5. Mose 28:16 - O Debleskro Lab 2024 (Sinte-Manouche)

¹⁶ Bibarht vell ap t'mende an o foro oun ap t'mari harhetikri phoub.

O Debleskro Drom 2021 (Sinte)

¹⁶ Bibacht well ap tumende an o foro un ap tumari hachetikri phub.

5. Mose 28:16 ပူးပေါင်းရင်းမြစ်များ

1. Mose 5:29

Oun yob das les ko lab Noah oun penas: “Mari boudi hi pharo ap i harhetikri phoub, kay čivas o baro Devel i bibarht pre. O Noah dell mare djia nevi zoor.”

1. Rajengro liil 17:1

O Eliya dran o gab Tishbe an o them Gilead penas ap o Ahab: “Me penau touke an o lab o baro Deblestar, kay o Israeleskro djido Devel hi, glan koleste hom me tardo: An kol bersha, hoy kanna venna, dell kek brishin, vitar gar djal i sapeno dourho pre dran i phoub, bis te penau me kova.”

1. Rajengro liil 17:12

Kote penas li: “Pash o baro Debleste, tiro djido Debleste, man hi kek peklo rhapen. Či har i vast pherdo yarro an i piri oun i roy pherdo djet an o khoro hi man. Ake, yek, douy kotya kasht, hoy hadom pre. Kanna djau khere oun krau mange oun miro čaveske i rhapen, te rhas. Oun palle hounte meras.”

1. Rajengro liil 17:5

Oun yob kras, har o baro Devel leske penas, oun djas ap i vavar rig o panyestar Yordan oun ačas pash o tikno pani Krit.

Hiob 24:18

O čilačo vell sik krik hidjedo har i patri ap o pani. Ap leskro kotar phoub hi i praasepen čiddo. Pash peskre drakengre rouka djal lo bouder gar.

Gosewe laba 3:33

O baro Devel čivell i bibarht ap o kheer i čilačendar, oun barht ap o kheer kolendar, kay an o čačepen tardo hi.

Jesaja 43:28

Doleske čivom tire rashayen pale. Oun moukom menshen dran vavar themma pral toute vell, te vess paash dino, Yakob. Oun krom, te van t'mer Israelitarya praasedo.

Jeremia 14:18

Djau me vin ap o them, dikau me menshen, kay peran an o kourepen. Vau me an o foro, hi koy menshe čiddo, kay meran i bokatar. Ninna Debleskre rakepangre oun rashaya nashenn trouyel an o them, oun djinenn gar, hoy te krenn.

Jeremia 26:6

palle krau kava khereha har ko khereha an Shilo. Oun me krau, te penenn i vavar menshe, te kamenn le yekes te praasell: Mou djal touke har o foreske Yerusalem!

Jeremia 44:22

oun yob nay dikas bouder gar, har djan ap t'maro čilačo drom oun kran savo djoungelo koova! Doleske vas t'maro them i moulo them. I menshe, kay shounenn kolestar, denn i vasta pral o shero khetne. Oun te kamenn le yekes te praasell, penenn le: Mou djal touke har o themeske Youda! Kek mensho djivell bouder koy. Yaake hi kova kava dives!

Jeremia 9:11

Me poučom: Baro Devel, hoske rhačell ko them oun vell moulo, yaake kay nay djal kek bouder koy trouyel? Koon hi gosevo oun hayvell kova? Ap koneste penal tou kova, yaake te penell yob kova i vavarenge?

Ropaskre gilja 1:1

Yerusalem, har mouklo hal koy čiddo, tou, kay hals pherde menshe! An-diklo hals pash i tsele themma. Kanna hal kokres har i romni, kolakro rom meras. I rayetsa hals pral vavar themma. Kanna hounte boudress i vavarenge.

Ropaskre gilja 5:10

Har te hams an i bob, rhačell mari hauta koy bari bokatar.

Joel 1:4

Boud boud stepangre van pral o them oun beshan pen ap o djob. Hoy moukan kolla pral, rhan kolla, kay pal lende van. Hoy kolla pral moukan, rhan kolla, kay pal kolende van. Hoy palle pral ačas, rhan kolla, kay pal kolende van.

Joel 2:3

Glan lende djal i yag oun pal lende rhačell i phoub. Glan ko tsiro, kay venn le, hi o them har o Debleskri baar Eden, oun te djan le pral vergel, ačell i divyo paash them. Kek nay nashell lendar krik.

Zakarie 5:4

O baro Devel, ko ray pral o bolepen oun i phoub, penell, ko praasepen te vell pral o čorepaskro kheer oun an o kheer kolestar, kay dell pes i rhorheno sovel an o lab o baro Deblestar. Ko liil ačell an lengre khera, oun rhal len pre, ninna lengro kasht oun lengre barra.”