5. Mose 27:24 - O Debleskro Lab 2024 (Sinte-Manouche)

²⁴ “Praasedo vell kova, kay i vavares čorrhanes moulo dell!” Oun i tsele menshe hounte penenn: Amen!

O Debleskro Drom 2021 (Sinte)

²⁴ “Praassedo well kowa, kai i wawares tchorchanes mulo dell!” Un i tsele menshe hunte penenn: Amen!

5. Mose 27:24 ပူးပေါင်းရင်းမြစ်များ

2. Samuel 13:28

O Absalom penas ap peskre lourde: “Denn yak! Te piyas pes o Amnon mato, oun te penau me ap t'mende: Denn o Amnones khetne! palle denn les moulo! Ma trashenn! Me penom t'menge, te krenn kova. Avenn čače morsha oun krenn kova kek trashah!”

2. Samuel 3:27

Har o Abner pale an o foro Hebron vas, las o Yoab les ap i rig pash o baro voudar, te rakrell yob čorrhanes leha. Koy das o Yoab les an o per čourye, yaake te meras lo. Kova kras lo doleske, kay o Abner leskro phrales, o Asahel, maras.

1. Rajengro liil 2:5

Koy hi ninna čomone, hoy hounte penap touke: Tou djineh, hoy kras mange o Yoab, koleskri day i Serouya hi, har maras lo kol douy pralstoune lourden pral Israel: o Abner, koleskro dad o Ner hi, oun o Amasa, koleskro dad o Yeter hi. Yob maras len, har kek kourepen his, har te vals lo an o kourepen. Kol douy morshen his kek doosh ap pende. Oun o Yoab anas lengro rat pral peste.

2. Mose 20:13

Ma mare kekes!

3. Mose 24:17

Koon i menshes moulo dell, hounte vell moulo dino.

4. Mose 35:30

Koon i menshes moulo das, koles hounte denn moulo, te hi menshe koy, kay dikan oun penan kova. Hi gar doha, te penell yek mensho kokres, hoy lo dikas, yaake te vell ko vavar maredo.

4. Mose 35:31

Te das yob čačepah yekes moulo, nay ginell lo pes gar vin. T'mer hounte lenn kek love lestar, vitar gar leskre menshendar. Maredo hounte vell lo.