5. Mose 28:24 - O Debleskro Lab 2024 (Sinte-Manouche)

²⁴ Ava, brishin dell gar bouder ap t'mende tele. Na-a, čik oun santa phourdell o baro Devel pral t'maro them, bis te han moulo.

O Debleskro Drom 2021 (Sinte)

²⁴ Awa, brishin dell gar buder ap tumende tele. Na-a, tchik un santa phurdell o baro Dewel pral tumaro them, bis te han mulo.

5. Mose 28:24 ပူးပေါင်းရင်းမြစ်များ

1. Mose 19:24

Koy moukas o baro Devel yag oun yagakri khand pral i forya Sodom oun Gomorra te perell dran o bolepen.

Jesaja 5:24

Doleske merenn le tele har o zenlepen, koleskre draba nasselo hi, oun koleskri blouma tele perell, oun har o khass, pral koleste i yag djal oun les pre rhačrell. Yon kaman gar te djal o drom o baro Deblestar, kay hi o ray pral o bolepen oun i phoub. Oun i labendar lengro lačo Deblestar kaman le či te djinell.

Amos 4:11

His save forya pash t'mende, kay krom yaake paash, har krom i forya Sodom oun Gomorra paash. Oun t'mer hans har i kotar kasht, hoy vas vin tserdedo dran i yag. Ninna palle van t'mer gar pale pash mande, penell o baro Devel.

Haggai 1:10

Doleske vell dran o bolepen kek pani, oun dran i phoub vell kek zenlepen.

5. Mose 11:17

Te krenn savo koova, nashte vell i rholi o baro Deblestar pral t'mende, oun yob pandell o bolepen tele, te dell bouder gar brishin, oun i phoub nay moukell či pre te djal. Palle merenn t'mer sik vin an kava lačo them, hoy o baro Devel t'men das.

5. Mose 28:12

Yob krell t'menge o bolepen pre oun dell brishin an o čačo tsiro ap t'maro them, oun čivell peskri barht ap halauter, hoy t'mer krenna. Oun t'mer patsenn i menshenge an boud themma. Lendar hounte patsenn t'menge či.

5. Mose 28:23

Oun dell kek brishin, oun i phoub tel t'mende vell yaake zorelo har bar.