5. Mose 28:32 - O Debleskro Lab 2024 (Sinte-Manouche)

³² Tire morsh čave oun tire ča venn i menshenge an i vavar them dino, te boudrenn le lenge. Oun tire yaka dikenn kova, oun tiro dji nashell pal lende oun phagella. Oun an tire vasta ačell bouder kek zoor.

O Debleskro Drom 2021 (Sinte)

³² Tire mursh tchawe un tire tcha wenn i menshenge an i wawar them dino, te budrenn le lenge. Un tire jaka dikenn kowa, un tiro dji nashell pal lende un phagella. Un an tire wasta atchell buder kek soor.

5. Mose 28:32 ပူးပေါင်းရင်းမြစ်များ

2. Familjakro liil 29:9

Mare dada van o rhareha maredo, oun i djouvya oun čave oun ča van pandles an i vavar themma anlo.

Hiob 11:20

I čilače hayvenn gar, hoske lenge djoungeles djal, oun hatsenn gar vin dran lengri bibarht. Lenge ačell či har te dikenn le ap ko dives, kay merenn le.

Hiob 17:5

Hi penlo: Yek rhal khetne peskre malentsa, oun leskre čave hounte bokenna.

Hiob 31:8

palle kamau djob an i phoub te vitsrell, oun i vavar nay rhal kova, hoy kolestar bares vas. Oun kova, hoy mange dran i phoub vin vas, tserdenn palle i vavar dran i phoub vin.

Debleskri gili 119:123

Mire yaka nashenn pal toute: Le man vin dran o čilačepen, yaake har tou penal an tiro čačepen.

Debleskri gili 119:82

Me dikau mange i yaka vin pal kova, hoy tou mange penal. Kaana veh tou, oun khosseh mange i sva tele?

Debleskri gili 69:3

Me tassau an sapeni čik, mire herya hatsenn kek phoub, kay yon nay tardo ačans. Hom an pani, hoy dour tele djal. Oun zorele panya kamenn man tele te tserdell.

Jesaja 38:14

An miri gole hi kek zoor. Har i čirklengri gole shounell pes miri gole an, oun har te rovals i tauba. Mire yaka hi khino, yaake rah dikom ap toute pre. Miro ray, hom an o merepen! Ab tou ap miri rig!

Ropaskre gilja 1:18

O baro Debles his čačo, har das lo man i phagi. Me shounom gar ap leskro lab. Shounenn, t'mer menshe an vavar themma, oun dikenn, har baro miri douk hi! Mire terne ča oun terne čave van pandles krik lino.

Ropaskre gilja 2:11

Mire yaka hi pherde sva, i douk an mande rhačella. Miro dji phagell, te dikau koy bibarht, hoy pral i menshende an miro them vas. Kol terne čave oun ternepen merenn i bokatar ap i dromma an o foro.

Ropaskre gilja 4:17

Pale te pale dikan mare yaka pen trouyel pal yekeste, kay menge ap i rig vell. Oun kek vas. Ko them, ap koleste dikam, nay las men gar dran i bibarht vin.

Ropaskre gilja 5:17

Doleske hi maro dji nasselo, oun mare yaka vi-rovedo,

Ezekiel 24:25

Oun tou mensho, djiness, me krau ko zorelo kheer paash, kolestar yon patsenn, te vell i menshenge kote kek čilačepen, ko raylo kheer, pral koleste yon yaake barhtelo hi. Oun hoy yon boudeder kamenna har halauter, pal koleste lengre djia nashenn, lengre morsh čaven oun lengre čen, lau lendar krik.

Amos 5:27

an ko tsiro, kay anau t'men pandles an i them, hoy hi čiddo pal o foro Damaskus. Me, o baro Devel, ko ray pral o bolepen oun i phoub, penau kova.

Micha 2:1

Havi bibarht vell pral kolende, kay hi čiddo ap pengro čiben, oun an lengro shero djal čilačo koova trouyel, hoy kamenn le te krell. Yaake sik har o kham pre djal, krenn le, hoy le pen glan lan. Len hi i zoor, te krenn le, hoy le kamenn.

Micha 4:10

Ava, t'mer an o foro Sion, save douka venn pral t'mende. Oun t'mer denn bari gole, har i romni, kay lell i ternepen. T'mer hounte djan dran o foro, oun hounte rikrenn t'men vin ap o them pre, oun venn bis pash o foro Babilon anlo. Kote lell t'men o baro Devel pale vin. Yob lell t'men vin dran i vasta kolendar, kay rikran t'men tele.

4. Mose 21:29

Djungelo touke Moab! T'mer menshe ko deblestar Kemosh han nashedo. Tire čave van dino oun nashan, oun tire ča van pandlo anlo pash o Sihon, ko baro ray pral i Amorarya.

5. Mose 28:18

T'mer lenna gar boud čave, gar boud djob, gar boud groumya oun bakre.

5. Mose 28:31

Tou dikeh har vavar tiri groumni marenn, oun tou lell latar či te rhal. Tiri bourika vell touke randedo glan tire yaka, oun vell tout gar bouder pale dino. Kol menshe, kay kourenn pen touha lenn tire bakre oun bouzya penge, oun kek vell ap tiri rig, te lell lo len dran lengre vasta vin.

5. Mose 28:41

T'men venn morsh čave oun ča. Oun yon ačenn t'menge gar. Pandles venn le krik anlo.

5. Mose 28:65

Mank kol menshende hatsenn kek platsa, kay khere han oun ačenn nashte. Oun o baro Devel dell t'men kote i dji, hoy o tselo tsiro darell. An t'mare yaka hi kek djipen bouder. Oun t'mer kamenn bouder gar te djivell.