5. Mose 28:48 - O Debleskro Lab 2024 (Sinte-Manouche)

⁴⁸ Doleske bičrell o baro Devel vavar menshen pral t'mende, kay kamenn t'men tele te rikrell. Oun t'mer hounte boudrenn lenge, oun bokenn oun troushenn koy pashel. T'men vell gar doha an-ripaske, čičestar vell t'men doha. O baro Devel rikrell t'men yaake tele, har te vals i sasterni goustri troul t'mari meen, bis te t'mer moulo han.

O Debleskro Drom 2021 (Sinte)

⁴⁸ Doleske bitchrell o baro Dewel wawar menshen pral tumende, kai kamenn tumen tele te rikrell. Un tumer hunte budrenn lenge, un bokenn un trushenn koi pashel. Tumen well gar doha an-ripaske, tchitchestar well tumen doha. O baro Dewel rikrell tumen jaake tele, har te wals i sasterni gustri trul tumari meen, bis te tumer mulo han.

5. Mose 28:48 ပူးပေါင်းရင်းမြစ်များ

1. Rajengro liil 8:33

Te moukenn tire menshen Israel tiro drom oun venn doleske i menshendar dran vavar themma khetne dine, oun yon venn pale pash toute oun denn tiro lab an-gole oun mangenn pen tele glan toute kate an kava kheer

2. Familjakro liil 12:8

Tel leskro vast hounte ačenn le, te hayvenn le, har kova hi, te hi i vavar them o ray pral lende oun gar me.”

Jesaja 47:6

Me homs rhoyedo pral mire menshende, oun čivom len pale mandar, har te vans le bouder gar mire, oun dom len an tiro vast. Oun tout his kek dji lenge. Ninna ap i phourende čival tou tiro pharo vast oun dal len phari boudi.

Jeremia 17:4

Oun t'mer hounte djan dran kava them, hoy dom t'men hako tsireske. Oun me krau, te venn t'mer boudepangre kolenge, kay rikrenn t'men tele an i them, kay prindjrenn gar. Miri rholi hi har i yag, hoy gar bouder vin djala.

Jeremia 44:22

oun yob nay dikas bouder gar, har djan ap t'maro čilačo drom oun kran savo djoungelo koova! Doleske vas t'maro them i moulo them. I menshe, kay shounenn kolestar, denn i vasta pral o shero khetne. Oun te kamenn le yekes te praasell, penenn le: Mou djal touke har o themeske Youda! Kek mensho djivell bouder koy. Yaake hi kova kava dives!

Jeremia 44:27

Me dau garda, te vell bibarht ap lende oun kek barht: Koon dran o them Youda hi, oun an o them Egiptia vas, kova merell o rhareha oun i bokatar, bis te hi kek lendar bouder koy.

Jeremia 5:19

Oun te poučenn yon: Hoske krell maro baro Devel kova menge lauter?, hounte peness tou lenge: Yaake har t'mer mandar krik djan, oun van vavar deblenge koy an t'maro them, yaake hounte boudrenn t'mer vavar menshenge an i them, kay gar t'maro hi.

Ropaskre gilja 1:14

Ko boud čilačo koova, hoy krom, hi phares ap mande čiddo. O baro Devel čivas les ap mire phika. Oun me phagom khetne tel kova. O baro Devel das man an i vasta kolendar, kay nay vau kokres bouder gar vin.

Ropaskre gilja 1:3

I menshe dran Youda hi pandle boudepangre, hounte boudrenn tel dava, oun djivenn an vavar themma. Ninna kote hounte vell len daar. Halauter, kay len palla lenn, venna oun rikrenn pengro vast ap lengri meen.

Ropaskre gilja 4:4

I tikne čaven hi yaake troush, te vell lengri čip trouk an o mouy. I čave mangenna i kotar maro, oun kek hi koy, te dell lo lenge i kotar.

Ezekiel 17:12

Pen kol menshenge, kay moukenn pen či te penell: Hayvenn t'mer gar, hoy kova kamell te penell? O baro ray dran o them Babilonia vas an Yerusalem, oun las leskro baro rayes oun leskre pralstunen pandles, oun anas len pash peste an o foro Babilon.

Ezekiel 17:3

Pen lenge: Kava penell o baro Devel, maro ray: Kote his i baro adlari. Koles his bare moussya oun pesse shoukar phora troul peskro shero. Kova djas ap i berga Libanon oun phagas o pralstouno kotar i roukestar krik, hoy kharell cedera,

Ezekiel 17:7

Oun kote his i vavar baro adlari. Koles his ninna bare moussya oun boud phora troul peskro shero. Oun kanna rissras o drakengro rouk peskre draba oun kashta pash koleste, te dell kova les boudeder pani, har koy phoub, an kolate yob dren čiddo vas,

Ezekiel 23:29

Kolla djan čilačes touha trouyel, oun lenn touke halauter, hoy touke khetne anal, toutar krik. Yon moukenn tout nanges čiddo. Hakeno nay dikell, har nango hal, oun kay djival har i loubni, oun kral vi-ladjedo oun djoungelo koova.

Micha 2:3

Doleske penell o baro Devel ap lende: Kanna hom me, kay lell pes čilačo koova glan, hoy anau ap t'maro kheer! Vell yaake, har te vals i dori troul t'mari meen, oun t'mer nay tserdenn t'maro shero bouder gar vin, oun rikrenn les bouder gar pre. Savo čilačo tsiro vell pral t'mende.

Mateo 11:29

Me hom t'menge i lačo ray, oun dikau ap kekeste tele. Shounenn ap mande oun krenn, hoy me t'menge penaua! Oun t'maro dji vell pale zorelo.

5. Mose 32:24

I bokatar merenn le, oun o fibro rhal len pre. Pharo nasslepen marell len. Me bičrau divye firhe oun čilače sapa mank lende, kay dandrenn len moulo.