khera pherdo te vell, te vell men boud lačo rhapen te rhal. Mouk mare bakren zerya terne te lell, ava, deesh-zerya an mare gaba.

Debleskri gili 42:8

Tire panya perenn bari zoryah oun golyah tele. Yek baro pani pal o vavar djal pral mande vergel.

Debleskri gili 44:4

Yon lan o them gar dren pengre rharentsa, vitar gar pengri zoryah. Na-a! Kova kras tiri čači moussi oun tiri zoor. Tou hals pash lende oun dikal kamles ap lende.

3. Mose 25:21

Palle penau me: Me čivau miri barht ap t'mari phoub an o shobto bersh, te anell i phoub yaake boud djob vin, te rikrell kova triin bersha.

3. Mose 26:10

T'mer anenn yaake boud djob dren, te hi t'men gomme phouro djob te rhal, te vell o nevo djob dren anlo. Oun t'mer hounte vitsrenn ko phouro djob krik, te vell platsa, kay čivenn o nevo djob koy.

Haggai 2:19

An t'mare djobengre khera ačell doha djob. I drakengre rouka hidjrenn pale drake, i faygetikre rouka hidjrenn fayge, i granatikre phabyengre rouka hidjrenn phabya, oun i djeteskre rouka hidjrenn djeteskre drake. Kava divesseha čivau miri barht oun miri zoor ap t'maro them.

Mateo 13:30

Moukenn kova lauter khetne baro te vell, bis te anah mer o djob an o djobeskro kheer! Oun ap ko tsiro penau me ap kolende, kay ko djob činenna: Anenn o djoungelo zenlepen khetne, oun pandenn les khetne, te rhačrenn les! Oun palle anenn o djob khetne, oun anenn les an o djobeskro kheer!

Mateo 6:26

Dikenn ap i čirkle! Yon vitsrenn kek djob an i phoub, te vell lo baro. Vitar gar anenn le o baro djob dren, te čivenn le les an o djobeskro kheer. T'maro dad an o bolepen dell len te rhal. T'mer han boudeder moldo har yon.

Louka 12:18

Oun yob penas: Kanna djinau, hoy krap. Me phagau mire khera tele, kay miro djob dren hi, oun krau len bareder. Kote dren čivau miro tselo djob oun o vavar lačo koova, hoy anom khetne.

5. Mose 14:29

Palle nay venn i Levitarya, kolen kek phoub hi, kay an tiro foro djivenn, ninna i vi-themarya, i čave, kolen kek dad bouder hi, oun i djouvya, kolengro rom meras, oun yon te rhan oun venn čales. Te krenn t'mer yaake, čivell t'maro baro Devel peskri barht ap halauter, hoy krenna.

5. Mose 15:10

De leste o djiyestar! Ma ab bokelo! Palle dell tout tiro baro Devel barht an halauter, hoy kreh oun tiro vast an taprell.

5. Mose 15:4

Te shounenn t'mer ap t'maro baro Debleste oun djivenn pal kol tsele laba, hoy me t'menge kava dives penau, palle vell kek čorvelo mank t'mende. T'maro baro Devel čivell peskri barht ap t'mende an ko them, hoy yob t'men dell.

5. Mose 28:20

Te moukenn t'mer o baro Debles oun djan ap t'maro čilačo drom, bičrell lo mank t'mende bibarht oun daar an halauter, hoy t'mer krenna, yaake te djinenn bouder gar, hoy te krenn. Yaake merenn t'mer oun djan sik tele.

5. Mose 28:7

O baro Devel dell kolen, kay hadenn pen pral t'mende, te kourenn le pen t'mentsa. Ap yek drom venn le, te djan le ap t'mende, oun ap hake rigya hounte nashenn le penge t'mendar.