5. Mose 28:15 - O Debleskro Lab 2024 (Sinte-Manouche)

¹⁵ Shounenn t'mer gar ap t'maro baro Debleste oun krenn gar, hoy lo t'mendar kamell, oun rikrenn t'men gar ap leskre laba, hoy me t'menge kava dives penom, palle vell kay tseli bibarht pral t'mende:

O Debleskro Drom 2021 (Sinte)

¹⁵ Shunenn tumer gar ap tumaro baro Debleste un krenn gar, hoi lo tumendar kamell, un rikrenn tumen gar ap leskre laba, hoi me tumenge kau diwes penom, palle well kai tseli bibacht pral tumende:

5. Mose 28:15 ပူးပေါင်းရင်းမြစ်များ

1. Mose 3:14

Koy penas o baro Devel, maro ray, ap o sap: “Praasedo vess koleske, hoy tou kral. Touke djan le dran o drom, – touke kokres oun gar i tsele vavar firhenge. Tou djas ap tiro per oun rhas čik tiro tselo djipen.

1. Mose 4:11

I phoub kras peskro mouy pre oun piyas tiro phraleskro rat, koles tou moulo dal. Kanna nay boudress bouder gar ap i phoub. Tou vess praasedo ap i phoub.

1. Mose 4:12

Te kreh tiri boudi ap i harhetikri phoub, vell kote či touke baro. Tou hounte djas trouyel ap i phoub. Tout vella kek them, kay khere hal.”

2. Familjakro liil 12:5

Oun o Debleskro rakepaskro, o Shemaya vas pash o Roboam oun pash kol pralstunende pral o them Youda. Kolla van halauter khetne an o foro Yerusalem, har shounan le, kay vell o Shishak. Oun o Shemaya penas ap lende: “Kava penell o baro Devel: T'mer moukan man; doleske moukom me t'men ninna, oun dom t'men an o vast o rayestar Shishak.”

2. Familjakro liil 34:24

Kava penell o baro Devel: Me anau čilačepen pral kava foro oun pral i menshende, kay kate djivenn. Koy tseli bibarht, hoy an ko liil tardo hi, hoy moukas peske o baro ray pral Youda glan te draverell, anau pral t'mende.

2. Familjakro liil 7:19

Te moukenn t'mer miro drom, oun rikrenn t'men gar ap mire laba oun miro čačepen, hoy me t'menge dom, oun djan pash vavar debla, oun mangenn len an, oun vitsrenn t'men glan lende tele ap i phoub,

Jesaja 3:11

Ap i čilačende vell bibarht. Lenge djal gar mishto. Ap lengro shero vell ko čilačepen pale, hoy le kran.

Jeremia 11:8

Yon shounan gar ap mande, oun dan gar yak ap mire laba. Hakeno djas pal peskro shero, oun kras kova, hoy leskro midjak dji leske penas. Me penom lenge, te hounte rikrenn le dren, hoy lentsa vin krom. Kova kran le gar. Doleske moukom pral lende koy tseli bibarht te vell.

Jeremia 26:4

Pen lenge: Kova hi, hoy o baro Devel penell: Me bičrom t'menge mire rakepangre, kay mange boudrenn, te penenn le t'menge, hoy te krenn. Boud kope bičrom len pash t'mende. T'mer dan gar yak ap kova, hoy le penan. Te shounenn t'mer gar ap mande oun djan gar ap miro drom, hoy t'mende sikrom, oun denn gar yak ap i laba, hoy mire rakepangre t'menge penenn,

Jeremia 32:23

Oun har yon an o them dren van, oun les penge lan, shounan yon gar ap toute, djan vitar gar ap tiro drom. Oun halauter, hoy tou lenge zoreles penal, te krenn le les, kova kran yon gar. Doleske moukal ninna kava tseli bibarht pral lende te vell:

Jeremia 36:31

Me moukau i phagi te vell pral toute, tire čavende oun pral i pralstunende pash toute t'maro čilačepaske. Pral t'mende oun kolende an Yerusalem oun Youda anau me koy tseli bibarht, kolah t'men trad dom, doleske kay kek t'mendar shounas ap mande.

Jeremia 36:7

Nay vell, te moukenn le pengro čilačo drom oun mangenn pen tele glan o baro Debleste oun venn pale ap leskro drom. Palle nay rikrell o baro Devel peskri bari rholi pale, hoy les ap kal menshende hi, oun hounte dell len gar koy phari phagi, kolah lo len trad das.

Jeremia 40:2

Glan te moukas o pralstouno i lourdendar o Yeremiyes te djal, moukas lo les pash peste te anell, oun penas ap leste: Tiro baro Devel penas kay bibarht glan-vi, hoy vas pral kava them.

Ropaskre gilja 2:17

O baro Devel kras, hoy lo peske glan las. Oun kras kova, har lo menge glan i rah tsiro trad das. Les khaytal tou gar, har moukas lo tout khetne te dell, oun kolen, kay ap toute djan, i zorleder te vell. Har tou peral, nay san le.

Hosea 7:12

Te krenn i menshe an o them Efrayim yaake doureder, vitsrau me miri netsa pral lende, oun taprau len har čirkle, oun dau len pengri phagi, yaake har lenge penom, har yon khetne his.

Galatarja 3:10

Kol vavar, kay rikrenn pen ap o Moseskre laba, oun kamenn yaake čačo te vell glan o Debleste, kolla hi tel o Debleskro praasepen. O Debleskro lab penella: Hakeno hi praasedo, koon gar lauter krella, hoy o Moseskre laba penenna. Oun kek mensho hi koy, kay krell lauter, hoy o Moseskre laba penenna.

5. Mose 11:28

I bibarht vell ap t'mende, te shounenn t'mer gar ap i laba t'maro baro Deblestar, oun djan leskro dromestar tele, oun djan vavar deblenge palla, kolen t'mer gar prindjrenn.

5. Mose 28:2

Te shounenn t'mer ap leste oun krenn, hoy yob t'mendar kamella, vell leskri barht pral t'mende an halauter:

5. Mose 28:45

Te shounenn t'mer gar ap t'maro baro Debleste oun leskre laba, oun krenn gar, hoy lo t'mendar kamell oun t'menge penas, vell kay tseli bibarht pral t'mende, oun lell t'men palla, bis te moulo han.

5. Mose 29:19

Ap saveste dikell o baro Devel gar lačes, na-a, pral koleste rhačell leskro dji i rholyatar. Oun ko tselo praasepen oun i tseli bibarht, hoy an kava liil činlo hi, vell ap leste čiddo. Oun o baro Devel krell, te vell yob oun leskri familya bistedo ap i tseli phoub.

5. Mose 29:20

Yob čivell les infam, te hi lo kek Israelitari bouder. Oun ap leste vell koy bibarht, hoy koles taprell, kay tel o praasepen hi doleske kay rikras lo pes gar ap kova, hoy peskro baro Devel leha vin kras, yaake har an kava čačepaskro liil činlo hi.

5. Mose 5:1

Oun o Mose das i tsele menshen Israel khetne gole, oun penas ap lende: Shoun Israel kova, hoy o baro Devel kamell t'mendar, leskre tsele čačepaskre laba, hoy kava dives glan t'mare kanna penom. Rikrenn len an o shero, oun denn yak ap lende, oun djivenn pal lende!

Josua 23:15

Oun yaake har ko tselo lačo lab čačo vas, hoy t'maro baro Devel ap t'mende penas, yaake hi kova ninna kol čilače labentsa. Te rikrenn t'men gar ap kova, hoy t'maro baro Devel t'mentsa vin kras, oun djan pash vavar debla, oun mangenn len an, palle vell o baro Debleskri rholi pral t'mende. Oun sik ačell bouder kek t'mendar djido an kava lačo them, hoy t'maro baro Devel t'men das.

Čačepangre 2:15

Oun kay le ninna djan, te kourenn le pen, his o baro Devel gar lentsa oun das len kek barht. Yaake vas kova, hoy o baro Devel lenge penas oun leskro vast pre das. Oun yon van an phare tsirya.

1. Samuel 4:10

Oun i Filistarya maran pen i Israelentsa oun dan len. Oun i Israelitarya nashan penge, hakeno an peskro plarhteno kheer. Oun yon van phares dino, yaake phares, te meran lendar triyanda-zerya (30.000) morsha.