5. Mose 28:46 - O Debleskro Lab 2024 (Sinte-Manouche)

⁴⁶ Hako tsiro, kay vell kay bibarht pral t'mende, vell diklo, te hi o baro Debleskro praasepen ap t'mende čiddo.

O Debleskro Drom 2021 (Sinte)

⁴⁶ Hako tsiro, kai well kai bibacht pral tumende, well diklo, te hi o baro Debleskro praassepen ap tumende tchiddo.

5. Mose 28:46 ပူးပေါင်းရင်းမြစ်များ

Jesaja 8:18

Me oun kol čaven, kay o baro Devel man das, ham har i sikepen, hoy sikrell, hoy kamell o baro Devel te krell an Israel, yob, ko ray pral o bolepen oun i phoub, kay hi khere ap i berga Sion.

Jeremia 19:8

Me kamau savi bari bibarht pral kava foro te anell, kay hakeneske, kay dikell kova, o rakepen krik ačella oun yob pral leste sala.

Jeremia 25:18

Kolla his i menshe pengre bare rayentsa oun pralstunentsa an o foro Yerusalem oun an kol vavar forya an o them Youda. Yon hounte piyenn, te venn le khetne dino oun paash kerdo, yaake te denn i vavar menshe i vasta khetne pral o shero oun rakrenn lendar har praasede menshendar.

Ezekiel 14:8

Me dikau čilačes ap leste. Oun ap leste dikenn i menshe, hoy saveha djal, kay savo koova krell, oun yon rakrenn lestar i rah tsiro. Me krau les pale-čiddo hako tsireske, te nay djivell lo bouder gar mank mire menshende. Yaake dikenn oun hayvenn t'mer, te hom me o baro Devel.

Ezekiel 36:20

An havo them, kay le ninna van, vas lendar penlo: “I menshe o baro Deblestar hi kalla, oun hounte djan penge dran leskro them.” Yaake anan le ladj ap miro lačo lab.

Ezekiel 5:15

Ava, yon san pral toute oun praasenn tout. Lenge vell traash, te dikenn le, har miri bari rholi pral toute vell, oun har djoungeles save menshenge djal, kay man moukan. An miri rholi anau tiri doosh ap toute pale. Me, o baro Devel, rakrom.

4. Mose 26:10

Oun i phoub kras peskro mouy pre, oun tserdas len tele khetne o morsheha, o Korah. Oun kol 250 (douy-te-paash-sheel) morsha, kay djan lentsa, meran an i yag. Yaake van le i sikepen, te dikan i menshe, hoy hi.

1. Korintarja 10:11

Kova lauter, hoy ap lende vas, sikrell men, hoy nay vella. Oun mer, kay djivah kava dives oun djinah, te ačell kava tsiro bouder gar rah, menge vas kova činlo an i lila, te das mer yak ap mende.

5. Mose 28:37

Te dikenn i menshe an i themma, hoy troul t'mende hi, har t'menge djal, ačell lenge o rakepen krik i trashatar pral kova. Oun yon rakrenn oun sanenn pral t'mende.

5. Mose 28:59

Te shounenn t'mer gar ap leste, dell o baro Devel t'men oun t'mare čaven, oun bičrell t'menge boud doukepen oun pharo nasslepen, ko yek gomme djoungleder har ko vavar. Oun kova ačell i rah tsiro ap t'mende.

5. Mose 29:20

Yob čivell les infam, te hi lo kek Israelitari bouder. Oun ap leste vell koy bibarht, hoy koles taprell, kay tel o praasepen hi doleske kay rikras lo pes gar ap kova, hoy peskro baro Devel leha vin kras, yaake har an kava čačepaskro liil činlo hi.

5. Mose 29:28

Kova hoy khatedo hi, djinell kokres maro baro Devel. Mende sikras lo, hoy lo mendar kamell, te djivas mer pal kal tsele laba, hoy an kava čačepaskro liil činlo hi. Kova hi menge oun mare čavenge hako tsireske.