5. Mose 28:58 - O Debleskro Lab 2024 (Sinte-Manouche)

⁵⁸ Oun o Mose penas doureder: Doleske denn yak, te djan ap o drom t'maro baro Deblestar! Oun rikrenn leskre tsele laba, hoy an kava liil dren činlo hi! Oun dikenn ap leste pre, ap t'maro rayeste, kay yaake baro koova krell, kay darenn i menshe lestar.

O Debleskro Drom 2021 (Sinte)

⁵⁸ Un o Mose penas dureder: Doleske denn jak, te djan ap o drom tumaro baro Deblestar! Un rikrenn leskre tsele laba, hoi an kau liil dren tchinlo hi! Un dikenn ap leste pre, ap tumaro rajeste, kai jaake baro koowa krell, kai darenn i menshe lestar.

5. Mose 28:58 ပူးပေါင်းရင်းမြစ်များ

Nehemia 9:5

Oun i Levitarya, o Yeshoua, oun o Kadmiel, oun o Bani, oun o Hashabneya, oun o Sherebya, oun o Hodiya, oun o Shebanya, oun o Petaya penan: Stenn pre! Sharenn o baro Debles! Yob hi t'maro Devel. Sharenn les kanna oun hako tsireske! Baro Devel, hakeno te sharell tiro raylo lab! Kek vavar lab hi yaake baro oun raylo har tiro lab.

Debleskri gili 111:9

O baro Devel las peskre menshen vin dran i čilače vasta, oun kras lentsa vin, te venn le leskre menshe hako tsiro. Yob kokres hi lengro Devel. Baro hi lo!

Debleskri gili 48:10

Maro Devel, kate an tiro kheer moukah menge tiro lačepen an o shero trouyel te djal.

Debleskri gili 50:7

“Mire menshe, shounenn! Me kamau rakrell. Israel, shoun, har me, tiro Devel penau touke, kay kova, hoy kral, gar mishto hi.

Debleskri gili 61:5

Mouk man an tiro kheer te djivell hako tsiro, tel tire moussya man te khatrell, har i tikno čirklo khatrell pes tel peskri dakre moussya.

Debleskri gili 72:19

Sharas leskro baro raylo lab hako tsiro! Leskro raylepen mou vell diklo an i tsele themma! Amen, yaake te vell kova!

Debleskri gili 83:18

An ladj oun traash ap lende hako tsireske, te merenn le an i ladj.

Debleskri gili 99:3

Mou hadenn le lauter tiro baro oun raylo lab! Tou kokres hal o čačo Devel.

2. Mose 15:26

Oun yob penas: “Te shouneh tou ap mande, tiro baro Debleste, oun kreh, hoy me penau, lauter, hoy an mire yaka čačo hi, oun rikreh tout ap mire laba oun kreh, hoy me toutar kamau, palle čivau me kek nasslepen ap toute, hoy čivom ap i Egiptarya. Me hom o baro Devel, kay tout sasto krell.”

2. Mose 20:2

Me, o baro Devel, hom tiro Devel, koon tout vin las dran o them Egiptia, kay tou i pandlo boudepaskro hals.

Jesaja 41:10

Ma dare! Me hom touha! Ma dik darenes! Me hom tiro Devel! Me krau tout zoreles, me vau ap tiri rig, ava, me rikrau tout miri čači moussyah, hoy krell tout zorleder har i vavar.

Jesaja 42:8

Me hom o baro Devel, kova hi miro lab. Oun ko raylepen, hoy mange hi, dau me kek vavares, vitar gar dau i rhorhene deblen ko sharepen, hoy mange hi.

Jeremia 5:12

Yon penan rhorhepen pral o baro Debleste, oun penan: Kova krell yob gar! Yaake djoungelo djal menge gar! Kourepen oun bok vell gar pash mende.

Jeremia 5:22

Hi t'men kek traash mandar, poučell o baro Devel. Trissenn t'mer gar glan mande? Me krom, te ačell o baro pani ap yek platsa, oun čivom santa koy glan. Koy hounte ačell o pani hako tsiro, oun doureder nay nashell lo gar. Ninna te vell ko pani yaake divyo, oun djal pral oun tele, nay djal lo gar doureder.

Maleachi 1:14

Praasedo te vell hakeno, kay pes sovel das, te dell lo man i lačo morsh firho. Oun palle rhorhell lo man oun anell mange i nasselo firhes. Me hom o pralstouno ray, oun i menshe dran vavar themma sharenn man, penell o baro Devel, ko ray pral o bolepen oun i phoub.

Mateo 10:28

Ma trashenn kol menshendar, kay nay marenn t'men! Yon nay marenn gar o djipen an t'mende, hoy ninna pal o merepen djivella. Trashenn o Deblestar, kay nay čivell t'men pal o merepen an o bengeskri yag, kay han hako tsiro nashedo!

5. Mose 28:15

Shounenn t'mer gar ap t'maro baro Debleste oun krenn gar, hoy lo t'mendar kamell, oun rikrenn t'men gar ap leskre laba, hoy me t'menge kava dives penom, palle vell kay tseli bibarht pral t'mende:

5. Mose 28:59

Te shounenn t'mer gar ap leste, dell o baro Devel t'men oun t'mare čaven, oun bičrell t'menge boud doukepen oun pharo nasslepen, ko yek gomme djoungleder har ko vavar. Oun kova ačell i rah tsiro ap t'mende.

5. Mose 6:13

Tou mangess o baro Debles an, oun rikress les glan tire yaka pash halauter, hoy kreh. Te deh tout sovel, dess tiri sovel pash leskro lab.