5. Mose 28:51 - O Debleskro Lab 2024 (Sinte-Manouche)

⁵¹ Oun yon rhan t'mare firhen. Oun halauter, hoy ap t'mari phoub bares vas, rhan le pre. T'menge moukenn le či pral, kek djob, kek mool, kek djet oun vitar kek terne t'mare groumyendar, bakrendar oun bouzyendar. Yaake hounte merenn t'mer i bokatar, bis te kek t'mendar bouder koy hi.

O Debleskro Drom 2021 (Sinte)

⁵¹ Un jon chan tumare viechen. Un halauter, hoi ap tumari phub bares was, chan le pre. Tumenge mukenn le tchi pral, kek djob, kek mool, kek djet un witar kek terne tumare grumjendar, bakrendar un busjendar. Jaake hunte merenn tumer i bokatar, bis te kek tumendar buder koi hi.

5. Mose 28:51 ပူးပေါင်းရင်းမြစ်များ

2. Rajengro liil 25:10

Oun kol tsele lourde dran o them Babilonia, kay leha van, phagan i massurya troul o foro Yerusalem tele.

Jesaja 1:7

T'maro them hi i moulo them, t'mare forya van tele rhačedo. Glan t'mare yaka rhan i vi-themarya kova, hoy ap t'mari phoub bares vas. Lauter hi moulo oun paash, har te perans i divye koy pral.

Jesaja 62:8

O baro Devel das pes sovel oun das peskro čačo vast pre, oun hadas peskri zoreli moussi, oun penas, te dell kek tsiro bouder, kay moukell lo kolen tiro djob te rhal, kay kourenn pen touha, oun vitar gar i menshen dran vavar themma tiri mool te piyell, kolake tou yaake phares boudral.

Jeremia 15:13

[O baro Devel penas:] Youda, me kamau te vell tiro tselo bravlepen touke čoredo, yaake playsreh tou ko čilačepaske, hoy kral an tiro tselo them.

Ropaskre gilja 4:9

Kolenge, kay o rhareha maredo van, djas feteder har kolenge, kay meran i bokatar. Har kek djob bouder bares vas, phagan le khetne i bokatar, bis te meran le.

Ezekiel 12:19

Oun pen ap i Israelitarya, kay hi pash toute an kava them: Kava penell o baro Devel, maro ray, pral kolende, kay djivenn an o foro Yerusalem an o them Israel: Boud čilačo koova krenn le: Yek rikrell o vavares tele. Doleske vell ko dives, kay rhan le pengro maro daryah, oun piyenn pengro pani trisslepah i trashatar. Lengro them vell i mouklo them, kay či ačell.

Ezekiel 25:4

Doleske dau t'maro them an i vasta kolendar, kay kotar venn, kay o kham pre djal, te čivenn le pengre plarhtene khera pash t'mende pre, oun djivenn an t'maro them. Yon rhan ko djob, hoy ap t'mari phoub bares vas, oun piyenn i thoud t'mare firhendar.

3. Mose 26:26

T'men vell bouder gar doha djob, te pekenn maro. Deesh djouvya nay pekenn pengro maro an yek bob. O maro vell ap i vaga čiddo, oun hakeno lell i kotar. Oun t'mer rhan oun venn gar čalo.

5. Mose 28:33

Lauter, hoy ap tiri harhetikri phoub baro vas, koleske tou phares boudral, rhan save menshe, kay venn dran i dour them. Oun tou veh zoryah tele rikedo, oun hounte boudress tel douka tiro tselo djipen.

5. Mose 28:50

Len hi kek dji t'menge. Ninna i phoure oun i čave khaytenn len gar.

5. Mose 28:52

Oun yon čivenn pen troul t'mare forya, oun moukenn kekes dren oun kekes vin, bis te kol bare oun zorele foryengre massurya tele phagedo hi, kolendar t'mer patsan, te vell kek vergel. Kova krenn le t'mare tsele foryentsa an t'maro tselo them, hoy t'maro baro Devel t'men das.