5. Mose 28:49 - O Debleskro Lab 2024 (Sinte-Manouche)

⁴⁹ Menshen dran i dour them, foun i vavar rig i phoubyatar, anell lo pral t'mende. Sik har i baro čirklo venn le pral t'mende. Lengro rakepen hayvenn t'mer gar.

O Debleskro Drom 2021 (Sinte)

⁴⁹ Menshen dran i dur them, fun i wawar rig i phubjatar, anell lo pral tumende. Sik har i baro tchirklo wenn le pral tumende. Lengro rakepen haiwenn tumer gar.

5. Mose 28:49 ပူးပေါင်းရင်းမြစ်များ

1. Mose 11:7

Avenn, djas tele pash lende oun das hakenes i vavar rakepen, yaake, kay yek i vavares bouder gar hayvella.”

Debleskri gili 81:5

Ap kava lab hounte rikrenn pen i Israelitarya. Kava hi i čačepaskro lab, hoy o Yakobeskro Devel lende das.

Gosewe laba 30:19

O drom o baro čirklestar, har hadell lo pes an o bolepen; o drom o sapestar ap i bare barra; o drom foun i shiffo ap o baro pani; oun o drom o morshestar pash i terni djouvyate.

Jesaja 33:19

Kol pre-phourde menshen dikeh tou gar bouder, kolengro rakepen gar hayval, kol laba, kolendar gar djinal, hoy kamenn le te penell.

Jesaja 39:3

Kote vas o Debleskro rakepaskro Yesaya pash o rayeste Hiskiya oun poučas lestar: “Hoy penan kal morsha? Oun havo themestar van le pash toute?” O Hiskiya penas: “Yon van dran i dour them kate pash mande, dran o them Babilonia.”

Jesaja 7:18

An ko tsiro phourdell o baro Devel an i tikni phourdepaskri: Oun lourde venna dran o them Egiptia har matsille, oun dran o them Assour har bine.

Jeremia 4:13

Dik, har volke vell ko marepaskro. Leskre kourepangre vourdya hi sik har i phourdepen, oun leskre graya hi sikeder har i adlari. Havi bibarht! Mer ham nashedo!

Jeremia 48:40

Kava penell o baro Devel: Dikenn, kova, kay marell o Moab, vell sik har i adlari, oun krell peskre moussya bourhles pral o them.

Jeremia 49:22

Dik, yob vella pral o them har i adlari, oun čivell peskre moussya pral o foro Bozra. An ko tsiro hi i djia kol čače morshendar an o them Edom yaake dareno, har ko dji i djouvyatar, kay anell i ternepen ap i phoub.

Ropaskre gilja 4:19

Kolla, kay men palla lan, his sikeder har i adlarya tel o bolepen. Ap o pralstouno them lan le men palla, oun an o moulo them louran le menge pre.

Ezekiel 11:9

Me tradau t'men dran ko foro vin, oun dau t'men an o vast i menshendar dran i vavar them, oun moukau len te denn le t'menge t'mari phagi.

Ezekiel 17:12

Pen kol menshenge, kay moukenn pen či te penell: Hayvenn t'mer gar, hoy kova kamell te penell? O baro ray dran o them Babilonia vas an Yerusalem, oun las leskro baro rayes oun leskre pralstunen pandles, oun anas len pash peste an o foro Babilon.

Ezekiel 17:3

Pen lenge: Kava penell o baro Devel, maro ray: Kote his i baro adlari. Koles his bare moussya oun pesse shoukar phora troul peskro shero. Kova djas ap i berga Libanon oun phagas o pralstouno kotar i roukestar krik, hoy kharell cedera,

Ezekiel 3:6

Te bičroms tout pash save menshende, kolen i vavar čip hi, oun kolengro rakepen tou gar hayveh, kolla shounans ap toute.

Daniel 7:4

O ersto his har i levo, oun les his čirklengre moussya har i adlari. Oun me dikom, har i bare čirklengre moussya lestar krik lino van. Oun ko firho vas pre hadedo i phoubyatar, oun pre-čiddo ap peskre pire har i mensho. Oun les vas o dji i menshestar dino.

Daniel 9:26

Oun pal kol efta kope 62 (shob-deesh-te-douy) bersha vell ko ray maredo, kay o Deblestar bičedo vas. Oun kek his ap leskri rig tardo. Oun palle venna lourde yek rayestar, kay gomme vella, oun denn o fores oun o Debleskro kheer paash. Oun yon djan tele har an i baro pani. Oun yaake rah har i phoub gomme koy hi, ačell kourepen oun marepen. Kova hi i vi-kerdo koova.

Hosea 8:1

O baro Devel penell: Phourde zoreles an i phourdepaskri! Har i adlari venn le pral miro them. Kolla kay kote djivenn, rikran pen gar ap kova, hoy lentsa vin krom, oun hadan pen pral mire laba.

4. Mose 24:24

Oun shiffe venna dran o them Kittim oun anenn lourden, kay perenn an i themma Assour oun Eber. Pal halauter djal ninna Kittim paash.”

Mateo 24:28

Kote, kay i moulo mass čiddo hi, kote venn i bare divye čirkle khetne te rhan le.

1. Korintarja 14:21

An o Debleskro lab hi činlo: Me kamau te rakrap ap kal menshende an o vavar rakepen. Oun vi-themarya penenn lenge mire laba. Oun ninna palle shounenn le gar ap mande, penell o Devel.