5. Mose 28:10 - O Debleskro Lab 2024 (Sinte-Manouche)

¹⁰ Palle dikenn le an i tsele themma ap i phoub, te han o baro Debleskre vi-rodede menshe, oun yon darenn t'mendar.

O Debleskro Drom 2021 (Sinte)

¹⁰ Palle dikenn le an i tsele themma ap i phub, te han o baro Debleskre wi-rodede menshe, un jon darenn tumendar.

5. Mose 28:10 ပူးပေါင်းရင်းမြစ်များ

1. Familjakro liil 14:17

Oun o David his i sharedo morsh an i tsele themma. Oun o baro Devel kras, te vas i traash glan leste ap i tsele themma.

2. Familjakro liil 7:14

oun mire menshe, kay miro labeha kharedo venn, dikenn palle dren, hoy le kran, oun mangenn man, oun rodenn man oun djan pengre čilače dromma tele, palle shounau an o bolepen lengri gole, oun lau lengri doosh krik oun krau lengro them sasto.

2. Mose 12:33

Oun i tsele Egiptarya mangan len, te djan le yaake sik har djala, oun tradan len dran o them. Yon penan penge: “Te djan le gar sik, hounte meras mer lauter.”

2. Mose 14:25

Lengre vourdya ačan an i čik yaake te van le phares glan. Oun i Egiptarya penan: “O baro Devel kourell pes lenge oun hi ap lengri rig. Djas menge katar!”

Jesaja 63:19

Oun mer vam har save, pral kolende tou an kek tsiro o ray hals, oun pral kolende tiro lab gar vin gole dino vas.

Jeremia 14:9

Hoske kreh tou, har te djinals gar, hoy te kress, har te vals i kourepaskro kek zoryah? Čačepah, baro Devel, tou hal pash mende. Mer ham tire menshe. Ma mouk men!

Jeremia 33:9

Palle vell o foro Yerusalem mange i foro, pral koleste barhtelo hom. I menshe an i tsele themma sharenn man, oun hadenn man, te shounenn le ko tselo lačo koova, hoy me o foreske Yerusalem krau. Lenge ačell o rakepen krik, oun yon krenn bare yaka, te dikenn le ko tselo lačepen oun koy tseli barht, hoy dau kava foreske.

Maleachi 3:12

Oun i menshe an i tsele themma penenn pral t'mende: “Dikenn, har barhteles yon hi! Havo shoukar them len hi!” Ko penell o baro Devel, ko ray pral o bolepen oun i phoub.

4. Mose 6:27

T'mer te rakrenn yaake miro lab pral i Israelitarya vin, dau me len barht oun zoor.”

Bičepangre 15:17

Kova krau, te poučenn lauter, kay pral ačan, pal mande. Ninna kolla, kay kek bibolde hi, denn man an-gole. Oun yon venn miro, oun venn mange koy.

5. Mose 11:25

Kek nay ačell glan t'mende tardo, Traash oun daar moukell t'maro baro Devel ap i menshende an o tselo them te vell glan t'mende, yaake har yob les t'menge penas.

5. Mose 2:25

Kava divesseha krau te darenn t'mendar i menshe an hake themma. Koon t'mendar shounella, trashell oun trissell i daryatar.”

Josua 5:1

Oun i tsele bare raya pral i Amorarya, kay ap koy rig o panyestar Yordan djivan, kay o kham tele djal, ninna i tsele bare raya pral i Kanaanitarya, kay pash o Baro Pani djivan, kolla halauter shounan, har las o baro Devel o pani dran o Yordan krik glan i Israelitarya, bis te yon halauter ap i vavar rig his. Oun har yon kova shounan, vas bari traash ap lende, oun an kekeste ačas i zoor te djal lo pre ap i Israelitarya.

Debleskro tsiro 3:9

Shounenn, hoy me kol bengeskre menshentsa krau, kay rhorhenn oun penenn pendar, te hi le o Debleskre menshe, oun yon hi kek Debleskre menshe. Me krau, te venn le pash t'mende, te vitsrenn le pen glan t'mende ap i phoub, oun te hayvenn le, te kamau t'men o tselo djiyestar.