5. Mose 28:50 - O Debleskro Lab 2024 (Sinte-Manouche)

⁵⁰ Len hi kek dji t'menge. Ninna i phoure oun i čave khaytenn len gar.

O Debleskro Drom 2021 (Sinte)

⁵⁰ Len hi kek dji tumenge. Ninna i phure un i tchawe khaitenn len gar.

5. Mose 28:50 ပူးပေါင်းရင်းမြစ်များ

2. Familjakro liil 36:17

Oun o baro Devel moukas o baro rayes Neboukadnezar dran o them Babilonia pral lende te vell. Leskre lourde maran i terne morshen o rhareha, ninna an o Debleskro kheer. O baro rayes dran Babilonia khaytas kek, gar i terne morsha, vitar gar i terne ča, gar i phoure, ninna te his le nasselo. Halauteren das o baro Devel an leskro vast.

Gosewe laba 7:13

Oun yoy taprell ko terno morshes, čoumrell les, dikell leske an i yaka oun penell ap leste:

Sikepaskro 8:1

Kay hi ko mensho, kay hi čačepah gosevo? Kay hi kova, kay hayvell te penell, hoske čomone yaake hi har kova hi? Dik i menshes an i yaka, palle nay peneh, hi lo gosevo oder gar. Te hi lo gosevo, palle dikell lo lačes ap i vavareste. Leskro gosvepen lell leskri rholi krik.

Jesaja 33:19

Kol pre-phourde menshen dikeh tou gar bouder, kolengro rakepen gar hayval, kol laba, kolendar gar djinal, hoy kamenn le te penell.

Jesaja 47:6

Me homs rhoyedo pral mire menshende, oun čivom len pale mandar, har te vans le bouder gar mire, oun dom len an tiro vast. Oun tout his kek dji lenge. Ninna ap i phourende čival tou tiro pharo vast oun dal len phari boudi.

Jeremia 21:7

Oun koy pal dau me o Sedekya, ko baro rayes pral Youda, an kol vasta o baro rayestar pral Babilonia, o Neboukadnezar, ninna leskre pralstunen oun kol menshen kate an kava foro, kolla, kay gar meran ap o nasslepen, an o kourepen oun i bokatar. Kova penau me, o baro Devel. Me dau t'men an i vasta kolendar, kay kamenn t'men te marell. O Neboukadnezar moukell t'men lauteren o rhareha moulo te dell, oun les khaytell kova gar, oun yob krell peskro dji t'menge pandlo.

Daniel 7:7

Oun pal kova dikom an kava dikepen koy rati i starto firhes, hoy čilačeder oun divyeder his har kol vavar. Les his boud zoor oun sasterne danda, rhas troul peste oun dandras lauter paash. Oun kova, hoy pral ačas, stakras lo peskre pirentsa tel peste khetne. Oun yob his vavarčandes har kol vavar firhe, hoy glan leste his. Oun les his deesh shinga.

Daniel 8:23

Ap ko tsiro, kay lengro rayengro tsiro tele naashedo hi, hadenn pen boud menshe pral o Debleste oun krenn baro čilačo koova. Palle stell i baro ray pre, koles hi i čilačo mouy, oun hi i baro rhorheno.

Louka 19:44

Oun yon marenn t'mare menshen, oun denn t'mare čaven an ko foro moulo. Mo Devel kamas t'men peskro lačepen te sikrell. Oun t'mer kaman gar te krenn t'maro dji leske pre. Doleske ačell kek bar ap ko vavar an kava foro.”

5. Mose 28:51

Oun yon rhan t'mare firhen. Oun halauter, hoy ap t'mari phoub bares vas, rhan le pre. T'menge moukenn le či pral, kek djob, kek mool, kek djet oun vitar kek terne t'mare groumyendar, bakrendar oun bouzyendar. Yaake hounte merenn t'mer i bokatar, bis te kek t'mendar bouder koy hi.